МҚКК «Ақтөбе ауылшаруашылық колледжі»

«Келісілді» «Бекітемін»

Топ жетекшілерінің әдістемелік Директордың ТІЖ орынбасары:

бірлестік жетекшісі: ______Балмаганбетова А.И

___ А.У.Сегизбаева «_____» ________2016ж.

« » 2016ж.

Ашық тәрбие сағаты

Тақырыбы: «Мен - Қазақстандықпын»

(Қазақстан Республикасының тәуелсіздігіне 25 жыл толуына байланысты тәрбие сағаты)

Дайындаған: 1231 топ жетекшісі Ниетбаева Жадыра Жаңбырбайқызы

Ақтөбе - 2016/17 оқу жылы

Ашық тәрбие сағатының жоспары:

Тақырыбы: «Мен Қазақстандықпын»

Өткізетін жер: 303 кабинет

Тәрбие сағатының мақсаты: Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу.

* Оқушылардың таным белсенділіктерін, қызығушылықтарын дамыту.

*Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды тәрбиелеу.

Ұйымдастыру барысы:

1-жүргізуші

Аспаны ашық еліміздің,

Көркі сұлу жеріміздің,

Біз-бақытты баламыз!

Ақпыз,қара, сарымыз,

Ағайынбыз бәріміз!

2- жүргізуші

Отан - әр адамның жүрегіне жылы тиер қасиетті сөз.Отан -сенің туған елің, туған жерің, дос -жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз. Біз, Қазақстанның патриотымыз! (хормен айтамыз)

1 жүргізуші Отан деген не, кім қалай түсінеді?

Көп аузынан түспейтін,

Отан деген немене?

Оның тұлға түс кейпін,

Достым білгің келе ме?

Отан дейміз от жаққан жерімізді,

Отан дейміз өсірген елімізді.

Отан дейміз туған жер, атамекен -

Биік тау, орман, тоғай көлімізді.

2 жүргізуші Отан дейміз кең-байтақ астананы,

Жасыл жайлау, жаңа жол, жас қаланы

Отанның шеті де жоқ, шегі де жоқ,

Ол бірақ өз үйіңнен басталады.

Отан- тарих, Отан - тіл,

Жасаған елің, өз- халқың.

Отан - өлең, Отан-жыр,

Көтерген көкке ел даңқын

Жүргізушілер (сұрақ қояды)

1)-Біздің Отанымыз қалай аталады?

2) Қазақстан Республикасы қандай мемлекет?

3) Қазақстан Республикасының президенті кім?

Жансулу Біздің Отанымыз - Қазақстан Республикасы. Сан ғасырлар бойы ата-бабаларымыз жерін жаудан қорғап, бүгінгі ұрпақ, бізге жеткізді. Қазақстан жер көлемібойынша 9 орында тұр.Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей, Талдықорған. Бұлар - әдемі қалалар.

Астана- Отанымыздың бас қаласы, астанасы.Ол Есіл өзенінің жағасында орналасқан. Астана қаласын қазір бүкіл ел біледі.

Айгерім: Қазақстан-тәуелсіз, егеменді, көп ұлтты мемлекет. Онда қазақтар, ұрыстар, ұйғырлар, өзбектер, корейлер, украйндер және тағы басқа ұлттардың өкілдері тұрады. Олар тату-тәтті, бірлікте өмір сүріп жатыр

Сымбат: Ел болдық ерік алдық астаналы

Енді кімнен қазағым жасқанады?

Тәуелсіз мемлекеттің шежіресі,

Нұрсұлтанның атымен басталады.

Еркін: Сондай-ақ мемлекетіміздің өз Ата заңы бар. 1993 жылы 28 қаңтарда ҚР тұңғыш Конституциясы қабылданды. 1995 жылы 30 тамызда еліміздің жаңа конститутциясы қабылданды.Адамның өмірін, денсаулығын, тыныштығын мемлекетіміздің Ата заңы қорғайды. 1992 жылы ҚР мемлекеттік рәміздері қабылданды. Олар: ту, елтаңба, әнұран.

Қазақстан Республикасының мемлекеттік Туы.

1жүргізуші

Кез-келген мемлекеттік рәміздердің ең маңыздысы- Әнұран. Әнұран мемлекеттік ән. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған.

2 жүргізуші Ия, балалар, елін, жерін сүйетін азамат болып шығу үшін қандай бала болуымыз керек?

Білімді, өнерлі, ақылды, еңбексүйгіш бала болуымыз керек.

1 жүргізуші Дұрыс-ақ, ендеше Отан, туған жер туралы қандай өлең-шумақтар, ойларымыздан шығарған өлеңдеріміз білеміз?

Ендеше соны тамашалайық. (Ортаға бір топ оқушылар шығады)

2 жүргізуші

Сабағымызды жақсы оқып, еліміздің адал, еңбекқор азаматы болайық. Ер жетіп еліміздің одан әрі көркеюіне, гүлденуіне өз үлесімізді қосайық.

Оқушыларымыз ортаға шығып, келесі әріптерді көтереді.

Б- білімімді арнайтын

О- отанымды қорғайтын

Л- лаңкестікті даттайтын

А- адалдықты жақтайтын

Ш- шуағымды шашатын

А- асулардан асатын

Ғ- ғарыш сырын меңгерген

Ы- ынтымақты тең көрген

М- менмендікті жек көрген

Қ- қазаққа қызмет ететін

А- арманына жететін

З- заңды жақсы білетін

А- алға қарай жүретін

Қ- қайырымды елімнің

С- салтанатты жерімнің

Т- толықтырам сенімін

А- абыройын, жігерін

Н- намысын қолдан бермейтін

Бәрі: Мен боламын еңбекқор,

Болашағы елімнің!

2 жүргізуші: Ән «Көк тудың желбірегені» ортада бәрі өлеңді хормен айтамыз.

Мұғалім сөзі: Міне, балалар, бүгін өздеріңді Тәуелсіз еліміздің болашағы екендеріңді, яғни, нағыз азамат екендіктеріңді көрсете білдіңдер. Белгілі ақын атамыз Ж. Молдағалиев:

Өткеніңді еске алсаң,

Өскеніңнің белгісі.

Өткеніңді ұмытсаң,

Өшкеніңнің белгісі,

- деген екен. Сондықтан, халқымыздың бүгінгі уақытқа дейінгі жеткен жетістіктері өздеріңе аманат. Сондай-ақ, еліміздің егемендігін танытатын ресми ерекшелік белгілері: Ана тіліміз, Елтаңбамыз, Туымыз, Ата заңымыз, Әнұранымызды бойындағы бойтұмарындай сақтап қана қоймай, қашанда еліміздің, жеріміздің еркіндігін сақтар мықты ұрпақ, мықты азамат болатындарыңа сенімім мол. Жолдарың ашық, жарқын болсын, Тәуелсіз елдің азаматтары!

Осымен ашық тәрбие сағатымыз аяқталды!!!