7


  • Учителю
  • Тәрбие сағаты: 'Ұстаз -ұлы тұлға'

Тәрбие сағаты: 'Ұстаз -ұлы тұлға'

Автор публикации:
Дата публикации:
Краткое описание:
предварительный просмотр материала

Тақырыбы: «Ұстаз - ұлағатты тұлға»


Мақсаты: бүкіл адамзат баласы бас иер асыл тұлға ұстаздардың ерен еңбегін, мол қадірін, тарихтағы баға жетпес орнын паш ету; жас ұрпақты ұстазды құрметтеуге, адамгершілікке, сыйлап түсіне білуге үйрету, ұстаз мамандығының қыры мен сырын түсіндіру; ұстаз еңбегін әрқашанда бағалай білуге үйрету.

Көрнекілігі: ұлағатты сөздер жазылған плакаттар, сурет, гүлдер, шарлар.

Барысы:

І. Тәрбие сағатын ашып, ұстаздарды төл мерекесімен құттықтау.

ІІ. Ұстаздарға арнау (өлеңдер оқу).

ІІІ. Пікір алысу.

ІV. Ұстаздар құрметіне өнерлерін көрсету.

V. Қорытынды.

Жүргізуші: Құрметті Ұстаздар, қымбатты оқушылар! «Ұстаз - ұлы тұлға» атты ашық тәрбие сағатымызды ашық дей отырып, Қадірлі Ұстаздар, сіздерді төл мерекелеріңізбен құттықтаймыз! Сіздердің шәкірттерді тәрбиелеп, білім нәрімен сусындатудағы жас буынға дұрыс бағыт-бағдар беру жолындағы еңбектеріңіз жана берсін демекпіз!

5-сынып оқушысы Жарқынбаева Мөлдірдің «Ұстаздар бар ардақты» атты өлең шумақтарын тамашалаңыз.

Ұстаз деген, уа шіркін, атың қандай,

Балаға пейілің кең, тілің балдай.

Сіздермен мына мектеп мерейленіп,

Мың-мың шәкірт ұшады қарлығаштай.

Бұл мектепте ұстаздар бар ардақты,

Бәрі ақылды,білгірлер ғой жан-жақты.

Ұстазым деп мақтана алам әрқашан,

Жалғыз сіз ғой бұл өмірде салмақты.

Біз сіздерді ұстазым деп сыйлаймыз,

Ешқашан да біз сіздерді қимаймыз.

Әрқашан да ұстазым деп жырлаймыз,

Бұл әнді тек сіздерге біз арнаймыз.

Ән: «Ұстазым».Орындайтындар: Хор

Жүргізуші:

Ұстаз болу - жүректің батырлығы,

Ұстаз болу - сезімнің ақындығы.

Ұстаз болу - мінездің күншуағы,

Азбайтұғын адамның алтындығы, - деп ақын Ғ.Қайырбеков жырлағандай, сөзі маржан, үні ән ұстаздардың бар болғанын мақтаныш етеміз. Ұрпақ тәрбиесі ұстаздарға байланысты. «Ұядан не көрсең, ұшқанда соны ілерсің» дегендей өнегелі ұстаздан жақсы шәкірт шығатыны сөзсіз. Олай болса ендігі кезекті оқушылардың өлеңдеріне берейік.

Жасұлан. Мұғалімдік-ең құрметті мамандық,

Жас ұрпақты өсіретін адам ғып.

Ұстаздардан адамзатқа таралған

Мол мейірім, ізгілік пен адалдық.

Бар тәлімін беріп елдің жанына,

Бір кездері қырауланар шашы да.

Ұстаз адам ұстаз болып қалады,

Қол соқтырып заман менен ғасырға.


Жарқынай . Айта берсек ұстаздарға тіл жетпеген,

Кімге ұстаз білім нәрін төкпеген.

Айтыңдаршы, адам бар ма өмірде

Ұстаздарға қарыздар боп өтпеген.

Ұстаз, ұстаз қасиетті есімің,

Құттықтайды барша халық осы күн.

Өзің берген біліміңе қандырып

Талай ұлан шәкірттерді өсірдің.

Назерке . Ұстаз деген - ұлы есім, ардақты,

Ақындардың өлеңдерін жаттатты.

Жақсылықты бойымызға сіңіріп,

Жамандықты, жалқаулықты тастатты.


Қуандық . О,ұстаздар, басымды ием сіздерге,

Күллі әлемнің мұғалімдер күнінде.

Жүрегімнің лүпілінен шыққан сөз

Сая тапсын ұлы ұстаздың жүрегінің түбінде.


