Конкурс для учащихся 5-11 классов

А.б: Тез етишти ягъмурлы кузь,

Кете дерске балалар.

Ягъмур ягъа гедже-кузьдюз,

Энди сувуй авалар.

Койлюлер багъ-багъчадан,

Емишлерни джыялар.

Сайлап- сайлап яхшыларны,

Сепетлерге къоялар.

Биз мектепте топландыкъ,

Эпимиз азырмыз.

«Кузь дюльберни» сечейик,

Буюк къыймет кесейик.

Селям алейкум урьметли оджалар, мектеп хадимлери, талебелер ве ярышымызнынъ иштиракчилери. Бугунь 2 ве 3басамакъта кузь байрамыны къайд этемиз. Бугунь бизим ярышымызда эр сыныфтан бирер къыз озь истидатыны косьтереджек. Шимди къызларымызны санагъа давет этмеге истейим.

5 сыныфнынъ намыны къуртараджакъ _________________________________________________

6 сыныфнынъ намыны къуртараджакъ _________________________________________________

7 сыныфнынъ намыны къуртараджакъ _________________________________________________

8 сыныфнынъ намыны къуртараджакъ _________________________________________________

9сыныфнынъ намыны къуртараджакъ _________________________________________________

10 сыныфнынъ намыны къуртараджакъ ________________________________________________

11 сыныфнынъ намыны къуртараджакъ ________________________________________________

Къызларымызны корьдик энди вакъыт кельди бугуньки ярышгъа къыймет кеседжек жюри азаларыны да давет этмеге.

Жюримизнинъ башы- мектебимизнинъ мудири, тарих оджасы, пек мераметли инсан Ильясова Р.В.

Жюримизнинъ азасы- мектебимизнинъ энъ шенъ оджамыз -

Жюримизнинъ азасы- мектебимизнинъ энъ шенъ оджамыз -

Жюри азалары бутюн ярыш нетиджесинде къызларымызгъа къыймет кеседжеклер,баалар къояджакълар. Энъ юксек баа 5. Шимди къызларымыз озь невбетини таин этеджеклер, ве бу джедвель боюнджа къызлар ярышта иштирак этеджеклер.

(жеребьёвка кечириле)

Ярышымызны башламагъа вакъыт кельди. Мен биринджи ярыш вазифесини илян этем. «Озюмни такъдим этем…» бу номинацияда жюри азарымыз иштиракчининъ киймине ве причёскасына къыймет кеседжеклер. Биринджи оларакъ сыныф ________ талебеси башлай.

(жюри азалары баалары къойып чыкъа,къызлар невбетнен иштирак этелер )

Биринджи ярышымыз кечти ве невбет кельди экинджи номинациягъа кечмеге.

Невбет кельди «Сёз устасы» адландырылгъан номинациясыны илян этмеге.. Буюрынъыз къызларымыз санагъа. Эки къысымгъа болюнди бу номинация:

- бостанымызда не осе (тапмаджалар);

- эдеп ве турмушнен багълы олгъан аталар сёзлерининъ башыны окъуйджам сизлер исе онынъ девамыны айтмакъ керексининъиз;

1. Баарьде къувандырыр,

Язда салкъындырыр.

Кузьде тойдурыр,

Къышта къыздырыр.

(терек)

2. Баарьде мен ешерем,

Кузьде сарарып тюшем.

Балалар мени алалар,

Демет япып къоялар.

(япракъ)

3. Ер астында джйирен ат,

Атнынъ териси еди къат,

Соярсынъ да ашарсынъ,

Ашагъанда агъларсынъ.

(согъан)

4. Антери чокъ, дёгмеси ёкъ.

(къапыста)

5. Ер астында къырмызыбардакъ.

(чюкюндир)

6. Къып-къырмызы къафтаны,

Пек файдалы ал къаны.

(помидор)

7. Ер астында чипчели тавукъ.

(къартоп)

Аталар сёзлери:

1. Ана-бабанъа сёз … (къайтарма.)

2. Озюнъден буюкни…( урьмет эт)

3. Къарткъа урьмет, яшкъа … ( ёл)

4. Ана-бабасыны хорлагъан, озю…(хорланыр)

5. Озюнден буюкке ёл…(бер)

6. Къапымыз ачыкъ, торюмиз … (бош)

7. Терек тамырларына таяныр, инсан …(догъмушларына)

Урьметли жюри азаларымыз, бутюн иштиракчилеримизге баалар къойманъызны риджа этемиз.

(жюри азалары эр бир иштиракчилерине баалар къоялар)

Келеджекте бизим дюльбер, чебер, намуслы къызларымыз ана оладжакълар ве оларнынъ боюн-борджулары дёгме тикмек, аш азырламакъ, балачыкъларыны тербиелемек оладжакъ эльбетте тек бу вазифелернен бизим боюн-борджумыз битмей. анълагъанынъыз киби невбетттеки «Уста тикиджи » номинацияны илян этем.

