Урок гісторыі Пачатак Вялікіх геаграфічных адкрыццяў+ Прэзентацыя

Урок гісторыі ў 7 класе

Пачатак Вялікіх

геаграфічных адкрыццяў

Падрыхтаваў настаўнік гісторыі Буйнавіцкай сярэдняй школы

Аляксандр Міхайлавіч Буцько

Тэма ўрока: "Пачатак Вялікіх геаграфічных адкрыццяў"

Тып урока: камбінаваны

Мэты ўрока:

- высветліць прычыны Вялікіх геаграфічных адкрыццяў, даць ім агульную характарыстыку;

- азнаеміць вучняў з мараплаўцамі-першаадкрывальнікамі;

- выявіць наступствы і значэнне Вялікіх геаграфічных адкрыццяў;

- развіваць у вучняў уменне ўстанаўліваць прычыны, следства і значэнне гістарычных падзей і з'яў, уменне канкрэтызаваць падзеі;

Абсталяванне ўрока: мультымедыйны праектар і экран, атлас "Сусветная гісторыя Новага часу 7 клас".

Ход урока

1.Арганізацыйны момант

Добры дзень, дзеці! Я вітаю ўсіх і рады бачыць вас бадзёрымі, вясёлымі і здаровымі.

Нам спатрэбяцца для работы падручнікі па гісторыі, а так сама атласы. Хацелася б каб на ўроку вы былі уважлівымі і актыўнымі.

Сёння на ўроку я прапаную вам адправіцца ў падарожжа. Ці згодны вы?

Слайд №1,2

Паведамленне тэмы і задач урока

- Перад тым, як пачнем працаваць па новай тэме, давайце, калi ласка, праверым, як вы засвоілі пройдзены матэрыял і выканалі дамашняе заданне.

2.Праверка дамашняга задання

Вучні атрымліваюць "Рабочыя лісты", на якіх размешчаны заданні ("па пройдзеным матэрыяле" і па новай тэме). Самастойна выконваюць заданні па пройдзеным матэрыяле (5-6 хв.), адразу ж пасля гэтага правяраюць свае адказы

Слайд № 3,4,5

2

Рабочы ліст вучня(вучаніцы) 7 класа ______________________________________________

па тэме: "Пачатак Вялікіх геаграфічных адкрыццяў"

Заданні па пройдзеным матэрыяле

Падзеі. Назавіце краіны да якіх адносяцца падзеі

1. Аблога Арлеана ______________________

2. Выпуск першай друкаванай кнігі__________________

3. Скліканне генеральных штатаў __________________

4. Прыняцце "Залатой булы"______________________

5. Барацьба Людовіка ХІ і Карла Смелага______________

6. Вайна Пунсовай і Белай ружы_____________________

Даты. З якімі падзеямі звязаны даты?

1.1337-1453гг.-_________________________________________________

2. 1309-1377гг.-_____________________________________________________

3. 1479г.-______________________________________________________

4. 1445г.-__________________________________________________________

Асобы. Суаднясіце (злучыце стрэлкамі)

Ф.Брунелескі вынаходнік кнігадрукавання

І.Гутэнберг архітэктар

С.Батычэлі скульптар

Данатэла мастак

Франтальны апрос "Значэнне кнігадрукавання"

Слайд №6

Рукапісныя кнігі Друкаваныя кнігі

1.Высокі кошт аднаго экземпляра, 1. ???

выраб адзінкавых экземпляраў

2. Выраб кніг цягнуўся месяцамі 2.???

3. Асноўныя цэнтры вырабу кніг- 3.???

Вялікія геаграфічныя адкрыцці

Прынц Энрыкі гэта ________________________________________________

Праславіўся тым,што ________________________________________________________________

__________________________________________________________________________________

Хрыстафор Калумб гэта______________________________________________________________

Праславіўся тым, што ў ________ годзе _________________________________________________

Барталамеу Дыяш у _________ годзе __________________________________________________

Васка да Гама стаў вядомы таму, што ў __________годзе __________________________________

__________________________________________________________________________________

3. Вывучэнне новага матэрыяла

Слова настаўніка

Слайд №6

План вывучэння новага матэрыяла

1. Прычыны Вялікіх геаграфічных адкрыццяў

2. Першыя мараплаўцы

3. Што адкрыў Хрыстафор Калумб?

4. Пошукі марскіх шляхоў у Індыю

З сярэдзіны 15 да сярэдзіны 17 ст. еўрапейцы адкрылі шмат невядомых ім да гэтага зямель. Гэтыя адкрыцці называюць Вялікімі геаграфічнымі адкрыццямі. Яны дабраліся да поўдня Афрыкі, а абагнуўшы яе, даплылі да Індыі. Былі адкрыты Амерыка, а затым Аўстралія. Першыя кругасветныя падарожжы дазволілі канчаткова даказаць, што Зямля мае форму шара.

