'Дін және мен'

«Дін және мен»(дөңгелек үстел)

Мақсаты:

Білімділік: Оқушыларға қазіргі кездегі салт - дәстүрдің ара қатынасы, ондағы шешімін табуға тиісті мәселелер, сондай - ақ қазақ қоғамын жайлап бара жатқан түрлі теріс діни ағымдар, олармен күресу, сақтану жолдары турасында пікірлесу.
Дамытушылық: Діни наным - сенім мен олардың пайда, зияны турасында өмірден нақты мысалдар келтіре отырып түсіндіру.
Тәрбиелік: Отансүйгіштікке, ізгілікке, мейірімділікке баули отырып, имандылық тәрбие беру.
Көрнекілік: тақырып бойынша презентациялық материалдар, интерактивті тақта,суреттер

Өткізілетін түрі: дөңгелек үстел.

Өткізілу барысы:І. Ұйымдастыру кезеңі

Құрметті оқушылар,ұстаздар!18 қазан Рухани келісім күні. 1992-ші жылы қазанда Қазақстанның сол кездегі астанасы Алматы қаласында Бүкіләлемдік Рухани келісім конгресінің 1-ші сессиясы өтті. Конгреске қатысушылар қазанның 18-ін рухани келісім күні - қақтығыстар мен жанжалдарға шектеу қою, татулыққа талпыну, жақын адамдарға қайырымдылық пен жәрдем жасау күні деп жариялауға шақырған манифест қабылдады. 1992-ші жылдан бастап бұл күн Қазақстанда ұлттық мейрам ретінде атап өтіледі.
Бүгінгі біздің дөңгелек үстеліміздің тақырыбы: «Дін және мен»

Жоспары:

1.Кіріспе

2. "Адасқандар" бейнефильмі

3.Бейне фильмге байланысты пікірталас ұйымдастыру

4."Абайлаңыз!"(Діни экстремизм)

"Не істер едің" (Жағдаяттардың шешімін табу )

5."Дін және мен " (Шағын дөңгелек үстел)

6 Қорытынды

"Оян,қазақ!"өлеңі ақын бала Жамбыл Дүйсенов

1.Кіріспе

Мұғалімнің сөзі.

Елбасымыз Н.Назарбаев 2012 ж 14 желтоқсан жолдауында айтып өткендей: «Біз мұсылманбыз, оның ішінде Әбу Ханифа мәзһабын ұстанатын сүнниттерміз. Бабаларымыз ұстанған бұл жол ұлттық салт-дәстүрді, ата-ананы сыйлауға негізделген. Ендеше, бүгінгі ұрпақ та әлемдегі ең ізгі дін - Ислам дінін қадірлей отырып, ата дәстүрін ардақтағаны абзал».

Дінсіз қоғам болмайды.

Біздің арғы тегіміз түркі, яғни Исламды қабылдауымыз да түркілік, қазақы дүниетанымымызға қатысты болды. Өзімізге тән әдетіміз, ғұрпымыз, салт-санамыз бар, ол Исламмен табиғи тұтасып кеткен.

Ислам - иләһи соңғы әрі әлемдік дін Жер шарын мекендеген алты миллиардқа жуық адамзаттың 1,5 миллиарды мұсылмандар. Қазақ халқы да Ханафи мәзһабын ұстанушы халық. Ислам діні Қазақстанға осыдан 1250 жыл бұрын келген. Өкінішке орай 70 жылдық Кеңестік үкімет тұсында дінге тыйым салынып, Құдай жоқ деп, дініміздің барлық құндылықтарын тұншықтыруға тырысты. Осы 70 жылдық мерзімде дінімізді түсіндіре алатын санаулы ғана жандар болды. 1991 жылдан бастап дінге еркіндік беріліп, Ислам қанат жайып келеді.

