План-конспект по крымскотатарскому языку 3 класс на тему Метиннинъ эсас фикри. Сёз диктанты

Къырымтатар тили. 3-б сыныф. Абильтарова Р.А. 17.11.2016 г. Мевзу: Метиннинъ эсас фикри. Сёз диктанты.

Дерснинъ макъсады: талебелернинъ бильгилерини, къабилиетлерини тешкермек ве пекитмек; сёз байлыкъларыны арттырмакъ; нутукъ инкишафы; тюшюндже фаалиетлерини фааль этмек; джумлелерден метинлер тизмеге, метинде эсас фикирни ифаделемеге огретмек; ана тилимизге севги дуйгъусыны ашламакъ; балаларда гузеллик дуйгъусыны тербиелемек.

Дерснинъ кетишаты:

I. Тешкилий къысым:

- Селямлашув!

- Дерсте олмагъан талебелерни къайд этюв

</ II. Таянч бильгилерни актуаллештирюв.

1. Эв вазифени тешкирмеге.

2. Къаиделерни тешкирмеге:

- Метин недир?

- Метиннинъ къысымларыны айтынъыз? Бу къысымлар насыл айырмагъа мумкюн?

- Метинге не къоймагъа мумкюн?

- Метиннинъ мевзулар насыл олалар?

III. Янъы мевзуны анълатув

- Балалар, бугунь дерсимизде метин акъкъында девам этеджекмиз.

1. Метиннен иш.

Сейран аятнынъ къапысыны ачты. Одагъа мышыкъ чапып кирди. Онынъ тишлери арасында сыгъырчыкъ чапалана эди. Сейран мышыкътан къушчыкъны чекип алды. Сыгъырчыкъ агъыр-агъыр нефес ала эди. Сейран оны къафеске къойды ве бакъты. Бир къач куньден сонъ сыгъырчыкъ тюзельди. Сейран сыгъырчыкъны чыкъарып йиберди.

- Балалар, метинде не акъкъында айтыла? Метинге насыл серлева къоймакъ мумкюн?

- Къайсыджумле метиннинъ эсас фикрини ифаделей?

- Демек, бугунь дерсте биз метиннинъ эса фикрини тапмагъа огренеджекмиз.

- Метин бизим фикирлеримизни, дуйгъуларымызны ифаде этмеге имкян бере. Муэллиф айтмагъа истеген муим шейлер - метиннинъ эсас фикирдир.

-Балалар, дефтерлеринъизни ачып, бугуньки саныны ве мевзуны язынъыз.

2. Арифлерни язув.

Тахтада язгъан арифлерни эки группагъа болип, дефтерге язмагъа.

В Б Е Ф А Л У О.

- Арифлерни насыл группаларгъа больмеге мумкюн? (Тутукъ ве созукъ)

- Дефтерге тутукъ арифлерни бир сырагъа темиз ве догъру язып алынъыз. Сонъ экинджи сырагъа созукъ арифлерни.

3. Сёз диктанты.

Тиш, аят, Сейран, мышыкъ, сыгъырчыкъ, къушчыкъ, агъыр, къафес, нефес, куньдюз, тюзельмек, йибермек, фикир, гонъюль, кузьлюк, баарь, динълемек, бутюн, къара, Къырым, халкъ.

- Тешкиремиз.

IV. Физдакъкъа.

V. Пекитюв

1. Дерсликнен иш.

- Энди янъы мевзуны даа яхшы анъламакъ ве пекитмек ичюн, дерсликте мешгъулиетлернинъ вазифелерни япып, дефтерлеринъизге язаджасынъыз.

97-мешгъулиет.

98-мешгъулиет. Агъзавий иш.

2. Нутукъ инкишаф иш.

Диалоглер тизмеге.

Мевзу: а) Тюкянда,

б) китапханеде.

VI. Нетидже

- Бугунь дерсимизде не яптыкъ? (Метинлернинъ эсас фикирлерини тапмагъа тырыштыкъ)

VII. Эвге вазифе: 99-мешгъулиет, къаиделерни эзберлемеге.

VIII. Баалав