Разработка вне классного мероприятия 'Праздника Букваря'

Әлифба бәйрәме

(Әдәби - музыкаль кичә)

Максат:

1. Укучыларны Әлифба китабының әһәмиятен аңлату;

2. Сәнгатьле уку күнекмәләрен камилләштерү;

3. Әти-әниләр һәм мәктәп арасындагы бәйләнешне ныгыту, китап укуга мәхәббәт тәрбияләү.

Бурычлар:

• укучыларны, әти-әниләрне бәйрәм белән котлау;

• тырышып укуның кирәклеген исбатлау;

• шигырьләрне сәнгатьле итеп сөйләүләренә ирешү;

• фәннәргә карата кызыксыну, китап укуга омтылыш уяту;

• күп белергә омтылучанлык, игътибарлылык, җаваплылык, бердәмлек сыйфатлары тәрбияләү;

• ирешкән уңышларга шатланырга өйрәтү.

Җиһазлау: магнитофон, диск, компьютер, интерактив такта, проектор, слайдлар, әкиятне сәхнәләштерү өчен костюмнар.

Бүлмә бәйрәмчә бизәлгән, музыка уйнап тора. Шарлар, чәчәкләр эленгән. Уртага язу эленгән.

РӘХМӘТ, СИҢА ӘЛИФБАМ!

Кичнең барышы:

(Математика һәм Белмәмеш булып киенгән өлкән сыйныф укучылары керә)

Белмәмеш: Ай-һай, математика бабай, безне бик зурлап каршы алалар!

Математика: Әгәр син 1 нче сыйныф укучылары шикелле яхшы итеп укый белсәң, болай да чыккан ачуымны кабартып, шулай дип тормас идең. Монда бер дә математика дип язылмаган шул.

Б: Ә нәрсә дип язылган? Минем дә беләсем килә.

М: Әлифба-а-а имеш...

(Бәйрәмчә киенгән укучы керә)

Укучы: Нәрсә булды? Нигә бәхәсләшәсез?

Б: Минем язуда нәрсә язылганын беләсем килә.Хәрефләрне танып бетереп булмый, безнеңчә язылмаганмы шунда.

М-й: Нишләп безнеңчә булмасын. Саф татарчыа, ана телебездә язылган.

(Математика пырылдап бер баштан бер башка йөри)

М: Дөрес түгел бу. Мин ул фәннәр патшасы! Мин булырга тиеш бу бәйрәмнең хуҗасы! Хәзерге заманда бигрәк тә. Табып кара син компьютерда менә бу хәрефне. Ә мине бөтен дөнья танырлык итеп язалар!

Б: әйдәгез алайса, үзгәртеп язабыз. Рәхмәт сиңа , математикам!

У: Хөрмәтле математика. Әгәр дә әлифбадан хәреф танырга өйрәтмәсәләр, синең беренче битеңдә язылган математика сүзен дә укып булыр иде микән соң?

Б: Чынлап та хәреф танымасаң синең кем икәнеңне дә белмәсләр иде.

М: Әйе шул. Шулай булып чыга. Әйдәгез бәйрәм булгач бәйрәм булсын.

1 нче сыйныф укучылары яна ашыгыйк.

(Ашыгып чыгып китәләр)

Музыка астында бәйрәмчә киенгән укучылар керә. Алда бер малай һәм бер кыз Әлифбаны җитәкләгән. Әлифба уртада әзерләнгән тәхеткә утыра.

1 у. Кадерле китабыбыз. Күрәсеңме сине хәрмәт итеп күпме халык җыелган.

2 у. Күчкәнме бу залга

Дөньяның бар яме -

Күңелләр түрендә

Әлифба бәйрәме.

3 у.Бу матур бәйрәмгә

Кушыл, дус, әйдәле !

Дөньяны гөрләтсен

Әлифба бәйрәме.

4 у.Әлифбабыз тәмам булды,

Без җыендык бәйрәмгә.

Шатлыгыбыз эчкә сыймый,

Ничек сезгә сөйләргә.

5 у.Бөтен хәрефне беләм,

Алардан сүзләр тезәм.

Тукталып уйлап куям -

Мин бит өйрәндем диям!

6 у. А дан Б ны аерырга

Иҗектән сүз ясарга

Син өйрәттең, Әлифба!

7 у.Иң кадерле әти сүзен

Иң ягымлы әни сүзен

Укырга һәм язарга

Син өйрәттең, Әлифба!

8 у.Ап-ак кәгазь битенә

Матур сүзләр язарга

Син өйрәттең, Әлифба!

9 у. Хәреф авазларның серен

Сөйләдең безнең өчен

Безне, нәни дусларыңны

Белемле итәр өчен.