Қазіргі таңда елімізде жаңбырдан кейінгі саңырауқұлақтай қаптап кеткен теріс діни ағымдар халқымызға солақай әсерін тигізіп отыр. Жасыратыны жоқ еліміз егемендік алған жылдары белең алған әр түрлі ағымдар,шығыс халықтарының нақыл сөзіндегі терезені ашсаң таза ауамен үйге шаң кіретіні сияқты,пайдалы жағы да,пайдасыз тұстары болды -деді.Пайдалысы тәуелсіздігімізді ала сала көпке құшағымызды кең жайғанымыздың арқасында,елімізге ата мекенін аңсаған талай қандастарымыздың елге оралуына жол ашылды.Осы ұрымтал тұсты пайдаланып,керағар топтармен, керітартпа ағымдар да қасиетті жерімізге келіп табан тіреді.

Осы орайда аталған мәселенің тереңірек тану үшін «Адасқандар» атты бейнефильмнен үзінді қарап көрейік.

2. "Адасқандар" бейнефильмі

3.Бейне фильмге байланысты пікірталас ұйымдастыру

4."Абайлаңыз!"(Діни экстремизм)

"Не істер едің" (Жағдаяттардың шешімін табу )

1-жағдаят

Қалаға барып,оқуға түстің. Сабақтан қайтып келе жатқаныңда алдыңнан өзің қатарлы жігіттер немесе қыздар шығып сенің дінге деген көзқарасыңды білмек болып сұрақтар жаудырды.

Осы жағдайдағы сенің іс-әректің қандай?

Олармен пікір бөлісесің бе немесе үндемей кете бересің бе?Шешіміңді дәлелде?

2-жағдаят

Бір күні сені жан досың бір жерге ертіп баратындығын айтты.Онда барғаныңда үлкен жиынның үстінен түстің.Сені бейтаныс адамдар сөздерімен өздеріне қосылуға үгіттей бастады.Досың да солар жағында.тіпті саған сыйлықтар ұсынғандары да болды.

Осы жағдайда сен не істер едің,қандайда бір шұғыл шешім қабылдайсың ба?Өз шешіміңмен бөліс.

3-жағдаят

Сыныпқа жаңадан оқушы келді.Онымен жақын әңгімелесе бастағаннан кейін саған бейтаныс діни ағымдар туралы қызықты оқиғалар айтып, сол ортамен байланыс орнатуға үгіттеді. Тіпті сені мол қаржы табудың көзі ретінде сонда жұмысқа шақырды.

Бұл жағдайдағы сенің іс-әрекетің қандай?

5.Осыған байланысты "Дін және мен" дөңгелек үстелмен жалғастырайық..

1 Иманды адам деп кімді айтамыз?

2Сіздердің ойларыңыз бойынша имансыз адам деп қандай адамды айтады?

3 Ислам деген не?

4 Исламның бірінші қасиетті кітабы қалай аталады?

5 Өзге діннің жетегіне кетіп қаламау үшін нені білуіміз керек?

6 Ата-ананы құрметтеу ,ұстазға бағыну,үлкенді сыйлау,кішіге ізет көрсетуге байланысты сіздің айтарыңыз

Бүгінгі дөңгелек үстелдің түйіні келешек қоғамның алтын тірегін сақтап қалу керек болса, ибалы адам, иманды сол тіршіліктің алтын тірегіне айналсын демекпін. Осындай тілекпен бүгінгі қоғамымызды дөп басар кезінде ұлт зиялысы, ел жанашыры Міржақып Дулатұлының «Оян, қазақ!» атты өлеңінің мына бір жолдарымен қорытындылағым келеді.

Оян, қазақ!
Оян, қазақ! Өз дініңді ұмытпа,
Дініңді сен ардақтағын, құнтта!
Көз алдыңда тура жолың тұрғанда,
Қателесіп жаман жолмен былықпа!

ШҚО,Үржар ауданы,Үржар ауылы

«Крупская атындағы орта мектеп-балабақша»КММ-сі
дінтану пәнінің мұғалімі Саябаева Гульгайша Жакенқызы