Ашық тәрбие сағаты

Сабақтың тақырыбы

Халықтар достығы

Жалпы мақсаты

Оқушылар Қазақстан Республикасы - көп ұлтты мемлекет екендігін, ондағы ұлттардың достығы, бірлігі, салт-дәстүрлері, мәдениеті туралы біліп үйренеді.

Оқу нәтижелері

Өз Отанын сүйе біледі, ел рәміздерін қадірлейді, өз елінің патриоты болуға, бейбітшілікті нығайтуға тәрбиеленеді, топта жұмыс жасай отырып, бірінің пікірін бірі тыңдай білуге үйренеді.

Әдістер

Топтық жұмыс, ой шақыру, ой толғау

Көрнекілігі

Интербелсенді тақта,видео,слайд, ватман, маркерлер

Сабақ кезеңдері

Мұғалімнің іс-әрекеті

Оқушының

іс-әрекеті

Ресурстар

Ұйымдастыру

Топқа бөлу

«Шаттық шеңбері». Жер шары макетін бір-біріне табыстау арқылы әлем халықтарына жақсы тілек айту.

Күн бейнесі, Ашық аспан және Шаңырақ бейнесінде топқа бөліну

Жақсы тілектер айтады.

Екі топқа бөлінеді

«Ой шақыру» әдісі

«Қазақстан» видеоролик көрсету.

• Бейнебаян не туралы?

• Балалар,қандай мемлекетте өмір сүріп жатырмыз?

• Қазақстан қандай мемлекет?

гүлденген

Қазақстантәуелсіз егеменді

дербес көп ұлтты

бейбіт экономикасы дамыған

Оқушылар өз ой-пікірлерін айтады

«Қазақстан» сөзін топтастырады:

1.Тәуелсіз мемлекет

2. Көп ұлтты мемлекет

3. Гүлденген, өркениетті мемлекет

Слайд

Бейнебаян

Қызығушылықты ояту

«Барлық ұлттың балаларының Отаны- Қазақстан», «Халықтар достығы»

Кіріспе

Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері басып келеді. Қазақстан мемлекеті көп ұлтты мемлекет.Жалпы 130-дан астам ұлт өкілдері тұрады.Атап айтсақ қазақтар, ұйғырлар, корейлер, дүнгендер, украиндар, өзбектер және өзге де ұлт өкілдері өмір сүреді.Олар бір-бірімен тату - тәтті тұрады.Соның арқасында еңбектерінің жемісін көруде.Біздің елімізде әрбір ұлт өкілдерінің өз тілінде, дінін, салт-дәстүрін, мәдениетін сақтауға жағдай жасалған.Сонымен қатар әрбір халық өз мәдениетін, салт-дәстүрлерін, ұлттық ертегісін, бесік жырын, аңыздарын ұрпақтан-ұрпаққа жеткізіп отырады.Әр ұлт өкілдері бір үйдің баласындай бірлігі мен ынтымағы, туыстығы мен достығы жарасқан бақытты да жарқын болашақта өмір сүруді мақсат етуде. Әлем таныған Отанымызда жүз отыз ұлт пен ұлыс өкілдері бір үйдің баласындай достық пен татулықта, жарасымды бірлікте қоян-қолтық өмір сүруде. Біз - ынтымағы жарасқан елміз.

Оқушылар Қазақстан туралы өз білетіндерін айтады

Топтық тапсырма орындау

Топтық тапсырма

1-топ: Қазақ халқының ұлттық салт-дәстүрі

2 - топ: Грузин халқының ұлттық салт-дәстүрі

3 - топ: Өзбек халқының ұлттық салт-дәстүрі

Әр халықтың ұлттық тағамы мен ұлттық өнері

1-топ:

Мен Отанды жақсы көремін...............

Отан- әр адамның жүрегіне жылы тиер қасиетті сөз.Адам жүрексіз өмір сүре алмайды.Отан- біздің туған жеріміз, өзіміздің туған- туысқанымыз, дос- жаранымыз бен тұратын еліміз

2-топ:

Менің Отаным, ұлан байтақ ................

Халқымызда туған жер - алтын бесік деген сөз бар. Баршамыздың ортақ Отанымыз тәуелсіз Қазақстан біздің бірлігіміздің алтын бесігі. Қашанда береке бастауы бірлік болған.

3-топ:

«Бірлік бар жерде - тірлік бар" дейді біздің халық. Дана жұрт мұны тегіннен-тегін айта салмаса керек. Қазақстан халқының бірлігі бүгінгі таңда бейбіт өмір мен ынтымақта тұрмыс кешіп отырған ел тұрғындары үшін ыстық ықылас пен достық ниеттің дәстүрі.

Оқушылар өз тобының тапсырмаларын қорғайды

Оқушылар топпен жұмыстанады.

Маркер,

ватман,

постер

Рефлексия

«Оқушы үні»

Күн бейнесі, Ашық аспан және Шаңырақ бейнесі әр топқа беріліп, өтілген шараға түйін жасау тапсырылды.

Ашық аспан аясында бейбітшілік пен тыныштық болсын!

Арайлы күн шуағындай жылылық пен мейірімділік болсын!

Бір шаңырақ астында бірлігіміз бен ынтымағымыз жарассын!

Оқушылармен кері байланыс жүргізу

«Бес саусақ» әдісі

Қорытынды

«Қазақстан» әні

Бірге ән айтады