Викторина ко дню республики Башкортостан

Республика көнөнә арналған викторина

Маҡсаттары: 1) балаларҙың тыуған ер тураһындағы белемдәрен арттырыу,

2) тыуған ергә һөйөү, патриотизм тәрбиәләү,

3) уҡыусыларҙа бер-береһенә ярҙам итеү, команда менән эшләй белеү кеүек сифаттар тәрбиәләү.

Йыһазландырыу: ПК, проектор, экран, презентация.

Уйын барышы:

-Хәйерле көн, уҡыусылар! (1 слайд)

Башҡортостан! Һин икмәкле тупраҡ,

Йәшел урман, болон, тау, дала.

Йәнһеҙгә-йән, йәмһеҙгә йәм биргән

Һин ут һәм һыу, һауа һәм дауа.

Бар булғаның һинең үҙеңдеке-

Ер аҫтың һәм өҫтөң - хазина.

Китаптарың юҡта, китап итеп,

Тарих яҙғанһың һин ташыңа.

-Был юлдар Башҡортостандың халыҡ шағиры Назар Нәжмиҙең "Башҡортостан" шиғырынан өҙөк. Белеүегеҙсә, тиҙҙән 11 октябрь - Республика көнө билдәләнәсәк. Беҙ ҙә ошо көнгә арналған сараларға үҙ өлөшөбөҙҙө индереп, бөгөнгө викторина уйынына йыйылдыҡ.

( 2 слайд)

Шарттар ябай ғына: 3 команда - 8а,8б, 8в кластары - уйын һорауҙарына яуап бирәсәк. Уларҙың яуаптарын һәм мәрәйҙәрҙе (очколарҙы) баһалама ағзалары иҫәпләп барыр. Көйәрмәндәр ҡарап ҡына ултыралар. Уларға ла сират етер. Командаларға ярҙам итмәҫкә!

• Башлар алдынан йәрәбә һалайыҡ. (һауыт эсендә 3 йомарлам ҡағыҙ киҫәгендә номерҙар яҙылған: 1, 2, 3)

• Йәрәбә һалынды, командаларға һүҙ бирәбеҙ.Үҙегеҙ менән таныштырып, девизығыҙҙы әйтегеҙ.

Командаларҙың сығышы.

-1 турҙы башлайыҡ. (исемен атарға) (3 слайд асырға)

1 тур «Минең республикам» (4 - 9 слайдтар)

- 6 һорау һәм һәр һорауға 1 мәрәй

Һорау уҡыла һәм командалар үҙ-ара кәңәшләшә.

• Яуап әҙерме, әгәр яуап бирә алмайһығыҙ икән , һорау икенсе командаға күсә.

2 тур «Башҡортостан тәбиғәте» (10 - 24 слайдтар)

• Был турҙа ла 6 һорау һәм 1-әр мәрәй.

Һорау уҡыла һәм командалар үҙ-ара кәңәшләшә.

• Яуап әҙерме, әгәр яуап бирә алмайһығыҙ икән , һорау икенсе командаға күсә

• Ә хәҙер командалар саҡ ҡына ял итеп алғансы, тамашасылар менән уйнап алайыҡ. Ил, тыуған ер тураһында мәҡәлдәрҙе дауам итергә.

Иле барҙың -........................... (теле бар)

Көсөк тә ........................................(үҙ ояһында көслө)

Алтын-көмөш сыҡҡан ерҙән..........................................(тыуған-үҫкән ил яҡшы)

Үҙ ерем -.............................................................(алтын бишек)

Сит илдә солтан булғансы, ................................(үҙ ереңдә олтан бул)

• Командалар менән уйынды дауам итәбеҙ.

3 тур «Ҡалалар» (25 - 37 слайды)

• Был турҙа ла 6 һорау һәм 2-әр мәрәй.

Һорау уҡыла һәм командалар үҙ-ара кәңәшләшә.

• Яуап әҙерме, (әгәр яуап бирә алмайһығыҙ икән , һорау икенсе командаға күсә)

4 тур «Билдәле кешеләр». (38 - 44 слайдтар)

• Был турҙа һорауҙар Башҡортостанда ғына түгел, Рәсәй кимәлендә билдәле кешеләр тураһында ла буласаҡ. Был турҙа ла 6 һорау һәм 2-әр мәрәй.

• Һорау уҡыла һәм командалар үҙ-ара кәңәшләшә.

• Яуап әҙерме, (әгәр яуап бирә алмайһығыҙ икән , һорау икенсе командаға күсә)

Блиц-турнир (45 слайд )

• Викторина һорауҙары тамам, жюри балдарҙы иҫәпләгәнсе, тамашасыларға бер-нисә йомаҡ. ( 5 йомаҡ уҡырға)

• Жюри һүҙ ала, еңеүселәр бүләкләнә.

• Еңеүселәрҙе ҡотлайбыҙ!!!

Был сараны ошондай шиғыр юлдары менән тамамлағы килә:

• Ниндәй ер һин! Ер алтының түгел,

Күңел алтындарың - мең алтын.

Йырлап тора телең. Йөрәгеңдә

Ерҙәр тетрәтерлек дәрт, ялҡын.

• Йөрәгегеҙ һәр саҡ ялҡынлы , дәртле, телдәрегеҙ татлы булһын. Тыуған республикабыҙ менән ғорурланайыҡ, уны яратайыҡ һәм һаҡлайыҡ! Рәхмәт барығыҙға ла!