- Учителю
- Вне классная работа на тему 'Аниларға баш егиду дуния' (5 класс)
Вне классная работа на тему 'Аниларға баш егиду дуния' (5 класс)
Тәкшүрүлди:
Мавзу: Аниларға баш егиду дуния.
Мәхсити: Аниларға болған иззәт - һөрмитини ашуруш, аниниң әзиз лекин ирадилиқ екәнлигини чүшәндүрүш. Аниларға болған һис-туғисини, меһир- муһәббититини, техиму ашуруш, ялғуз қалған, нака аниларға, момиларға меһир-шәпқәтлик, адәмгәрчилик, иманлиқ һис - туйғулирини ойғитиш.
Көрнәкликләр: мавзу йезилған сөзләр жиғиндиси, там гезитләр, ясалған
гүлләр, шарлар.
І. Асасий бөлүм:
Музыкилиқ салам
«Шашу» қизлар топи усули
Киришмә сөз
І ж. Һөрмәтлик, әзиз момилар, анилар, устазлар, достлар! Биринчидин, һәммиңларни дәсләпки баһар мәйрими билән тәбрикләшкә рухсәт қилиңлар.
ІІ ж. Баһар-гөзәл,
Баһар-гүл,
Баһар-һаят.
Һәр бир пәсилниң өз хислити, өз хасийити бар дегәндәк, баһар пәсилниңму өзигә чушлуқ соғиси бар.
І ж.Қени баһар айлирини қарши алайли!
(Март, апрель, май айлири кириду)
Март:
Мән март ейи,
Қарлар ерип, ериқларда сулар аққан.
Аниларни тәбрикләп, дәсләпки гүлдәстиләрни һәдийә қилған.
Апрель:
Мән апрель ейи,
Қушлар келип, Йәр жаһанни ойғатқан.
Дуния хәлқини һәйран қилип,
Каинатқа йол ачқан.
Май:
Мән май ейи.
Йәр жаһанни гүлгә орап,
Ғалибийәт елип кәлгән.
ІІ ж. Рәхмәт гөзәл баһар айлири.
Адәм хуштар гөзәликкә, дәп бекарға ейтмиған. Һәқиқәтән, баһар тәбиәтни ойғитип, тирикчиликни жанландурған пәсилдур.
«Анижанлиқ» оғуллар топ усули
Баһар өзи - һәр қачан дилда күлкә,
Баһар өзи - һәр қачан гөзәл өлкә,
Баһар һаят! Һемишәм баһар болсун! - дәп «Аниларға баш егиду дуния» намлиқ тәрбийә саатимизни башлашқа рухсәт қилиңлар.
Дунияда әң улуқ, әң әзиз инсанларниң бири у ана. «Ана» немә дегән йеқимлиқ иссиқ сөз. Анисиз һаят йоқ. Өйүмизниң бәрикити, гүли, һаятимизниң мәзмут түвриги бу ана.
І ж. Ана һаят бәргүчи, бәхит соға қилғучи,
Қудрәтлик күч һәдийә қилғучи.
Шу анилар һөрмитигә бир чавак челиветиңлар!
«Мәйрәм қачан вужутқа кәлгән?» келип чиқиш тарих
Адилжанов Халмурат
«Ана жүриги» Х.Хамраев
Рольларда: аниси, әркә балиси, қиз.
Бурун өткән заманда,
Яшиғанкән бир ана,
Бизниң шәриқ таманда.
Шу аниниң һаятта
Бирла оғли бар екән.
Ана әшу оғлиниң
Бәхти үчүн зар екән.
Ана бечарә тинмай
Иссиқ соққа қаримай
Ялғуз өзи ишләркән
Кечилири дәм алмай
Ана балам дәйдикән
Ғемини көп йәйдикән,
Лекин делиғур балиси
Буни һеч билмәйдикән
Шундақ қилип у бала,
Әркә тайтаң чоң бопту,
Өткән кәчкән қизларға
Гәп сөзлири тоң бопту.
Бир күни бағ кочида,
Тосап апту бир қизни
Қоюп бәрмәй йолиға,
Дәпту аңа бу сөзни...
Балиси:
Көйүп қалдим мән саңа,
Көйгинимни биләмсән
Ялғуз бирла анам бар,
Мени десәң өләмсән
Қиз униң анисини,
Яқтурматти өзичә
Алдап ахмақ балини,
Мундақ деди көзичә
Қиз:
Тосма мениң йолумни
Тохта шәртим бар -дәпту
Орунлисаң шәртимни
Саңа болай яр -дәпту...
Шәртим шуки бәк керәк,
Анаңдики бир жүрәк
Шу жүрәкни әкәлсәң
Болай мән сеники демәк
Дәп қиз шәртини ейтипту
Наз қилип бир күлүпту
Ахмақ бала мақул дәп,
Вәдисини берипту
Бала өйгә пайпаслап,
Кирип кәпту һалсирап.
