Білім күніне арналған әзірлеме

«Алғашқы қоңырау» салтанатты жиынының әзірлемесі

Мақсаты: Білім күні үлкен мереке екенін балаларға жеткізе білу, сезіну;

білімге деген құштарлығын арттыру, еліміздің білімді, тәрбиелі азаматын елжандылыққа тәрбиелеу.

Жоспары:

1. Сапқа тұрғызу

2. Қонақтармен таныстыру

3. ҚР мемлекеттік туын енгізу

4. ҚР әнұранын орындау

5. Мектеп директорының құттықтау сөзі

6. Қонақтың құттықтау сөзі

7. 1 - сынып оқушыларының тақпақтары

8. Бірінші ұстаздардың құттықтау сөзі

9.Ата-аналар атынан құттықтау сөз

10.Алғашқы қоңырау салтанаты

11.ҚР мемлекеттік туын шығару

12.Қорытынды сөз

13.Оқушыларды мектепке кіргізу

Өтетін күні: 01.09.2014 ж.

Басталуы: 10.00-де

Қатысушылар: 1-11 сынып оқушылары, мектеп ұжымы, ата-аналар.

9.00-ден - мектеп алаңында музыка жүріп тұрады

9.50 - Сапқа тұрғызу

Мектеп алаңын дайындау, шарлар, жалаушалар ілу

Жүргізушілер: ______________________________________________

1 жүргізуші:

Өмірдің бейбіт бағы гүл
Асудан асып асқарлы
Мінекей, достар тағы бір
Жаңа оқу жылы басталды.
Өткеріп жазды дүбірмен,
Туған жер төсін тербеттік.
Уақытпен алға жүгірген,
Бір жасқа біздер ержеттік.

Құрметті ұстаздар, ата - аналар, оқушылар! 1 қыркүйек - Білім күні құтты болсын! Бойға қуат, ойға тың серпін беретін жазғы демалыста аяқталып, бір - бірлеріңізбен ыстық ықыласпен қуана қауышатын тағы бір тамаша сәт келіп жетті. Ендеше, жаз қызығына бөленген жас өркендерді тәлімге шақыратын күміс қоңырау қайта соғылмақ.
Бүгін - Білім күні. Бұл күн - әр баланың көкірегіне нұр құйылған, әр ұстаздың жүрегі тебіреніп, көңілі шарықтаған, әр ата - ананың мерейі өсе түскен нағыз қуанышты күн. Баланың білімге талпынысы мектепке келуден, тіл үйренуден, ұжыммен танысудан басталады.
Білім негізін қалаушы бүлдіршіндер - мектеп алды даярлық тобы. Сондықтан мектеп алды даярлық тобының бүлдіршіндеріне ақ жол тілеп, құрметпен ортаға шақырамыз.(музыка)
Мектеп алды даярлық тобының ұстазы Маркиза Қабиқызы Анесова.

2-жүргізуші: Уже земля сменила платье,

Надела праздничный наряд.

Сегодня праздник. Школьный праздник!

По всей стране, у всех ребят!

Войдем в прекраснейший дворец!

Открытий радостных и встреч

Страницам новых книг поверим,

Друзей научимся беречь!

Учеба, здравствуй!

Школа, здравствуй!

Идем за знаньями в поход!

Сегодня праздник! Школьный праздник! Встречаем мы учебный год!

1 жүргізуші:

Гүлге толы өмірлер,
Балғын жүзбен балауса,
Алып ұшқан көңілдер.
Толқымасын қалайша.
Көңіл толы нұр ағыс
Мен де шаттық жайдамын
Құтты болсын қуаныш
Құтты болсын мейрамың

Бүгінгі күн 1 сыныпқа қабылданушы шәкірттер үшін ұмытылмас күн.

2014 - 2015 оқу жылында мектеп табалдырығын аттағалы тұрған жас бүлдіршіндерді және алғашқы әріп үйретер алғашқы ұстаздары Марияш Какенқызы Габдуллинаны және Ақерке Ғалымбекқызы Базарбаеваны ортаға шақырамыз!

2-жүргізуші: Да, настало время обратить внимание на самых маленьких, они ждут, не дождутся, когда станут учениками. А покажут им путь в храм знаньи будущие выпускники

(Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)

1.

2.

3.

4.

5.

6.

7.

8.

Әскери жетекші:

Мектеп, түзел, тік тұр! Қазақстан Республикасының Мемлекеттік Туы енгізілсін!

ҚР гимні

1-Жүргізуші:

Бірінші қыркүйек білім күніне арналған салтанатты жиынымызды ашық деп жариялаймыз!

2-Жүргізуші:

Еліміз ежелден қонақжайлығымен ерекшеленген, олай болса, қадірменді көпшілік, ардақты алтын ұя мектебіміздің құрметті қонақтарымен таныстырып өтейік:

1.

2.

1 жүргізуші: Үйретеді жалықпастан өнеге,

Отырғызып білім атты кемеге

Теңіздейін тереңінен батырып,

Мектебімізді көтереді төбеге.

Құттықтау сөз кезегі Қаратал орта мектебінің директоры Зейнолла Нұрымұлы Жамангалиевке беріледі.

2-Жүргізуші:

Жаңа оқу жылының басталуы туралы бұйрықпен таныстыру үшін ортаға мектеп директорының оқу ісі жөніндегі орынбасары Жанар Мерекеқызы Биханова шақырылады.

