7


Тәрбие сағаты

Автор публикации:
Дата публикации:
Краткое описание: Сынып жетекшісі: Молбаева Жулдыз Маратқызы1-жүргізуші: (Мейіржан) Құрметті асыл аналар, қыз-қызғалдақтар, қадірлі ұстаздар. Көгімізде бейбітшілік нұрындай болып көктем шуағы төгілгенде азаматты қуанышқа бөлеп, адам баласына өмір, жылылық, әсемдік сыйлайтын Аналар мерек
предварительный просмотр материала

Тәрбие сағаты

«Ана - бақыт»

Сынып жетекшісі: Молбаева Жулдыз Маратқызы

1-жүргізуші: (Мейіржан) Құрметті асыл аналар, қыз-қызғалдақтар, қадірлі ұстаздар. Көгімізде бейбітшілік нұрындай болып көктем шуағы төгілгенде азаматты қуанышқа бөлеп, адам баласына өмір, жылылық, әсемдік сыйлайтын Аналар мерекесі құтты болсын!

2-жүргізуші: (Еңлік). Қадірлі қауым! Құрметті ақ жаулықты Аналар, сіздерді бүгінгі көктемнің алғашқы күнінде болатын төл мерекелеріңізбен құттықтаймыз! Қоғамымыздың бірлігі, отбасының алтын қазығы, өміріміздің сәні - Ана, апайлар, қарындастар. Бүгінгі орындалар ән-жыр өздеріңізге арналады. Қабыл алыңыздар!

1-жүргізуші: (Мейіржан) Аналарды құттықтап, мектептен 6 сынып оқушылары келді !

2-жүргізуші: (Еңлік).Қарсы алыңыздар!!!

Шығу ( Балалар шарлармен шығады, музыка ойналады)

Бәрі бірге:

Мереке күніңмен

Қарсы аламын өзіңді,

Сәбилік үніңмен

Арнаймын сөзімді.

Көргенше алаңмың

Аңсаймын толғанам,

Қабыл ал баланның

Сәлемін жолдаған!

Құрметті аналар, апайлар мерекелеріңіз құтты болсын!!! ( Балалар сахнаға шығады, музыка ойналады)

2-жүргізуші: (Еңлік) Асыл аналар! Көктем бейбітшілігіндей құлпырып, күндей күліп жүре беріңіздер! Отбастарыңызға амандық, балаларыңызбен бақытқа бөленіп ұзақ өмір сүрулеріңізге тілектеспіз.

1-жүргізуші: (Мейіржан) Әйел - Ана. Әйел - өмір. Әйел - тіршілік өзегі. Өмір бесігін тербетіп адамзат баласына ұрпақ сыйлар ұлы құдірет иесінің есімі әрқашан да қастерлі, сөзі - өсиет, тұғыры биік. «Аналар адамды бесіктен бастап баулиды, өмірдің іргетасы солардың қолымен қаланады» деген ғұлама сөзі бар. Көптеген ақындарымыз аналарды, ұстаздарды, аруларды өлеңге қосып жырлаған.

Көрініс. (Думан мен Наргиз)

Думан: Көктемді қанатына қондырып

Наргиз: Жан жылуын көкірегіне толтырып.

Думан: Аналардың дәстүрлі мерекесі 8-наурыз да алтын ұя мектебімізге келіп жетті.

Наргиз: Өздеріңізді шуақты, құлпырған қызғалдақтай әсем мерекемен құттықтаймыз!

Думан: Ана деген - жүректегі асыл ән,

«Ана - бақыт» деген сөзге қосылам.

Наргиз: Анаға арнап айта берсең сөз жетпес,

Ол дегенің - өмірдегі асыл жан!

Думан: Шырылдап жерге түскеннен-ақ біздің ең жақынымыз

Наргиз: Ең бір досымыз.

Думан: Ең бір ұстазымыз

Бірге: Ол - Ана.

Наргиз: Ол біз үшін бәрінен қымбат.

Думан: Сондықтан біз бір-ақ жанды білеміз

Бірге: Ол - Ана.

Наргиз: Ананың жолы басқа

Думан: Ана деген сөздің өзі ыстық

Наргиз: Ана десе толқымайтын жүрек

Думан: Тасымайтын қан

Наргиз: Сезбейтін сезім болуы

Бірге: Мүмкін емес.

1-оқушы: (Дархан)

Жамандықтан жирентіп,

Жақсылыққа бастаған.

Ұзақ болсын ғұмырың,

Асыл анам - жақсы адам.

2-оқушы: (М.Аружан)

Ақыл құйған санама

Алғыс айтам анама.

Күн алыста, ал анам

Үнемі менің жанымда.

3-оқушы: (Нұрым)

Мен өзіңмен қайда жүрсем біргемін,

Күн нұрындай жадырай бір күлгенің.

