Қыз өссе елдің көркі (2 сынып)

Қыз өссе елдің көркі

(2 сынып)

Тәрбие сағатының мақсаты: Жас ұрпақты әдемілік сұлулығын көзбен көре, жанмен түсіне білуге, зерделі болуға үйрету. Қыз балалардың жас кезінен алатын тәлім-тәрбиесіне байланысты туған мәтелдердің мән-мағынасын ашу. Ұқыптылыққа, әдемілікке, сұлулыққа тәрбиелеу.

Әдісі: Қыздар арасында жарыс сабақ өткізу.

Көрнекілік: Үнтаспа, тұрмыстық заттарды жасауға қажетті материалдар.

Тәрбие сағаттың барысы

Сынып безендірілген. Түрлі-түсті шамдар, нақыл сөздер, сурет көрмелері музыка ырғағымен қонақтар, ата-аналар, оқушылар кіріп, орындарға отырғызылады. Екі жүргізуші тағайындалады.

1-жүргізуші:

Бүгін біздің аылда дүбірлі той

Ден қойып тыңдаңыздар, көңілді қой

Жырдан шашу шашылсын, күй күбірлеп

Қош келдіңіздер, халайық, сергісін бой

2-жүргізуші:

Қыз сыны, қыз өнері, қыз әдебі

Тал бойна жарасқан күлкі әдемі

Бір көргенде болмай-ақ сахнада

Өмірде сақталсыншы ұлт әдебі, - дей отырып қыздарды шақырайық.

Біртіндеп қыздарды таныстыра ортаға шақыру. Әділқазылармен таныстыру.

1-жүргізуші: Қымбатты ұстаздар, ата-аналар мен әділқазылар алқасы, сайысқа қатысушылар, оқушылар сіздерді сайыс бағдарламасымен таныстырұға рұқсат етіңіздер.

1-сайыс. Өзін-өзі таныстыру (қара сөзбен, өлеңмен, әнмен)

2-сайыс. Қолөнер сайысы. Үй тапсырмасын көрсетеді.

3-сайыс. Қыздардың ақылы, парасаттылығы.

4-сайыс. Қыздардың өз өнерлері

5-сайыс. Киім үлгісін, сән үлгісін көрсету.

6-сайыс. « Кішкене шаштараз». Шаш үлгісі

7-сайыс. Ұлттық тағамның рецепті.

1-жүргізуші:

Болады қыздың аты затына сай

Ниет етсең болуға өнерге бай

Артық емес үйрен де жирен деген

Бос қалып бұл өмірді жүрмеші жай

2-жүргізуші: «Қыз өссе - елдің көркі, гүл өссе - елдің көркі» дегендей, гүлдерімізді танысуға шақырамыз.

Қыздарымыз өздерін қара сөзбен, өлеңмен, әнмен таныстырады. Әділқазыларға сөз беріледі. (Қойған бағаларын жазып отыру).

2- жүргізуші:

Тұз емеспе, астың дәмін кіргізер

Қыз емеспе, үйдің сәнін кіргізер

Қыздың жиған жүгіндей демейміз бе?

Сұлулық пен нәзіктікті білгізер.

Қыздар шеберліктерін, үй тапсырмасын көрсетеді.

1-жүргізуші:

Қыз емес қыздың аты қызыл алтын,

Көрінер қызыл айдай жүзі жарқын

Үлкеннің алдын орап сөз сөйлемес

Халқының сақтай білген ізгі салтын

Ақыл-парасат сайысы. Онда қыздар қоржыннан асық алып, сол асық нөміріндегі сұраққа жауап береді. Әділ қазылар өз бағаларын көрсетеді.

2-жүргізуші:

Құдақтан кіріп, бойды алар

Жақсы ән мен тәтті күй

Көңілге түрлі ой салар

Әнді сүйсең, менше сүй

Қыздар кез-келген өнер түрін көрсетеді. Бағаланады.

1-жүргізуші:

Білектей арқасында өрген бұрым

Шолпысы сылдыр қағып жүрсе ақырын,

Кәмшат бөрік, ақ тамақ, қара қасты

Сұлу қыздың көріп пе едің мұндай түрін

2-жүргізуші: Қыздар өз киім үлгілерін көрсетсін

Әр қызға арнап , музыка қойылады.

Әділқазылар өз шешімдерін айтқанша «Арулар » әні орындалады.

1-жүргізуші:

Талдай бой берсін

Сұңғыла ой берсін

Таудай талап берсін

Басыңа өнердің бағы қонсын.

Шаш үлгісін көрсетеді. Бағаланады.

2-жүргізуші: Келесі сайыс «Ас адамның арқауы» деп аталады.

Ұлттық тағамның рецепті. Әділқазылар сайыс қортындысын шығарғанша, қыдар «Келіншек» биін орындайды. Әділқазылар алқасы қорытындысын хабарлаған соң қыздарға сыйлықтар тапсырылады.

«Қыз сыны» әні орындалады.

Ата-аналар арсынан Зауреш апай шығып, қыздарымызға бата берген соң, сайыс аяқталады.

Зауреш апай:

Талдай бой берсін Ағаға қуат болсын

Сұңғыла ой берсін Нәзік жаны болсын

Жаздай жамал берсін Елінің ары болсын

Қардай жанар берсін! Басына өнерден бағы қонсын

Анаға шуақ болсын Ақ орданың шамы болсын!