Тіршіліктің тірегі – ана! (7 класс)

Тақырыбы: " Тіршіліктің тірегі - ана!"

Мақсаты: Әйел затына деген сүйіспеншілік сезімдерін арттыру, Ананы құрметтеу, сыйлай білуге, оқушылар бойындағы жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.
Көрнекілігі: слайд, қағазздан жасалынған гүлдер, ана туралы жазылған нақыл сөздер.

Барысы:

Жүргізуші:
Біз ғана емес, қадір тұтқан бабалар.
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Кеш жарық, қымбатты ұстаз - аналар, арулар! Көңілдеріңізге көктем шуағындай сезім мен нұр құйып, тағы да 8 - наурыз халықаралық әйелдер күні келді.Мерекелеріңіз құтты болсын.

Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару-ана, Ару-асыл жар, Ару - көңілдің гүлі,

Ару - өмірдің жыры, тіпті айта берсең сөз жетпейді. Әйел бір қолымен бесік тербетсе, екінші қолымен әлемді тербетеді деген екен бір ғұлама. Қандай нақты айтылған ой десеңізші! Расында бар әйел қауымынсыз мына әлемді елестету мүмкін емес! Иә, Құдайдан кейін құдірет иесі - ана. Мына жарық дүниеге әкелген Ана алдында бәріміздің де бас иетініміз сондықтан десек, бүгінде ұрпақ өсірумен қатар, ел еңсесін көтеріле түсуіне өз үлесін қосып келе жатқан қазақ әйелдері қандайда
болмасын құрметке лайық. Бүгінде қоғам өмірінің әйелдер араласпайтын саласы жоқ десе болады. Бірі ғалым , бірі саясаткер, енді біреулері дәрігер, кәсіпкер тізе берсең жалғаса береді. Солардың бірі аяулы ұстаздар. Аналар өмірдің барлық саласын меңгергеніне шүбә жоқ бас иеміз.

Жігер: Ақтілек:

Өмірде ана бұлақ, ана пана Ана деген - бәйтерегі өмірдің,
Өмірді өркендетер ана ғана. Ана деген - қуанышы өмірдің.
Өсірген талай көсем, талай шешен,. Ана деген - әрбір үйдің жылуы,
Талай ер, талай ақын, талай дана, Ана деген - гүлі туған өмірдің.
Ана! Ол біздің елде ардақты адам.

Ермұқан: Ақмырза: Жылқыбай:
Біз доспыз гүлдермен, Сенен өскен балалар, Ақ анашым, аппағым,
Текке оны жұлмаймыз Батырлар мен даналар Өзің жайлы тақпағым
Той күні бір-бірден Құттықтаймыз мейраммен Өзің жайлы әнім де,
Аналарға сыйлаймыз. Құрметті аналар. Арнадым саған бәрін де.

Бақтияр:

Құтты болсын ардақты анам,
Асыл анам мерекең,
Құтты болсын теңдік алған
Қуанышты мерекең !!!

Жүргізуші:

Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай,- деп Ерзаттың аналарымыға арнаған әнің қабыл алыңыздар.
Жүргізуші:
Ана деген - бастауы ұлылықтың
Ана деген - рәмізі сұлулықтың
Ана деген - бір жыр бар шырқалатын
Асқақтатар биікке ұрпақ

Ару - Ана өмірдің асылдары,
Жайнасын көңілімнің жасыл бағы.
Сендер үшін ән мен жыр шырқалуда,
Сендер үшін мереке шашулары, - ән шырқалар, би биленер бақытымен, бағымен - орындауындағы тамаша әнді қабыл алыңыздар.
Жастар биі.

Бейнекөрініс сыныптың қыз балаларына арналған.

Жүргізуші: Ана - барлық қиындықты жеңетін сарқылмайтын күш, тіршіліктің қайнар бұлағы. қазақ әйелінің дастарханы тоқ, қонағы ырза, дүниесі түгел. Олар үшін бірінші орында отбасының берекесі тұрады. Бөбегін бесікке бөлеп, әлдилеп аялаған ана бақыт құшағында емес пе?!
Бір өзіңнен бастап өмір жолдарын,
Жүрегіңе, жүрегімді жалғадым.
Өзің мына сыйға берген өмірде
Ақ сүтіңді ақтап өту - арманым.

Хор: "Ана"
Құтты болсын осы шаттық күніңіз
Бақытты да ұзақ өмір сүріңіз
Қуанышты жүзіңіз бен әрдайым
Бұл өмірде күліп қана жүріңіз

Барша ана, құтты болсын мерекеңіз
Әрқашанда ана сізбен берекеміз.
Ақтасақ ақ сүтіңді, асыл анам.
Сонда біз кісілікке теңесеміз.
Құрметті ұстаздар, аналар, арулар біздің «Тіршіліктің тірегі - ана» атты мерекелік кешімізді көңіл қойып тамашалағандарыңызға көп - көп рахмет.