Тәрбие сағаты 16 желтоқсан

Сабақтың тақырыбы: 16 желтоқсан - Тәуелсіздік күні.

Сабақтың мақсаты: Он алтыншы желтоқсан жайлы мағлұмат беру. Ұлттық рәміздерге тоқталу, халқымыздың өткені мен бүгінгі күндеріне қысқаша шолу жасау.

Сабақтың міндетті:

Білімділік: Қазақстан тәуелсіздігі жолында мерт болған қайсар рухты қазақ жастары туралы мағлұмат беру.

Тәрбиелік: Батырдың биік тұлғасын суреттеу арқылы ұлтын сүйетін, елінің болашағына, өсіп-өркендеуіне өз үлесін қосатын табанды азамат тәрбиелеу.

Дамытушылық: Оқу дағдысын қалыптастыру және жетілдіру, байланыстырып сөйлеуін дамыту, өзіндік ой-пікірін айта білуіне баулу.

Сабақтың түрі: Жаңа сабақ

Сабақтың әдісі: сөздік әдісі, әңгімелесу әдісі

Көрнекілігі: Тәуелсіздік монументі, рәміздері, ел басының суреттері т. б

Ұйымдастыру кезеңі.

Шайқалмасын ешкімнің шаңырағы,

Бақыт көрсін Отанның сан ұланы.

Енді ағайын, көгінде қалықтасын,

Қазағымның қастерлі - Әнұраны!

Әнұран айту.

- Әрбір адам? - Туысым, досым, жұрағат.

- Әрбір сабақ? - Үйрену, ұғу, ұлағат.

- Әрбір ісің? - Тірлік, тірек, адамдық.

- Әрбір сөзің? - Шындық, бірлік, адалдық.

- Олай болса, балалар, бүгінгі сабағымызды бастаймыз.

Сұрақ- жауап

- Қазір қай ай? -Желтоқсан айы

- Ия, балалар, осы желтоқсан айында қандай мерекелер бар?

Он алтыншы желтоқсан- Тәуелсіздік мерекесі.

- «Тәуелсіздік» сөзінің мағынасын қалай түсінесіңдер? (Оқушылардан жауап алу).

- Тәуелсіздікті қашан алдық? 1991 жылы 16 желтоқсанда.

- Міне, балалар тәуелсіздік бізге оңайлықпен келген жоқ.

- Осы біздің тәуелсіздігімізге, егемендігімізге көптеген ақын, жазушы ағаларымыз, аталарымыз өлеңдер арнаған екен.

</<br>

- Ендеше, дәптерімізді ашамыз.

Салақтықтан қашамыз.

Көркем етіп жазамыз. (күннің жады, тақырыпты жазу)

Қазір бұл күн қазақ халқы үшін ұлы күн, әрі қайғылы, әрі бақытты күн. 1986 жылғы желтоқсан оқиғасы қазақ халқында бұрын болмаған ең ауыр да, әділетсіз көтерілістің бірі. Енді міне, осы Желтоқсан көтерілісіне қатысқан ағаларымыз бен апаларымыз үш ғасырға жуық уақыт бойы армандаған тәуелсіздікке қол жеткізді.Ал енді оқушылар отанға қатысты мақал айтатындар барма

Ескендір

1.Ел ұлсыз болмас,

Жер гүлсіз болмас.

Айша

2.Батыр туса - ел ырысы,

Жанбыр жауса - жер ырысы.

Азамат

3.Ел үмітін ер ақтар,

Ер атағын ел сақтар.

Айбар

4.Ер жігіт елі үшін туады,

Елі үшін өледі

Аружан

1.Құтты болсын тәуелсіздік мерекесі,

Мықты болсын елімнің керегесі.

Тату-тәтті боп халқымыз әрқашан,

Кетпесін туған жердің берекесі.

Әлихан

2.Он алтыншы желтоқсан

Ел мерейі тасыған

Қазақ деген қалың жұрт

Бәрін кешті басынан

Алимжан

3.Әр қазақтың есінде сақталады

Желтоқсандық өрендер ақталады

Ел намысын қорғаған сарбаздарым

Ерліктерін мәңгілік сақталады.

Сергіту сәті.

Қол ұстасып кәне біз

Достасайық бәріміз

Қандай жақсы бір тұру

Достармен бір жүру

Қандай жақсы дос болу

- Ендеше, балалар, біз Тұманбай Молдағалиев атамыздың «16 желтоқсан» өлеңімен таныссақ, басқада ағаларымыз «Желтоқсан» оқиғасына арнап әуені мен өлеңдер арнаған екен. Солардың бірі «Желтоқсан желі» әнін біз қазір үнтаспадан тыңдайық

Үн таспадан тыңдау

- Міне, балалар жаңа біз әнді тыңдап отырып, видеосынан болған оқиғаларды да көрдік. Ағаларымыз бен апаларымыздың алаңға шыққанын, одан кейінгі қиыншылықтарын көрдік.

- Осы тәуелсіздіктің бізге оңайлықпен келмегенін білдік. Тәуелсіздік, егемендік жолында қазақ жастары шеруге шықты. Сол желтоқсан оқиғасының ішінде біздің ауылдас ағаларымызда болды.

Олар: Сарболаев Абзал, Шәудірбаев Ғабит, Қашығұлов Жәнібек, Озғанов Саттар т.б. ағаларымыз болды.

Шығармашылық жұмыс

Тәуелсіздік мерекесі туралы сурет сал.

Балалар, біз бұл Тәуелсіздік күніне алда тойлауға әзірленіп жатырмыз. Ол күні демалыс берілді. Қалада (ауылда) күшті мерекелік шаралар өтеді.

Тәуелсіздікке жиырма үш жыл болды.

Суреттермен жұмыс

1. Тәуелсіздіктің белгісі (Алтын белгі, барыс)

2. Буклет ел рәміздері

3. 1991жылдан бері Қазақстанның жеткен жетістіктері.

Ой толғаныс

Бүгін нені үйрендік?

- Сонымен, Тәуелсіздік деген не?

Тәуелсіздіктің бастауы - Желтоқсан оқиғасы болды. Тәуелсіздіктің - құдіретті,

Ардақты ұғым. Ата - баба ерлігі - халық мұрасы, оның тарихы, мақтанышы.

Сабақты бекіту

Тербетіп тұрса болды жер бесігім,

Дәулеттің тілеймін көл көсірін.

Көз тимей, кірбің түспей қабағыңа

Жалғыз ақ құтты болғай енді осы күні!