Конспект на тему 'Түстер Ш дыбысы'

Технологиялық карта

Күні,айы,жылы : 14.01.2016 ж

Түзету сабағының тақырыбы: Тіс аралық дыбыстарды қою және автоматтандыру ш дыбысы

Сабақтың тақырыбы : Дыбыс және әріп «Ш» Түстер әлемі

Сабақтың мақсаты:

Білімділік мақсаты: түстер тақырыбын меңгерте отырып,ш дыбыстын буында,сөзде дұрыс,анық айтуға үйрету .Дененің бұлшық еттерін және артикуляциялық аппаратты ерікті түрде меңгерту біліктіліктеріне үйрету.

Дамытушылық мақсаты: фонематикалық есту қабілетін жетілдіру,ойлау қабілетін,қабылдауын дамыту.Балалардың ұсақ қол моторикасын ,тыныс алуын, сөйлеу мүшелерінің қимыл-қозғалысын дамыту.

Тәрбиелік мақсаты: түстерді ажыратып үйрету.

Көрнекіліктер : айна,суреттер, кемпірқосақ, жалмауыз кемпірдің суреттері

Іс -әрекет кезеңдері

Логопедтің іс-әрекеті

Балалардың іс-әрекеті

Мотивациялық -оятушылық

-Саламатсыздарма оқушылар?!

Сәлемдесейік иіліп,

Жылы жүзбен жымиып.

Қызығы мол сабақта

Ойнайық та күлейік.

Балалар хормен айтады.

Ұйымдастырушылық-ізденушілік

Ұсақ қол моторикасын дамыту

«Саусақтар сәлемдеседі»

«Жұдырық,тақтай,алақан»

Артикуляциялық жаттығу

• «Күрекше»

• «Алтыбақан»

• «Сылақшы»

Тыныс алу жаттығуы: «Көбелекті гүлге қодыр»

Жаңа сабақ

-Балалар,бүгінгі сабағымыздың тақырыбы «Түстер әлеміне саяхат» деп аталады.Ендеше,балалар,қандай түстерді білесіңдер?

-жарайсыңдар!Түстер адамға сән береді,айналаны құбылтады.Егер түстер болмаса барлығы көңілсіз болар еді.Сондықтан түстер бізге қажет екен.Ал мынау кім балалар?

-Дұрыс айтасыңдар бұл Кемпірқосақ пен Жалмауыз кемпір.Кемпірқосақ көңілсіз,себебі оның түстерін Жалмауыз кемпір тартып алыпты. Ал мыстан кемпір түстерді берсін десеңдер,мына мыстанның тапсырмаларын орныдау керек.

-Енді сол әрбір түсте бір тапсырма бар.Кім түстердің тапсырмасын жақсы орындаса сол кемпірқосақты бояйды.

1-тапсырма. Қызыл түс

Ш дыбысының айтылуын еске түсіреміз.Ш дыбысын айтқанда еріндер түтікшеге ұқсайды.Тілдің ұшы жоғары тістерге тіреледі,жылы ауа пайда болады.

Тілді жоғары:ша-ша-ша -біздің шана тамаша

2-тапсырма.Көк түс

«Кім зейінді?» ойыны

Әртүрлі буындардың ішінен Ш дыбысын естігенде жалаушаны көтеріп,буында қайталайсыңдар: са,му,қа,па,ша,су,ма,ле,шу,ба,ме,лу,ше.

3-тапсырма,Сары түс

Кім жақсы естиді екен? Мен Ш дыбысына сөз айтамын.Ал сендер ш дыбысының сөздің басында,ортасында,аяғында кездесуін қолдарындағы сандар арқылы анықтайсыңдар.Шана,қуыршақ,шалбар,машина,қаш.

4-тапсырма.Жасыл түс.

«Қай баған?» дидактикалық ойын.

Сурет бойынша с дыбысынан басталған сөздерді с бағанына,ш дыбысынан басталған сөздерді ш бағанына орналастару қажет.

5-тапсырма.Қызғылт-сары түс

Жаттамақты жаттап айтады.

Ша-ша-ша біздің мектеп тамаша.

Ші-ші-ші менің ағам суретші.

Ша-ша-ша әжем шашты шашу.

6-тапсырма.Ал қызыл түс

«Бұл қалай өзгереді?» ойыны

-Мен түбір сөздер айтамын, ал сендер түбірге тиісті жұрнақ жалғау арқылы жаңа сөз жасайды.-шы немесе -ші

Мал ...

Сауын...

Би...

Оқу ...

7-тапсырма.Күлгін түс

«Мен бастаймн,сен аяқта» ойыны.

Мен сөйлемді бастаймын,сендер суреттен көргендерің бойынша сөйлемді аяқтайсыңдар.

1 Шора (шанамен ойнады)

2Пештің қасында сары (мысық отыр)

3 Әжем (шәйнекпен шай ішті)

Сергіту сәті

Орнымыздан тұрайық,

Дөңгелекті құрайық.

Қолымызбен шапалақтап,

Алақанда ұрайық.

Бір отырып,бір тұрып,

Сауық-сайран құрайық.

Бас,иық,тізе саусақ.

Аяқ,аяқ,аяқтар,

Саусақ,саусақ,саусақтар.

-Кемпірқосақты бояп,мыстанға сыйға тартайық.

Жаттап айтады.

Мадақтау