Дамира: Ұлықтың мықтылығы ағашынан,

Қымыздың күштілігі сабасынан.

Бишінің биші болып атануы

Үйреткен, тәлім берген ұстазынан.

Келесі тамашалайтындарыңыз: «Қазақ биі- ».


Назерке. Шәкірттер сіздерді айтып мақтанады,

Бейнелерің жүректерде сақталады.

Біз, жастар, биіктерден көрінеміз

Үміт пен сенімдерің ақталады.

Ұстаздар қандай ғажап асылсыңдар,

Жан біткен жанарына нұр сыйлаған

Күндей боп күлімдеген жарықсыңдар!


Өркен: Дарын бол, мейлің дана бол,

Өтетін бәрі алдынан

Ұстаздар бейне сара жол.

Ұстаздар - ұлттың тірегі,

Ұстаздар - мектеп жүрегі.

Ұрпаққа жетер ұстазбен

Халықтың ұлы тілегі.

Альмира . Жетелеген мына заңғар биікке,

Шыға алмайтын тауда жортқан киік те.

Түсіндірді өмір атты ғаламды,

Аяулы ұстаз, мәртебең сенің биікте.

Жарқынай. О,ұстазым, ұстаз деген - ұлы ұғым,

Кәусарынан қанып ішкен тұнығын.

Еңбегіңе мен де жеміс тілеймін,

Шалқып өтсін шәкіртің мен ғұмырың.


Қуандық . Тілейміз біз амандық пен бақытты,

Тілейміз біз қуаныш пен шаттықты.

Білім алған ұстаз деген ұлыдан

Біздей шәкірт шынында да бақытты!


Келесі тамашалайтындарыңыз ән: «Қазақтай ел қайда»

Жүргізуші: Өмір кейде қисық айна секілді,

Санаңнан тыс билеп алад еркіңді.

Оқиғалар еніп кетіп бір түрлі

Келтіреді күлкіңді.

-Апай, Мұғалімдер бізден емтихан алғанды жақсы көреді, осы сәтті пайдаланып, біз де ұстаздарымыздан сынақ алып көрсек қайтеді?

1-Әлия:

- Сен сонда ұстаздарымызбен орнымызды ауыстырып көрсек қайтеді дегің кеп тұр ма?

2-Айтжан:

Иә, иә, тура солай, бүгін ұстаздар оқушы болсын,ал біз мұғалім болып емтихан алып көрейік.

1-Әлия:

-ендеше тыныштық сақтаңыздар! Мұғалімдерге арналған емтиханымызды бастаймыз.

(Мұғалімдерге шарлар үлестіріледі. Әр шардың ішінде сұрақтар бар. Мұғалімдер шарды жарып, сұрақтарға жауап беруі керек).

Сұрақтар: Сұрақтар:

Жазғы күн тоқырау күні қашан? (22 шілде)

Ертеде жіп иіруге қандай құралды пайдаланған? (Ұршық)

Қазақстанда "Қызыл кітап" тұңғыш рет қай жылы шықты? (1978)

Шәкәрім Құдайбердіұлы орыс әдебиетінің қай классигімен пікірлес болған (Л.Толстой )

Үндістер қай құрлықтың байырғы тұрғындары? (Американың )

«Компьютердің атасы» деп кімді атаған? (Чарлз Бэбэдж)

Бұл термин тіл ғылымы саласында, математикада, биологияда кез-деседі. Сөзде, өсімдікте және теңдеуде болтын бұл қай сөз. (Түбір)

Адамдар санауды ежелгі кезден бастап үйренген. Сандарды бейнелеу үшін ағашқа, тасқа таңбалар қалдырған. Күрделі есептеулер жүргізу қажеттілігінен цифрлар пайда болған.

Адамдар сандарды бірінші рет не арқылы бейнелеген және алғашқы санау құралы не? (Саусақ)

Жұмадан кейін 4 тәуліктен соң қандай күн келеді? Жексенбіден 3 тәулік бұрын қандай күн келеді? (Сәрсенбі, Бейсенбі)

Қаздар ұшып келеді. Алдында бір қаз және оның артында екі қаз. Ең соғы қатарда бір қаз және оның алдында екі қаз. Екі қаздың ортасында бір қаз және барлық қаз бір қатарда ұшып келеді. Барлығы неше қаз?

Жауап Үш қаз

Еліміздің рәміздерін және олардың авторларын ата (

Ұлы Отан соғысы қай жылдары болды? (1941-1945ж)


Сіздерге рахмет айта отырып мына өлең жолдарды арнаймыз:

Ұлы өмірге жетелеп,

Ашқан білім есігін.

