Тақырыбы: 'Қош бол, сүйікті Әліппем'

«Жаңа Ертіс орта мектебі» КММ

Тақырыбы:

«Қош бол,сүйікті Әліппем»

Етекбаева Акерке Жаныбековна

Тақырыбы: Қош бол,сүйікті Әліппем.

Мақсаты: Әліппеден алған білімдерін тексеру, оқушылардың сөздік қорын, тіл байлығын дамыту, ана тілі пәніне деген сүйіспеншілігін арттыру, ұйымшылдыққа, достыққа тәрбиелеу.Өздерін халық алдында ұстай білуге,мәдениетілікке баулу.

Аяз : Уа, халайық , ертегі әлемінде не болғалы жатыр?Мен өз шаруамды тындырып ,орманды аязға орап,бала-шағаны тондырып әлек болсам.Мына жерде той тойланып жатыр ғой.

1-жүргізуші: Қымбатты Аяз, бүгін 1- сыныптың , Әліппемен қоштасу мерекесіне дайындық өтіп жатыр,Қазір басталып та кетеді.

2- жүргізуші: Осы қуанышымызды мына жұрттың алдында паш етеміз. Одан да ашуыңызды басып, 1 «а» сынып оқушыларының өнерін тамашалаңыз. Мерекемізді бастауға рұқсат етіңіз.

Аяз: - Жарайды, онда рұқсат берейін, бір уақыт дем алайын , өнерлерін көрейін.

2- жүргізуші: Рахмет, Аяз ! Тыңдаңыздар! Тыңдаңыздар! Естімеген естіңіздер,

Тыңдамаған тыңдаңыздар! Қазір бізде «Әліппе тойы» басталады.

1-жүргізуші: Қайырлы күн, уа, халайық!

2-жүргізуші: Армысыздар, мұғалімдер , әз жандар, Білім іздеп, инемен құдық қазғандар,

Құшақ жая қарсы аламыз сіздерді, Би биленіп,әнде бүгін шырқалар.

1-жүргізуші: Көз салып қараңызшы бойымызға. Ортақ боп бүгінгі өскен ойымызға.

Хош келіпсіз, ұстаздар, ата-аналар, Әліппемен қоштасу тойымызға.

1- жүргізуші: Осы тойдың себепкерлері қайда екен? Менде бір сиқырлы дүрбі бар, кел көрейік. Ой біздің Ақерке мұғалім әліппе тойы қалай өтеді деп уайымдап тұр.

2- жүргізуші: Ал ата -аналарды қарап көрейікші ,Жадыра апай Рустам билей алмай қалмасын деп уайымдап тұр.

1- жүргізуші: Ал Әлиханның анасы ,Өлең жолдарын қысылмай,ұялмай айтса екен деп уайымдауда.Әрбір

ата-ана өз баласын ойлайды ғой.Баласын жанынан артық көреді емеспе .

2- жүргізуші: Дұрыс айтасың .Ал, оқушылар ше?

Олар да қызу дайындықта.Сенде дүрбі болса, менде сиқырлы таяқша бар уф, суф ахалай махалай! Олар әне келеді. Қой қарсы алайық

Шын пейілмен құрметімізді көрсетіп, Бүлдіршіндерді шақырайық ортаға..

1- жүргізуші 1- қыркүйек 2014 жылы 1- сыныпқа қадам басқан, сүйкімді әліппе оқулығын қолдарына ұстаған 1 «А» сыныбының 15 бүлдіршін мектеп табалдырығын аттады.

Мұғалім: - Құрметті ата - аналар, ұстаздар, қонақтар!Осыдан 4 ай бұрын мектеп табалдырығын атаған. Бүгін ең алғаш бетін ашқан оқулығы Әліппе. Әліппені бітіру алдыңғы өмірге бастайтын көп белестердің бірі. Ендеше, біз бүгінгі күні сол белестің бірінен асып отырмыз. Сондықтан бүгінгі ертеңгілік сіздер мен біздер үшін ортақ та салтанатты мереке. Олай болса, мерекемізді бастауға рұқсат етіңіздер!

Оқушылар: Ақжол Үй соғуға шамасы келмесе де, кешімізде қол соғуға келген жандар!Бүгін біздің қуанышымызда шек жоқ, өйткені біз тұңғыш рет сауатымызды ашқан әліппені бітірдік қой.

Абзал Рас, әліппемен қоштасу тек біздің мектебімізде ғана емес барша Қазақстан бойынша қоштасып жатыр екен.

Ислам Иә, енді біз алыстағы туыстарымызға өзіміз хат жаза аламыз.

Назлы Кешегі сәби балаңыз, .Жарады міне қараңыз.
Ғылым, білім жолына .Енді қайық саламыз.

2 - жүргізуші Осы біздер қандаймыз?
Шырайлым Мың бұралған бишіміз
Абзал . Біз қызықпыз, қызықпыз. Сәл еркелеу бұзықпыз.
Нұрислам Біз шеберміз Ақылдымыз
Дайана Өнерліміз .Жанып тұрған шырақпыз
Барлығы
... ..Елтаңбасымен еңселі ...Туымен тұғырлы
.....Әнұранмен айбатты .... «Біз қазақ елінің болашағымыз!»

1 - жүргізуші Құттықтау сөзді мектебіміздің басшы Аймухамбетов Нұрсадық Сейітқазыұлына береміз.

Аяз : Көп білеміз,көп үйрендік деп мақтанасыңдар Олай болса мен жұмбақ жасырамын. Сендер жауабын дұрыс тапсаңдар бір сөз шығады.Қане мұхият тыңдаңдар.

Аяз :1.Әжеде бар, атада жоқ,Әтеште бар,көжекте жоқ.(«Ә» әрпі)

2.Біреуі «белде»Біреуі «көлде» («Л» әрпі)

3Ірімшікті жедің ғой,Тәтті екен дедің ғой. Ірімшікті біз жеген,Қай әріптен басталған. («І» әрпі)

4.Ата-анаңмен барып сен,Пілді көрдің парктен.

Осы атаулар зер салшы,Басталған қай әріптен. («П» әрпі)

5.Пілде бар,шілде жоқ,Допта бар,шарда жоқ. («П» әрпі)

6 Ешкіде бар,қойда жоқ,Кеседе бар,қасықта жоқ. («Е» әрпі)

Аяз :Балалар қандай сөз шықты? Оқушылар: «Әліппе!»

Аяз : Балалар, олай болса, бәрімізге ең қымбат «Әліппені» ортаға шақырайық!

Оқушылар: Әліппе, Әліппе, Әліппе!

Әліппе: Армысыздар, жас достар!Армысыздар, ата - ана! Болашаққа жол бастар,Әліппең келді ортаға

Жақсы білім - көрімдік.Болсын сізге халайық! Не үйреніп, не білдік.Қане, ортаға салайық!

Әлихан Келгенде алғаш мектепке,Білмеуші едік әріп те

Оқимыз қазір ертек те.Үйреткен оны Әліппе

Арайлым Ата - апа атын сен,Бізге үйреттің Әліппе

Бізге нағыз жақынсың.Сенен білдік әріпті.

Мерей Арта берді кітапқа.Бойымдағы құмарым,

Бірге жүрген қасымда,Әліппе болды сыңарым

Даяна Әсем ою өрнекпен,Көмкерілген Әліппем

Сен болмасаң білімге,Бастайтын жолды біліп пе ем.

Ислам Бар кітапқа бас болған. әліппе -ғылым анасы.

Әліппеден басталған,Даналықтың данасы.

Әліппе: Балалар, жаңа сендер менен 42 әріпті үйрендік, енді өзіміз оқи аламыз дедіңдер. Қане, «Ұйқасын тап» ойынын ойнайық,әрі жұмбақтың шешуін табайық.

1)Құйрығы сүйір, Алаботаға үйір Оның аты(Сиыр)

2) Тастан тасқа секірген ,Шұнаңдап ойнап есірген.Құйрығы келте шұнақ, Оның аты (Лақ)

3)Теңбіл түсті ,өзі ширақ ,Ұзын мойын,ұзын сирақ,Білгің келсе ,аты(Жираф)

4)Тоны түкті, Түрпі,Оның аты (Кірпі)

Әліппе : Алфавитте 42 әріп барын білдіңдер енді осы алфавиттің сырын ашып беріңдерші.

Жанель Хакім

хор: Әліппе /баянмен/

Әліппе Балалар, Біз Әліппеден оқи алатынымызды көрсеттік, ал математикадан санауды, есептеуді, сандарды жаза білуді үйрендік.Осы уақытқа дейін математикадан не үйрендіңдер?Ендеше, сандарды сөйлетейік.

Оқушылар

1 дегенім - білім,Білім - жарық күнің. 2 дегенім - еңбек,Еңбек бәрін жеңбек.

3 дегенім - үміт,Үмітсіз жоқ жігіт. 4 дегенім - талап,Талмайтұғын қанат.

5 дегенім - бірлік, Бірліксіз жоқ тірлік 6 дегенім - арман, Атар таңың алдан.

7 дегенің - жігер, Жеңер жолын білер. 8 дегенің - сенім, Сүйенішің сенің

9 дегенің - талғам, Тура жолға салған 10 дегенің - Отан Отанды сүй ботам.

Мұғалім: Балалар, біз сандарды сөйлеттік. Енді қазір мен сендерге математикадан білімдеріңді тексеремін. Ойланып барып шешіңдер!

1. 5 алманың үшеуін,Досың сұрап алады

Айтшы сонда нешеуі,Өз қолыңда қалады?2

2. Сымда 7 үйрек отыр еді, 4 еуін үркітіп жіберсек, нешеуі қалады?3

3. Шығармақ боп кеше есеп,Жиналады 5 есек,Бесеуі де ұйықтап отыр,Ынталысы неше есек ( 0 )

4. Он асықтың жетеуінДосың сұрап алады,Айтшы, сонда нешеуі,Өз қолыңда қалады? 3

Мұғалім: Балалар, енді әліппемен қоштасатын да кез келді. Әліппе бізге қаншама нәрсе үйреткен екен. Біз Әліппенің арқасында оқып, жазуды үйрендік ендеше не дейміз?

Хормен: Әліппеге мың алғыс!

1- жүргізуші Осы мерекемізбен ата-аналар да құттықтап кетсін.

Бүгінгі кеш әр үйдің той басы деп саналар.Балалардың есімі әулеттерге таралар.

Ырым қылып сондықтан ,Ақ тілекпен баршаға,Тілек айтар ата-ана .

Гүлжан,Шолпан , Жанат, Гүлнар, Жадыра апайларды ортаға шақырамыз

1- жүргізуші Қазақ биін қабыл алыңыздар

2- жүргізуші Олай болса, сүйікті Әліппемізді ренжітпей, рахметімізді айтып, өзімізден кейінгі кішкентай бауырларымыз бен қарындастарымызға табыс ету - біздің міндетіміз.

Шырайлым Әліппемен қош айтысып қаламыз,Енді қолға басқа кітап аламыз.

Ата - ана қуанышқа ортақ бол,Сауатты боп, шықты міне балаңыз.

Абзал Қош болып тұр, әліппе, анамдайсың,Жақсы бол деп, біздерге алаңдайсың

Мен үйреткен әріптің құдіретімен,Дейсің бізге кірпіш болып қаланғайсың

Жанеля

6-ға сен де келесің,Артымыздан біздің ересің Қуыршақ пен машинаңды тастай сал,

Артыңнан ерген ініңе, Сый қылып мұны бересің.

Әлихан

Әліппең сенің әліппең, Мұны қолыңа алып сен.

Есігін ашасың мектептің ,Ертегі сәуле жарықпен.

Даярлық сынып оқушысы: Рамазан

6-ға мен де толамын,Таудай биік талабым.

Ойыншықты сыйға беріп, Әліппемен дос боламын.

Әліппе: Сендерге де рахмет, балалар!Оқуда зейінді болыңдар

Еңбекте бейімді болыңдар! Ақ жол болсын, қарақтарым

Айдай болсын қабақтарың. Күнделіктерің беске толсын. Қош бол менің балаларым!

Хормен: Қош сүйікті Әліппе! Бізде саған ақ жол тілейміз!

Ән « Қош бол Әліппе» Жанеля

Мұғалім: Балалар, біз әлі бағаланбаймыз, бірақ жаңа жылдан кейін сендерге баға қойылады. Қай баға жақсы екенін білу үшін, бағаларды сөйлетіп көрейік

1 дегенім жаман баға, алады оны жаман бала.2 дегенім - нашар баға, інішегім нашарлама

3 дегенім - орта баға, Сапасы оның орта ғана,4 дегенім - жақсы баға, алады оны жақсы бала

5 дегенің үздік баға, оқитын бол үздік қана

Мұғалім: Ең жаман бағалар қандай екен?

- Ендеше бұл бағаларды арамыздан аластатайық, Аяз сиқыр таяқшаңыз қайда?

- Ендеше ең жақсы бағалар қайсы екен? - Әрине ол 4 пен 5.