1 жүргізуші: Абзал жан бар, биік тұлға байсалды.

Құшақ жая әр жерде де қарсы алар,

Қуаныш пен салтанатты шақтарда

Қонақтар да ақ тілегін ақтарар.

Келесі сөз кезегі ___________________________________________________________беріледі.

2 Жүргізуші:

Өмір бойы мектебімді жыр етем,

Бір өзіңде бақыт, білім, берекем,

Шәкірттерің өрістесін, өрлесін,

Құтты болсын Білім күнің-мерекең!

1 Жүргізуші:

Абзал жандар, биік тұлға байсалды,

Құшақ жая төл мерекең қарсы алды.

Қуанышпен жақсы тілек білдіріп,

Құттықтайды бірінші сынып баршаңды.

Сөз кезегі мектеп табалдырығын алғаш рет аттағалы тұрған 1-сынып оқушыларына беріледі.

1- сыныптардың тақпақтары

1 жүргізуші:

Жаңа оқу жылы басталды.

Шаттықпен шалқып толғана

Ой толқытқан жүрегін

Өмірге алмақ жолдама

Сыр шертсін енді түлегің

Сөз кезегі 11 сынып оқушыларына беріледі.

11-сынып оқушысы:

Оқыған әпке, ағаңыз,

Қадірлі мектеп - бұл мектеп.

Сендердей біз де болғанбыз,

Есейдік, міне, қараңыз.

Құт болып алғаш қадамың,

Жағарсың білім шырағын.

Биылғы жыл ерекше,

Ұғарсың оның шын мәнін.

11-сынып оқушысы:

Құттықтап білім күнімен,

Сыйланар сізге әліппе.

Бар білімнің бастауы,

Қадірлеп оны дәріпте.

(Музыка әуенімен 11-сынып оқушылары «Әліппе» оқулығын 1-сыныптарға сыйлайды)

1-жүргізуші:

Жүрегі нұр, өмірі гүл ұстаздың,

Сондықтан да ұстазыңа ұқсағың.

Адам жанын тәрбиелеп аялар,

Құрметті ғой әрбір ісі ұстаздың - деп сөз кезегін 1-сыныпқа

шәкірттерін қабылдап отырған ұстаздарға береміз.

(1-сынып мұғалімдерінің құттықтау сөздері)

2- Жүргізуші

Бүгін қандай шаттық тола күн еді,

Бүкіл әлем ерекше бір түледі.

Балдырған жетектеген ата-ана,

Қуаныштан жарылардай жүрегі,

Білім көзін ашатынын біледі, - деп балаларын мектепке

алғаш жетектеп келіп отырған ата-аналарға

қадамдарыңызға гүл бітсін, армандарыңызға

нұр бітсін демекпіз.

..................................................................................................................................., сіздерді ортаға шақырамыз.

1 жүргізуші:

Қоңырау сыңғырла, асыға

Үн қосқан қиядан асуға

Білім ал, еңбек ет жас ұлан

Өрле сен биiк шың басына.

Қоңырау үні сыңғырлап,

Естілді жылы жаныма

Күлкідей әсем сылдырлап

Бөбекті жиды маңына

Алғашқы қоңырау салтанаты

2 жүргізуші: Ең алғашқы қоңырау,

Қалар мәңгі есіңде.

Есейгенде өмірі,

Елеңдейсің осы үнге.

Қалғып - мүлгіп жатпайсың,

Түске дейін бұл күні.

Мәңгі есінде сақтайсың,

Сыңғырлаған күлкіні.

Ұстаздарға жолығып,

Сусындаймыз бұлақтан.

Қоңыраудың сол үні,

Қалар мәңгі құлақта.

Алғашқы қоңырау қағылсын! Алғашқы қоңырауды күмбірлете соғу үшін ортаға мектебімізден биыл түлеп ұшатын және мектеп табалдырығын алғаш аттағалы отырған оқушыларды шақырамыз.

Алғашқы қоңырау соғу құрметі 11 сынып оқушысы ______________________ және 1сынып оқушысы ___________________________________________ беріледі.

1-жүргізуші:

Бүлдіршіндер, сендерге артар міндет көп,

Көтеріңдер мектептің атын құрметтеп.

Білімнің көзін аша білсең тереңнен,

Жетелейді армандарға бұл мектеп.

ҚР мемлекеттік туын шығару салтанаты

Әскери жетекші:

Мектеп, түзел, тік тұр! Қазақстан Республикасының Мемлекеттік туы шығарылсын!

Қорытынды құттықтау сөзі

Оқушыларды мектепке кіргізу

2 жүргізуші: Осымен 1 қыркүйек білім күніне арналған «Сыңғырла, алғашқы қоңырау!» мерекесі өз мәртебесіне жетті. Салтанатты жиынымызды жабық деп жариялаймыз. Білім күні құтты болсын. 1 - сынып оқушыларын құрметпен сыныптарына шығарып салайық.

1 жүргізуші: Жаңа оқу жылы баршаңызға құтты болсын! «Алғашқы қоңырау!» мерекесі 2014 - 2015 оқу жылының алғашқы сабағымен жалғасады. Ақ жол сіздерге, мектеп оқушылары!

2 жүргізуші: Білім күніне арналған «____________________________________________» атты сынып сағатын тыңдауға шақырамыз.