Құрметтейміз мәпелеп

Ұстаздардың есімін.

Келешекке- алтын бақ,

Қосар таудай үлесін.

Жасай берсін жарқылдап

Ұстаз атты ұлы есім!


Жүргізуші:

5 сынып оқушылары атынан ұстаздарға арналған сәлемдемесін қабыл алыңыздар. (видео ролик көрсетіледі)


Келесі тамашалайтындарыңыз «Үнді биі». Алдарыңызда биші қыздарыңыз

Жүргізуші: Жүрегі кең, ұстаздар, данасың ғой!

Қамқор болған біздерге баласындай.

Сынып жетекшілері, ыстық ықыласымызды

Қабыл алыңыздар,

Аялаған біздерді баласындай.

Қымбатты Ұстаздар! Сіздерді төл мерекелеріңізбен құттықтай отырып, бүгінгі күннен естелік ретінде 5- класс оқушыларының дайындаған сыйлығын қабыл алыңыздар!

1.Өркен

Суретшілік мамандығы-мектебімнің басшысы,

Сауаттылық, іскерлікке талап қояд ол кісі.

Ұлан ағай өзіңіздей болса егер,

Шәкірттердің алға басар бар ісі!

2.Қуандық

Тәрбие мен білім егіз қашанда,

Мықты тірек керек әрбір ұжымға.

Шәкірттерің мектеп атын шығарар,

Салима апай ортамызда сіз барда.

3.Жарқынай

Өміріме қажетті орыс тілі,

Көп тіл білу-артық емес бұл күні.

Лариса апай әрқашан еңбектеніп,

Қиын тілдің үйретті қыр мен сырын.

4. Назерке

Қазақ тілдің қасиетін үйреткен,

Сөз сөйлетіп, жыр жаттатып, мәнермен.

Таншолпан, Айнаш ұстаздарым сіздерді,

Құттықтаймыз ұстаздар күніменен

5.Альмира

Математика-күрделі пән мектепте,

Ұстаздарым үйретеді еңбекпен.

Қоныс ағай, Айдана апай үнемі

«Рахмет» деп бас иеміз сіздерге!

6. Дамира

Ағылшын тілі-жаңа заман талабы,

Біздің Алтынгүл апайымыз сол саланың маманы.

Апайымыз сияқты

Жетік білу шет тілін

Әр баланың арманы.

7. Мөлдір

Жаратылыстың сырларын бізге жетік ұқтырған,

Химия мен биология қызықты пән.

Эльвира мен Жансұлу сізге рахмет айтамыз

Элементтер қасиетін жаттатқан

8. Жарқынай

Ізденімпаз мұғалім-Нұргүл апай,

Шәкіртері қалған емес жүлде алмай.

Ұстаздардың бәрі болса тек сіздей,

Жетістіктер біз алатын бар талай!

9. Жасұлан

Әскери ант, сап түзеуді жаттатқан.

Ерлан ағай әр кез тыным таппаған

Азаматқа жемісті еңбек тілейміз,

Бүгінгі кеш қонақтары атынан

10..Жасұлан

Бізбен бірге мұңайып, бізбен бірге қуанған,

География маманы

Бекжан ағай

Жаны жайсаң ізгі жан.

Біз тілейміз әрқашанда сіздерге

Алдыңыздан күліп атсын, аппақ таң!

11.Назерке

Білім басы басталар бастауыштан,

Әліппені оқытып, әріптерді танытқан.

Жазира апайды

Құрметтейміз бас иіп, біз әрқашан!

12.Мөлдір

Шынықтырып денені,

Сау болсын деп деніміз.

Арман ағай үнемі

Талап қоя біледі.

Жүгіру де, секіру,

Допты тепкен тепкен күндерді.

Бізбен бірге ағай да

Бала болып жүреді.

14.Қуандық

Интернеттен ақпаратты қарайды,

Сара апай өз пәнінің маманы

Еңбегіңіз жана берсін әрқашан,

Сусындатып біліміңмен талайды

12. Мөлдір

Оқушының сүйікті бір пәні бар

Сурет, еңбек, өзін-өзі тану бар

Сұлу, Гүлбарам, Самат ұстаздарҒа

Шәкірттердің сіздерге айтар әні бар

Келесі ән, «Ұстазым» Орындайтындар:

Дария судың ағыны,

Құрметтеген шәкірті.

Сыйымызға риза бол,

Мұғалімдер қауымы!

Осымен «Ұстаз - ұлы тұлға» атты ашық тәрбие сағатымыз аяқталды, уақыт бөліп келгендеріңізге көп-көп рахмет, сау - саламатта болыңыздар!




 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал