« Елін сүйген, елі сүйген Елбасы »

Тақырыбы: « Елін сүйген, елі сүйген Елбасы »

Сабақтың мақсаты: Оқушыларға елі сүйген,елін сүйген Елбасының өмір жолы,оқып білім алған,қызмет еткен жерлері туралы мағұлмат беру. Елбасының өмір жолынан үлгі ала отырып, Отанын,халқын сүюге, потриоттық сезімге тәрбиелеу.

Сабақтың түрі: танымдық сабақ

Көрнекілігі: Елбасының суреттері,кітаптары,плакаттар,слайттар, Елбасы жайлы жазған шығармалары.

1-жүргізуші:

Қазақстан дейтін менің бар елім,

Жатыр алып жарты дүние әлемін .

Бұл даланы анам жаспен суарған,

Бұл далада атам қолға ту алған.

Бұл далаға жылап келіп,уанған,

Бұл даланы көріп алғаш қуанған,

Бұл далада өске жанда жоқ арман.

2-жүргізуші: Тәуелсіздік - рухы күшті ғажап күн,

Артта қалды бодан болған азап күн.

Елім,жерім,қазағым деп тебіренем,

Өйткені біз - тәуелсізбіз,азатпыз.

1-жүргізуші: Қ. Республикасының әрбір азаматы тәуелсіз елін мақтан тұтатын жөні бар.

2- жүргізуші: Ата-бабаларымыздың ғасырлар бойы аңсап өтен Тәуелсіздікке қол жеткізгелі бері талай- талай асқарлы асуларды бағындырдық.

1-жүргізуші: Елімізде ұлттар достығы қанат жайып келеді. Бұл жетістікке сөз жоқ еліміздің тұңғыш президенті Н.Ә.Назарбаевтың сіңірген үлкен еңбегі бар.

2-жүргізуші: Құрметті ұстаздар,қадірменді қонақтар! Баршамызға белгілі еліміздің мерекелер заңына сәйкес 1-желтоқсан «Тұңғыш Президент күні» болып жарияланды. Осы мерекеге орай «Елі сүйген, елін сүйген Елбасы» атты тәрбие сағатына қош келіпсіздер!

1-оқушы: Мемлекет басқару ісі-машақатты да, мәртебелі міндет.

2-оқушы: Басшы басқарған ел-ең бай мемлекет,халқы ең бақытты халық.

3-оқушы: 1991 жылдың 1-желтоқсанында тұңғыш рет Қ.Р-ның жалпы халықтық сайлау өтті. Сайлау нәтижесінде халықтың таңдауымен-еліміздің президенті болып Н.Ә.Назарбаев сайланды.

4-оқушы:

Шықты тарап ой данадан ,

Бері қарады жұлдыз беті .

Өзі қалап,сайлап алған

Елімнің бар президенті

5-оқушы: Н.Ә.Назарбаев 1940 жылы 4-шілдеде Алматы облысы, Қарасай ауданы, Шамалған ауылында дүниеге келді.

6-оқушы: Балалық шағы таршылық заманда өтті. Үлкендердің мал бағуына,бау-бақша өсіруіне көмек көрсету керек болды.шөп теріп,отын жарды.

7-оқушы: Мектепті жақсы оқып,жақсы білім алды. Ата-анасын құрмет тұтты.

8-оқушы: Н.Ә.Назарбаев бәрінен бұрын өз міндетін ,өз тағайындалуын терең сезінетін, үлесіне тиген міндетті жауапты әрі қажырлықпен атқаратын адам.

9-оқушы: Н.Ә.Назарбаев әр қадамын шын мәнісінде өте мұқият есептейді. Ол үшін саясатшы болу бойға біткен дарынмен қатар күн сайынғы аса ауыр жұмыс және өмір дағдысы.

10-оқушы: Н.Ә.Назарбаев Қазақстан Үкіметін басқарғанда 44 жаста болды. Осылайша оның саяси өмірбаяны басталды

1-жүргізуші: Қыздарымыздың орындауында «Домбыра биі»

1-жүргізуші: 1991 жылы 1- желтоқсанда республика жұртшылығы тұңғыш рет Н.Ә.Назарбаевты Республикамыздың президенті етіп сайлады.

11-оқушы: Оянды көңілден қайдағы арман,

Бақыт желі ескендей жайлап алған .

Президентім бар менің елі түгел,

Ақ киізге көтеріп сайлап алған.

2-жүргізуші: 1991 жылы 16 желтоқсанда Қазақстан Республикасы Жоғарғы сессиясы «Тәуелсіз демократиялық және құқықтық мемлекет» деп жариялады.

1-жүргізуші: 1992 жылы 4 маусымда жаңа мемлекеттік рәміздер Елтаңба,Ту,Әнұраны бекітілді.

2-жүргізуші: 1993 жылы 15 қарашада Қазақстан Республикасының ұлттық ақшасы - теңге айналымға енді.

12-оқушы: Ақшам шықты өзімнің тұңғыш рет,

Білдім дербес елімнің үлгісі деп.

Бейнеленген хан,ақын,ғалымдарым,

Беттерінен көз тартып тұрды сурет.

1-жүргізуші: 1995 жылы 30 тамызда тәуелсіз Қазақстан Республикасының тұңғыш «Ата заңы» қабылданды.

13-оқушы: Азат елдің басталған айқын жолы тәрізді ,

Ата Заң деп аталған Конституциямыз бар біздің.

Ата Заңмен бекіткен дербестігін еліміз,

Ата-баба мұра еткен,тұтастығын еліміз.

2-жүргізуші: 1997 жылы 10 желтоқсаннан бастап Қазақстан мемлекетінің елордасы болып Астана қаласы атанды.

2-оқушы: Көтерді шаңырақ Астанам асқақ,

Жаңарып қалам,жасарып далам !

Басынан серпіп бодандық жүгін,

Кетпейді ойдан отандық ұғым.

1-жүргізуші: Елбасымыз Н.Ә.Назарбаевтың саяси өмірін Астананың символына айналған «Бәйтерек» бейнесіне теңеді.

Бәйтерек-жер жаһанды кейіптейтін әлем ағашы. Астана көркі,адамды сүйсіндіретін ұлт мақтанышы. Ел мерейін өсірер мұндай жетістіктер Елбасымыздың ұстанған сындарлы саясатының арқасында Астана асқақтап,еліміз қарыштап қанатын кенге жаюда.

7- оқушы: Ауыр күнді артымызға тастауы,

Қиын сәтте қиындықтан қашпауы.

Тілім,дінім,ұлтым қайта көгерген,

Елбасымыз Нұрағаның бастауы.

Жүргізушілер:

Халқым айтқан жер көтерер ел даңқын,

Елім айтқан ел көтерер жер даңқын.

Президентім, елбасы аман болғай,

Мәңгі жаса,жас қазағым,өр халқым - деп бүгінгі тәрбие сағатымызды аяқтаймыз.

Адилбай Жәнібектің орындауында «Атамекен» әні.