Сочинение на тему 'Асқар тауым - әкем'

«Әкем - менің мақтанышым»

Нағыз әке ақылгөй де асқар жан,

Барлық ұрпақ әкелерден басталған.

Ал, әкелер, өздеріңе арналған

Жазылған бүгінгі шығармалар.

Отбасында әкенің орны бөлек. Әке - сол шаңырақтың бар ауыртпалығын көтеретін, асырап-бағуға да, жақсы тәлім-тәрбие беруге де міндетті адам. Әке - бала үшін асқар тау. Әке қамқорлығы дегеніміз - отбасы мүшелерін әртүрлі пәле-жаладан қорғап отыратын қасиетті ұғым. Сондықтан әкені сыйлау, оған үлкен құрметпен, ілтипатпен қарау баланың парызы болмақ.

Менің әкемнің аты - Алмабек Рзаханұлы. Ол өте ақылды, білімді, дана және мейірімді. Ол көздеген мақсатына өз күшімен жеткен адам. Бүгінде өзінің жеке кәсібі, бақытты отбасы, қыздары бар. «Нар» атты автокөліктер сайманын сататын дүкені бар. Ол інілеріне - қамқор аға, қыздарына - мейірімді әке, жұбайына - адал жар, отбасының тірегі. Әкем әрқашан ой үстінде жүріп, ойы жаңа идеяларға толығып отырады. Ол тарихи фильмдер мен комедиялық фильмдерді ұнатады. Әкем кітапты да көп оқитын адам. Ол көбіне тарихи шығармаларды және өмірден алынған оқиғаларға негізделген шығармаларды оқығанды жақсы көреді. Әкем жан- жақты адам, ол барлығына үлгереді. Сүйіп оқитын шығармаларымен, фильмдерімен, жеке кәсібімен қатар сүйікті ісі де бар. Оның сүйікті ісі - балық аулау. Өз сүйікті ісіне асқан шыдамдылықпен, мейіріммен мені де үйретті. Қазір мен де балық аулай аламын.

Шаршаса да сыр бермеген әкешім,

Сен мен үшін еңбексүйгіш әкесің.

Өзің де үлгі, ісің де үлгі қызыңа,

Кім сүймейді болса өзіңдей әкесін.

Осындай әкемнің барына қуанамын, оны мақтан етіп, пір тұтамын. Мен де әкем сияқты жан - жақты болып, мақсаттарыма жетіп, керемет өмір иесі болғым келеді.

8 «Б» сынып оқушысы Надирбекова Айша

Мұғалімі: Джуматаева П.М.