1- жүргізуші Балалар, сендердің жаңа достарың Ана тілі оқулығы болады. Сондықтан әліппені қалай меңгерсеңдер, ана тілін солай оқитын болыңдар. Ал енді ортаға ана тілін ортаға шақырайық.

МҰҒАЛІМ Балалар, енді қайттық ана -тілін қыс ханшайымы ұстап алыпты. Менің ағам Аязды қонақ қылып ал мені шақырмапсыңдар енді сендерге келе жатқан қонақты жібермеймін, жүректерін мұзға айландырып, естерінен айрылтап деп жатыр.

Аяз: қанекей балалар мен өзім ханшайыммен сөйлесейін ,бір келісімге келтірейін.

2- жүргізуші Енді,қайттық не істедік?

Аяз: сендерге қояр шарты бар екен соны тыңдап алыңдар.

Қыс ханшайымы: Маған жақсы бір ертегіні сахналап беріңдер және ән айтып берсеңдер ана тілдеріңді босатамын,ал ұнамаса ертегілерің ана тілін мұзға айналдырамын. «саңырауқұлақ саясында» «ертегілер әні»

Ана тілі: Рахмет сендерге балалар,бағанадан тонып тұрып едім көңілімді көтеріп,мені жылтып жібердіңдер,әліппе сендерге көп нәрсе үйретіпті, қайырмды екенсіңдер ,тату екенсіңдер .рахмет сендерге.

Туған елдің тілімін,Ақылыммен танылдым.Түсіндірер бәріне,Ана тілі пәнімін.

Ана тілі - ұраным,Ана тілі - құралым.Ана ттілім болмаса,Мықты болмас тұрағым.

Хормен:Әліппемен қоштастық,Ана тілмен достастық

- Ана тілі: Балалар, ең алғаш әліппені кім жазды?---Оқушылар: Ахмет Байтұрсынұлы

Ана тілі: Ең алғаш мектеп ашқан кім? -Оқушылар: Ы. Алтынсарин

Ана тілі:Балалар сендер азғана уақыт ішінде көп нәрсе үйреніпсіңдер.Оны үйреткен кім ?

Жүргізушілер : Мектеп, Әліппе, Ұстаз,Ата-ана.

1- жүргізуші Осы ата-анамызға арнап Би «Қазақ жігіттері» қабыл алыңыздар.

2- жүргізуші Балалар, енді өлең - жырларымызды білім алып жатқан алтын - ұя мектебімізге арнайық

Арайлым Ата - анадан кейінгі,Жарқыным сенсің .Ержеткенге дейінгі,Ақылым сенсің мектебім

Ақжол Біліміңді аяма,Ата - анадай аяла. Мектеп ана болмаса,Бала құшақ жая ма?

1- жүргізуші Сөз кезегін мектебіміздің тәрбие ісінң меңгерушісі Сация және Эльвира апайларға береміз.

2 - жүргізуші «Мектебім әнін» қабыл алыңыздар .

1-жүргізуші. Әліппені оқу барысында ата - аналардың қосқан үлесі өте мол. Ата - аналар сіздерге көп рахмет! Келесі сөз кезегі ата - аналарға беріледі.

Мұғалім: Біздің балалар, әліппені оқумен қатар, ағылшын тілін де ақырындап меңгеріп келе жатыр, кезекте осы ағылшын тілінен жаттаған өлеңдеріне берейік ./тақпақтар,әндері/

Аяз. Мынадай, білімді, өнерлі, тәрбиелі, тату, ұжымы жарасқан, елін, жерін сүйетін, Тәуелсіздік туын биік ұстап өсіп келе жатқан оқушылар бар мектепті ешқандай дау алмайтынына бүгін менің көзім әбден жетті. Ендеше, осы білім ордасында ұлттық рухты, дарынды балалар көбейе берсін деп тілеймін.

- Қыс ханшайымы. Аяздың сөзіне мен де қосыламын. Біз сендерден үлкен үміт күтеміз. Қымбатты балалар! Мектептегі алғаш жеткен жетістіктеріңмен құттықтаймын. Әліппе сендерге тек әріптерімен таныстырып қойған жоқ, сендерді бір - біріңмен достыққа, мектеп ережелерін орындайтын тәртіпті оқушы болуға үйретті. Білім баспалдағына өрлеген сапарларың сәтті болсын!

Мұғалім: Ертеңгілігімізді вальспен жабуға рұқсат етіңіздер.