Асыл сөзің жүрегімде жүр менің,

Қандай бақыт ортамызда жүргенің!

Бір күнгі ұйқыңнан садаға екен.

4-оқушы: (Б.Әсем)

5-оқушы: (Дәулет)

Ардақты анам, асыл анам, қымбаттым,

Тәтті ұйқыңды талай бөліп үн қаттың.

Әлпештедің, аяладың, өсірдің,

Кең құшағың аясындай гүл бақтың

6-оқушы: (Наргиз)

Ана деген - адамға құтты мекен,

Әр адам анаменен адам екен.

Бір өзіңе көрсеткен жақсылығым

7-оқушы: (Нұрболат)

Аялаумен ер жеткізген баласын,

Ақылдысың, ардақтысың, данасың.

Қажымашы, шаршамашы, анашым,

Қарайлаймын, кірбің шалса, қабағың.

8-оқушы: (Балжан)

Кемеңгерсің, данасың,

Арқа тұтар панасың.

Еңбегіңді ақтаймын,

Аман болшы, анашым.

Ән. «Анашым» әнін қабыл алыңыздар!

9-оқушы: С.Аружан

10-оқушы: (Ислам)

Адалдыққа баулыдың әуел бастан,

Сақтадың оттан, судан, тау мен тастан,

Ақ ботаңды демей гөр, жан анашым,

Үлкен өмір жолында аяқ басқан.

11-оқушы:

Өзіңсің өмірдегі асылым да, ардағым,

Бір өзіңе ақтарып сыр, жыр арнадым.

Анашым, айтарым көп тіл жетпейді,

Бір сендей асыл адам таба алмадым.

12-оқушы: Іңкәр

Аналарды сүйеміз,

Ақылын ойға түйеміз.

Әжені де ардақтап,

Әдеппен бас иеміз.

1-жүргізуші: Мейіржан Қадірлі, Асыл Аналар! Қымбатты қыздар! Сіздер өмір гүлісіздер! Күн шуағындай мейірімдеріңіздің арқасында біз әлі талай шыңдарды бағындырып биіктерге көтерілеміз. Қандай шыңда жүрсек те Сіздер бізге көктем гүліндей әдемі, көктемнің ерке желіндей жылы болып қала бересіздер! Өздеріңізге деген тілегіміз ешқашан аяқталмақ емес. Аман жүріп еңбектеріңіздің жемісін ұзағынан көріңіздер! Ана - жүрек, жүректі құдіретте,

Ана - тірек, тіректі құрметте.

Ана - шыңың, шыңыңа сағынып жет,

Ана - күнің, күніңе табынып өт.

Жүргізуші: Еңлік. Егер барлық адамдарда анаың мейіріміндей мейірім болса, жауыздық жер бетінен өшер еді. Жер бетінде тыныштық болса екен деп, балам жақсы азамат болып өссе екен деп аналар тыным таппайды.

Ана деген - бастауы ұлылықтың,

Ана деген - рәмізі сұлулықтың.

Ана деген бір жыр шырқалатын,

Асқақтар биікке ұрпақ атын.

Қазақ биін қабыл алыңыздар!

2-жүргізуші: (Еңлік) Армысыз, еліміздің асылдары,

Жайнасын көңілдердің жасыл бағы.

Сіздер үшін ән мен күй, жыр менен би,

Сіздер үшін мереке шашулары.

«Ақ жайнақ» әнін қабыл алыңыздар!

1-жүргізуші: Мейіржан :Адамзат жүріп өткен небір ауыр жол, алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес.

Халқымызға билік айтар даналар,

Даналардың өзі анадан жаралар.

Жүрегінің бір бөлшегі бала үшін

Сізден жақын адам бар ма аналар?!

Балаға ең жақыны сіз ғой ана,

Сіздің ыстық құшағыңыз бізге пана.

Сіздерге теңестірер еш нәрсе жоқ,

Теңесе алар бір-ақ нәрсе Отан ғана!

Орыс биін қабыл алыңыздар!

Еңлік: Аналарымыздың әрбір айтқан сөздері терең ойлы, ұлағатқа толы. «Еңбек ет, адал бол, ерінбе, оқу оқып білім ал» деген сөздер жүрегіміздің түкпірінен орын алады. Біздерге салып берген сара жолдарыңыз көп шырмалған жолдан алып шығар дара жол болмақ. Сол себепті біздер Ана алдында мәңгілік қарыздар екенімізді ұмытпаймыз.

Мейіржан: «Анам - алтын» әнін қабыл алыңыздар! Хор.

Еңлік: Аналар қалқып бақыт аралында,

Лайым мұң қонбасын жанарына.

Салтанатты кешіміз аяқталды,

Гүл бітсін бәріңіздің қадамыңа, - дей отырып бүгінгі тәрбие сағатын аяқтаймыз.

2-жүргізуші бірге: «Қош, сау болыңыздар!»



 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал