Вне классное мероприятие 'Козге бал'

Максат: 1. Балаларның көз, уңыш, яшелчәләр турында белемнәрен киңәйтү;

2. Татар бәйрәмнәренең матурлыгын күрсәтү;

3.Табигатькә сакчыл караш тәрбияләү, хезмәт кешесенә хөрмәт уяту.

Җиһазлау: компьютер, экран, рәсемнәр, яфраклар, милли киемнәр.

Конкурс өчен материал

Зал ярминкә рәвешендә бизәлә. Өстәлләргә яшелчә, җиләк-җимеш куела. Залга балалар керә.

1нче бүлек

Булат:

Исәнмесез, ярминкә җитте, беләсезме.

Килде ярминкә даулап,

Килде ярминкә шаулап,

Бәхет, муллыклар яулап.

Илназ:

Шундый зур безнең базар.

Шундый бай безнең базар.

Алмасы, әй алмасы,

Әй татлы соң, әй тәмле!

Әфлисуннар, лимоннар,

Өелгән катлы-катлы.

Зәринә:

Базар бай, кесәсе ай-вай!

Дарым-шарым, тәңкә ярым,

Күпмегә алсаң, шуңа сатам.

Айгөл:

Базарга һәркем килер,

Үзенә кирәген алыр,

Бай килсә - мал алыр,

Ярлы килсә - чабата алыр.

Булат:

Итек - читек, энә-безләр,

Матур итеп теккәннәр.

Кирәкмиме, алмыйсызмы?

Әллә киеп карыйсызмы?

Әллә биеп карыйсызмы?

"Татар халык биюе" башкарыла.

Илназ:

Ярминкәсе- ярминкә,

Килгән күпме кунаклар.

Табышмак әйтәбез сезгә

Көтеп дөрес җаваплар.

Кечкенә генә сары карт,

Кигән туны тугыз кат. (суган)

Үзе бер бөртек, эче - мең бөртек.

Башы җирдә - койрыгы коймада.(кабак)

Җир астында картыгыз,

Сакалыннан тартыгыз.(шалкан)

Яшел сарай эчендә

Кызыл бояр утыра.(карбыз)

Гәүдәсе бар - җаны юк,

Үзе эшләпә кигән - башы юк.(гөмбә)

Эсселәгән саен, кат-кат тун кия (кәбестә)

Чәчәге агачында, алмасы тамырында(бәрәңге)

Кызыл кызы җир эчендә,

Чәчләре җир өстендә (кишер)

1.Тәрәзәсе юк, ишеге юк, эче тулы халык. (кыяр)

2. Өсте яшел, асты кызыл,җирдә үсә. ( кишер)

3.Кат-кат туңлы, карпы буйлы.(кәбестә)

4.Утыра бер чүлмәк, өстенә кигән йөз күлмәк.

Кем аны чишендерә, шул елый.(Суган)

5.Катлы-катлы булып үсә,

Җир өстендә, ул нәрсә? (Кәбестә)

6.Җир астында алтын казык.(Кишер)

7.Җир астында җиз бүкән,

Ул ни икән?( Бәрәңге)

9.Йөз кат кием, барысы да төймәсез. ( Кәбестә)

10.Үскәндә яфрагын ашыйлар,

Үсеп җиткәч, үзен ашыйлар. ( Суган)

11. Җир астында кызыл әтәч. ( Чөгендер)

Зәринә:

Рәхмәт сезгә, әниләр.

Рәхмәт сезгә, әбиләр.

Оста җавап бирдегез,

Җавабын тиз белдегез.

Инде сезгә әзерләгән

Җырны тыңлап китегез.

"Чайкала иген кырлары" җыры.

Айгөл:

.Көзнең иң олы бүләге

Икмәк тора табында.

Тормышыбыз ямьле булыр

Икмәк булган чагында.

«Ипи кайдан килә?" презентация

Илназ:

Ипи басуда үсә

Аннан амбарга күчә.

Аннары мичтә пешә

Шуннан килә өстәлгә

Ипи булса табында

Булдырам мин барын да.

Булат:

Бигрәк тәмле карасы да

Тәмле була агы да

Күмәче дә - бары да

Бигрәк тәмле - аз гына

Җитми калды тагын да.

.Айгөл: Һәр кемгә ипи кирәк

Һәр көнне ипи кирәк

Шуңа күрә игенчене

Хөрмәт итәргә кирәк.

2 нче бүлек

. Ә хәзер уеннар уйнап алыйк.

1нче бәйге. Көзен бакчада кем тырышыбрак эшләде икән? Әниләрме әллә балалармы?

"Бәрәңге чүплибез" уены.

2 нче бәйге. Көзнең матурлыгын, муллыгын мактап шигырь (хикәя) сөйләү бәйгесе.

3 нче бәйге.Тапкырлар бәйгесе. Мәкальләрнең ахырын әйтеп бетерергә:

-- Чебешләрне ....

-- Кем эшләми, ...

-- Эш кешене төзәтә, ...

--Җәй эшләсәң,..

-- Ни чәчсәң,

-- Ашаганда колагың селкенеп торсын

4 нче бәйге. «Көзге волейбол» " уены.Ике урындыкка аркылы җеп бәйләп яфракларны икенче якка ыргыту 1 минут,кемдә азрак яфрак,шул җиңүче

5нче бәйге. Өй эше: -- бүләк - сюрприз әзерләү бәйгесе.

6 нчы бәйге»Дустыңны киендер"Көз җитү белән калынрак киенеп йөри башлыйбыз.КҮЗ БӘЙЛӘП КИЕНДЕРҮ

7 нче бәйге "Алманы кем тизрәк ашап бетерә"Бауга эленгән алманы кайсы команда тизрәк ашап бетерә

8 нче бәйге."Яшелчәне презентацияләү"Берәр яшелчәне яисә аннан ясалган ашамлыкны презентацияләү.

3нче бүлек.Чәй эчү.

Әниләр ясап алып килгән салатлар,җиләк-җимешләр белән сыйлану.