Аписи:
Немә болдуң жан балам
Дәпту ана һал сорап
Ашиқ болуп бир қизға
Көйүп қалдим жан ана
Вәдә бәрдим алмақ боп
Ейтай мәхситимни саңа
Ейтқин балам сөзүңни
Женим билән аңлаймән
Немә керәк сән үчүн
Мән уни орунлаймән
Балиси:
«Жүрәк мән үчүн,
Пәқәт сениң жүригиң
Һасил болар тилигим»
Аписи:
Шуниң билән тилигиң
Һасил болса жаһаңда
Берәй балам жүрәкни
Қалмиғин сән арманда
Арминиң шу болсила.
Маңа қулақ сал» дәпту
Көксини йерип жүрәкни
Мана балам ал дәпту
Очумлап еп жүрәкни
Бала жүгрәп кетипту
Бостанлиқ бағ тәрәпкә
Бирла сәкрәп йетипту
Бирақ йелиқи лоли қиз
Көрүнмәпту һеч йәрдә
Йәр жутқанму у қизни
Ғайип бопту бир дәмдә
Бала чарлап әтрапни
Чиқипту бағ кочиға
Йолда шаққа путлишип
Зәхмә апту путиға
Жүрәк қаңқип қолидин
Қум топиға чүшүпту
У жүрәккә жан кирип
Мону сөзләр чиқипту
Ана жүриги:
Женим балам жан балам
Ағирдиму бир йериң
Жиқилғанда путлишип
Қайрилдиму бир йериң
Чекәңдә қан туриду
Йерилдиму бир йериң
Қаттиқ тегип ташларға
Сүрүлдиму бир йериң
Дәпту ана жүриги
Меһри чечип балиға
Шунда пүткүл тәбиәт
Баш египту аниға.
«Чирайлиқ» усулда Анаргул
«Ана билән һаят гөзәл» әдәбий монтаж
1-оқуғучи
Ана десәм, билимән,
Сулар тохтап қалғандәк,
Ана йәрниң үнигә
Худди қулақ салғандәк.
2-оқуғучи
Ана десәм тағларниң
Қари ерип кәткәндәк.
Шу улуқ нам алдида
Турар бешин әккәндәк.
3-оқуғучи
Ана дегән өчмәйдиған чирақкән,
Өмүр бойи пүтмәйдиған пурақкән.
Ана меһри бала үчүн һәр күни,
Парчә - парчә болған худди қурақкән.
4-оқуғучи
Ана дегән баһардики чечәккән,
Қойни бала үчүн кәң бир етәккән.
Шу аниниң һәр қәдими, ишлири,
Гояки бир тәкрарланмас чечәккән.
5-оқуғучи
Ана дегән йол көрсәткән сизиқкән,
Ана билән бала өмри қизиқкән.
Шу анинииң кичиккинә қәлбигә
Тағдин егиз бала бәхти тизиқкән.
6-оқуғучи
У йәр қачан бала үчүн гүл екән,
Һәр қәдәмдә худди қуяш нур екән.
Ана күлүп жүрсә һаят қешиңда,
Бала дегән жәнәттики һур екән.
7-оқуғучи
Ана мошу бала үчүн һул екән,
Жапа кәлсә көтиришкә қул екән.
Ана сөзи билән ишни башлисаң,
Йемишлири мәңгү пүтмәс мол екән.
8-оқуғучи
Билсәм, ана бала үчүн тил екән,
Күнлириму ана билән жил екән.
Әшу ана бала үчүн пәрванә,
Тәңдиши йоқ өмүрдә бир дил екән.
9-оқуғучи
Шу улуқ нам шеирларда қур екән,
Дүшмәнлирими үчүн турған тор екән.
Анисиниң қарғишини алғанлар,
Һаятида өмүр бойи хор екән.
10-оқуғучи
Әл ятқанда ятмиған,
Мени дәп тиними тапмиған.
Бәхти үчүн балиниң,
Аман болғай анилар.
11-оқуғучи
Һәр бир өйдә анилар меһри,
Төкүлиду жүрәк бағридин.
Аниларниң әшу меһрини,
Улуқлаймән көңлүм төридин.
-
оқуғучи
Ардақты анашым,
Мәпелеп өсірген.
Сен едің әкелген,
Өмірге анашым.
Ардақты анашым,
Өмірдегі ақылшым.
Көңілімдегі асылым.
-
оқуғучи
Бүкүл әлем аналардың сүтінен нәр алған,
Бүкүл әлем аналардың үмүтінен таралаған.
Әлемде сен болмаса осылайша,
Туар ма еді жүрегімде биік мақсат, игі арман!
________________________________________________________________
хор билән жавап бериду
«Ана вә устаз» баяндама
Ибрагимова Дильраба
«Ана вә устаз» әдәбий монтаж
______________________________________________________________
хор билән жавап бериду
«Устаз» нахша қизлар топи
« Рәхмәт, сизгә ана!» слайд шоу
«Қандақ яшай» хор (оғуллар) - усул(қизлар)
«Дутарим» усулда қизлар топи
ІІІ Йәкүн