Сабақ тақырыбы: 'Тілашар' даярлық топ

«Парасат»мектеп - лицейі педагог-логопеді

Л.С.Менжесарова.

Бескөл ауылы.

Ж - З дыбыстары мен әріптерін ажырату

Сабақтың мақсаты: Дыбыстардың артикуляциясын анықтау. Дыбыстау және артикуляция бойынша дыбыстарды жіңішкертіп үйрену. Фонематикалық дыбысталуды дамыту.

Білімділік :Ж - З дыбыстарының айтылу қалпын түсіндіру. Ж - З дыбыстарын буында, сөзде машықтандыру.

Түзетушілік: машықтандыру жаттығуларын жасату,қимыл - қозғалысын белсендіру.

Тәрбиелік: логопедті мұқият тыңдауға, тапсырмаларды тиянақты орындауға, сезімділігін ұштауға.

Көрнекілік: айна, суреттер,ойыншықтар, әріптер, АКТ, үлестірмелер.

Сабақ барысы:

1Ұйымдастыру кезеңі:

/Музыка аясында құстардың әуені естіліп тұрады, балалар өздерін бір сәт орманда жүргендей сезіну/.

Орманға барсаң бәрі бар,

Қарағай,қайың, терек тал.

Ұшып қойған көп құстар,

Мекендейді тағы аңдар.

Қайнап жатыр өмір сонда,

Орман іші қызық базар.(М.Қ.Ысқақова)

Балалар, бүгін бізге сабаққа қонақтар келді. Бәріміз амандасайықшы.Ал енді өткен сабақты еске түсірейік.

Жаңа сабақ:

2.Дыбыстау арқылы тақырыппен таныстыру (заттардың суреттері бойынша,жұмбақ).

Сабы жоқ,қамшы

Ешкімге ұсынба. Түрі жылқы бейнесі,

Уы бар бір тамшы, Жолақ - жолақ жейдесі

Тілінің ұшында

Жылан- ж-ж. Бірінші дыбыс қандай? Ж - ж. Дұрыс.

Зебр - з - з. Бірінші дыбыс қандай? З - з. Дұрыс! Жарайсыңдар!

Бүгін З және Ж дыбыстары қонаққа келді. Ал олармен бірге қоян келді. Кәне,біз оған артикуляциялық жаттығуды қалай жасайтынымызды көрсетейік.

3. Артикуляциялық жаттығулар:

Айнаны алып жаттығуларды бастаймыз.

1. «Күрек» - тілді шығарып,ерінге жатқызу, бос ұстау.

2 «Кесе» - тілді аздап шығарып,айнала көтеру.

3. «Тісімізді тазалайық» тілдің ұшымен үстіңгі, астыңғы тілмен жұмыс жасау.

4 «Сылаушы» тілмен жоғары және төмен қарай жұмыс жасау.

Жарайсыңдар! Аяқталды.

4. Ж және З дыбыстарының артикуляциясын нақтылау:

1.Ж дыбысын дыбыстағанда тілді жоғары көтереміз, бірақ тигізбейміз. Ж - ж - ж.

Қане, қайталап көрейік.

2.З дыбысын дыбыстағанда тілді төменгі тістерге түсіреміз. З - з - з

Жа-жа-жа - қоңыздар жазда ұшады За-За-За - масалар ызылдап тұр далада

Қоңыз қалай өлең айтады? Ж-ж-ж

Маса қалай өлең айтады? З-з-з

5. Қазір сендердің білімдеріңе сүйене Ж - З дыбыстарын дыбыстағанда тіл қайда болады? Мен қолымды көтерсем Ж, түсірсем З болады. Бастаймыз:

Ж, ж, з, ж, з, з, ж, ж, ж, з, ж, з, ж, з,

Жарайсыңдар! Қоянға сендердің жұмыс істегендерің ұнайды.

Қоян сендерге ризашылығын білдірді.

6. Сергіту сәті. Логоритмика

Қоян, қоян,

Ұйқыдан оян.

Бетіңді жушы,

Айнаға қарашы,

Шашыңды тарашы.

Өзің батырсың,

Кімнен қорқып отырсын?

/Балалар шеңбер құрып, ортасында бір бала қоян ойыншығын ұстап тұрады /

7. Дыбыстардың дифференциациялауы- буында және сөздерде

Логопед буындарды айтады, ал балалар тиісті З немесе Ж дыбыстарын қайталайды:

Жа-жа, за-за, жы-жы, зы-зы, жу-жу, зу-зу

Аж- аж,аз-аз,ыж-ыж,ыз-ыз,уж-уж,уз-уз

Енді буындар арқылы сөздер айтамыз:

Жа-жа-жа- жаңа за-за-за -заман

Жу-жу-жу -жуас зы-зы-зы -зымыран

Жы-жы-жы -жылқы зу-зу-зу -зула

Жарайсыңдар!

8.Қолдардың саусақтарын дамыту жаттығуы / музыка аясында/

Мен сендерге қағаз үлестіремін, ал сендер соған сурет саласыңдар. Ортасына ағаш саламыз, оң жағына әдемі гүл, ал сол жағына жай саңырауқұлақ, жоғары жағына бұлт, күн, құстардың ұшып бара жатқанын.

Жарайсыңдар! Үйде жалғастырып, аяқтап келесіңдер.

9.Қорытынды:

Ж - З дыбысы мен әріптеріне сөздер айтқызу.

/жапалақ, жапырақ, жолбарыс, зымыран, зебр,зергер, қымыз/

Рефлексия:

Балалар сабақтан алған әсерлерін жарма ұнтақтары салынған табақшадағы сурет салу арқылы көрсетеді.

Рахмет! Жарайсыңдар! Сау болыңдар!