(эр бир къызгъа дёгме, йип ве къумач бериле)

Къызларымыз дёгме тиккендже , мен «Кузь мевсимине» багъышлангъан поделкалар конкурсынынъ нетиджесини чыкъармагъа истейим.

«Кузь аппликациялары» номинациясында 1 ерни - 2 сыныф талебелери къазанды.

«Кузь берекети» номинациясында 1 ерни - 4 сыныф талебелери къазандылар, бутюн поделкалар себзе ве емишлерден япылгъан эди.

« Аджайип орман сакинлери » номинациясында 1 ерни- 3 сыныф талебелери къазандылар, пек чокъ дюльбер ве меракълы айванчыкълар табият мадделеринден япылгъан эди.

Ве сонъки номинациямыз «Алтын кузь» номинациясында 1 ерни- 1 сыныф талебелери къазандылар. Машалла башлангъыч сыныфларгъа!!!

Энди мен беллесем, къызларымыз азырдырлар. Озь ишлеринъизни жюри азаларына тапшырманъызны риджа этем.

(къызлар озь ишлерини жюри азаларына тапшыралар, жюри азалары исе нетидже чыкъарып баалар къоялар.)

Эльбетте, кузь дюльбери ярышынынъ гъалиби пек дюльбер ве буюк усталыкънен шиир окъумагъа керек. Невбеттеки номинациямыз башлана

«Алтын кузь» номинациямыз башлана.

(эр бир къыз озь невбетинен шиир окъуй)

Бизим ярышымызнынъ пек меракълы номинациялары къалды. Невбеттеки

«Уста ашчы » номинациясыны илян этем. Буюрынъыз къызларымыз санагъа. Эр биринъизге бирер къартоп темизлемеге керек. Къабугъы пек индже олмасы керек. Буюръынъыз ишке.

(эр бир къызгъа бирер къартоп бериле, къызлар озь ишлерини жюри азаларына тапшыралар, жюри азалары исе нетидже чыкъарып баалар къоялар.)

Ярышымызнынъ сонъки номинациямыз къалды. «Истидатлыкъ» номинациямыз илян этиле. Бу номинациямызда къызларымыз озь истидатыны косьтереджеклер.

Бу номинациядан сонъра биз нетидже чакъараджамыз ве «Кузь дюльберини» таинледжемиз.

Биринджи оларакъ озь истидатыны ______________________________косьтереджек.

(эр бир къыз невбетинен озь истидатыны косьтере)

Жюри азаларымыз азырланалар, мен исе озь ишимни девам этмеге истейим.

«Кузь мевсимине» багъышлангъан поделкалар конкурсынынъ 5-11 сыныфлар арасында нетиджесини чыкъармагъа истейим.

Мен эр бир сыныфкъа озь тешеккюрлерими бильдирмеге истейим. Чюнки эр бир сыныф буюк такъатны ве сабырны къошуп бойле аджайип кузь мевсимине багъышлангъан поделкалар япты.

« Джевиз къабукъларындан аджайип япма» номинациясында биринджи ерни

10 сыныф талебелери къазана.

«Кузь емишлеринден масал къараманлары » номинациясында биринджи ерни

8 сыныф талебелери къазана.

«Аджайип кузь къушлары » номинациясында биринджи ерни 5 сыныф талебелери къазана.

«Кузь емишлеринден орман сакинлери» номинациясында биринджи ерни

6 сыныф талебелери къазана.

«Кузь берекети» номинациясында биринджи ерни 7 сыныф талебелери къазана.

«Кузь емишлеринден япылгъан аджайип эв сакинлери » номинациясында биринджи ерни 9 сыныф талебелери къазана.

«Себзелерден масал къараманлары» номинациясында биринджи ерни

11 сыныф талебелери къазана.

Чокъ сагъолунъыз!!!

Бен беллесем, жюри азаларымыз энди азырлар. Буюрынъыз!!! Биринджиден мумкюн олса бугуньки тедбир акъкъында бир эки сёз айтынъыз. Нетиджелер бойле.

(жюри башы нетидже чыкъара, гъалиплерни илян эте)

ЗУЯ МИЛЛИЙ МЕКТЕБИ

«КУЗЬ ДЮЛЬБЕРИ» ярышы

Оджа: Селеметова Алиме Рустемовна

Баарьде къувандырыр,

Язда салкъындырыр.

Кузьде тойдурыр,

Къышта къыздырыр.

Баарьде мен ешерем,

Кузьде сарарып тюшем.

Балалар мени алалар,

Демет япып къоялар

Ер астында джйирен ат,

Атнынъ териси еди къат,

Соярсынъ да ашарсынъ,

Ашагъанда агъларсынъ.

Антери чокъ, дёгмеси ёкъ.

Ер астында къырмызы бардакъ.

Къып-къырмызы къафтаны,

Пек файдалы ал къаны.

Ер астында чипчели тавукъ.

Ана-бабанъа сёз …

Озюнъден буюкни…

Къарткъа урьмет, яшкъа …

Ана-бабасыны хорлагъан, озю…

Озюнден буюкке ёл…

Къапымыз ачыкъ, торюмиз …

Терек тамырларына таяныр, инсан …