Якія ж прычыны пабудзілі еўрапейцаў адправіцца ў далёкія плаванні?

Прычын было некалькі. Давайце паспрабуем разабрацца.

Слайд №7

Мы ўжо ведаем, што ў Познім сярэдневякоўі ў Еўропе бурна развіваліся гарады, узнікалі мануфактуры, а значыць і тавараў выраблялася больш, развіваўся гандаль. Канешне уладальнікі мануфактур, купцы былі зацікаўлены ў тым каб прадаць як мага больш сваіх тавараў, таму ім патрэбны былі новыя рынкі збыту і яны пачнуць іх шукаць у далёкіх краінах.

Па-другое, багатыя еўрапейцы- купцы, банкіры самі хацелі купляць раскошныя тавары з Усходу, бо такіх не рабілі ў Еўропе. Напрыклад тканіны такія як шоўк, вострыя прыправы.

Па-трэцяе, яны хацелі разбагацець на захопах новых зямель. Хадзілі чуткі, што на Усходзе ёсць краіны багатыя золатам і іншымі каштоўнасцямі.

Акрамя таго, традыцыйна гандаль з Усходам вёўся праз парты Міжземнага мора. Заваевы турак-асманаў, якія захапілі ўвесь блізкі Усход і Паўночную Афрыку, адсеклі Еўропу ад традыцыйных рынкаў.

Усё гэта прывяло да пошуку новых гандлевых шляхоў на Ўсход.

Даследаваліся два шляхі: вакол Афрыкі, які пракладвалі партугальцы, і заходні, дзе галоўную ролю іграла Іспанія.

Работа ў сшытках. Вучні коратка выпісваюць прычыны ВГА

Пачаліся рызыкоўныя падарожжы. Але яны былі немагчымы без дасягненняў у навуцы і тэхніцы, без новых ведаў у геаграфіі, астраноміі і марской справе.

Усё больш вучоных к гэтаму часу скланяліся да думкі, што Зямля мае форму шара, а значыць калі плысці з Еўропы ўвесь час на Захад, то можна папасці на Усход у Кітай і Індыю.

Азнаямленне з гістарычнай даведкай у падручніку с.62 Вучань чытае ўголас

Слайд №8

3

Каб ажыццявіць такое доўгае плаванне патрэбны былі прыборы для арыенціроўкі караблёў. І такія прыборы з'явіліся. Компас і астралябія, якая дазваляла арыенціравацца па зорках на небе.

Слайд №9

Для далёкіх падарожжаў патрэбны былі і новыя караблі. Лепшымі з іх сталі каравела і галіон

Слайд №10,11

Слова "піянер" азначае "першапраходец". Дык вось піянерамі сярод еўрапейскіх краін якія распачалі пошукі марскіх шляхоў былі Партугалія і Іспанія.

Работа з атласам. Адкрываем карту на с.2-3 і знаходзім Партугалію і Іспанію

Яны мелі зручнае геаграфічнае становішча. Партугалія знаходзілася на краі Еўропы, заходнія межы якой амываліся Атлантычным акіянам. Краіна мела зручныя парты, куды заходзіла шмат судоў з розных дзяржаў. З даўніх часоў партугальцы плавалі ўздоўж паўночнага ўзбярэжжа Афрыкі, яны былі самымі вопытнымі маракамі ў Еўропе.

Арганізатарам першых партугальскіх экспедыцый стаў прынц Энрыкі

Слайд №12 Паведамленне вучня "Энрыкі-мараплавец"

Падчас выступлення вучня астатнія, апіраючыся на матэрыял паведамлення, запаўняюць абаротную старану рабочага ліста.

Слова настаўніка

Прасоўванне партугальцаў уздоўж афрыканскага узбярэжжа на поўдзень, прымусіла іспанцаў шукаць іншага шляху ў Індыю. Іспанія не хацела развязваць вайну з суседняй Партугаліяй. Кароль Фердынанд і каралева Ізабела прынялі прапанову італьянскага мараплаўца Хрыстафора Калумба адправіць караблі у Індыю праз Атлантычны акіян на захад.

Слайд №13 Паведамленне вучня "Х.Калумб"

Вучні прадаўжаюць працаваць на рабочым лісце

Слайд №14 Работа з атласам. Карта на с.2-3 і знаходзім шляхі Калумба да Амерыкі

Азнаямленне з гістарычнай даведкай "Калумб ажыццявіў яшчэ тры экспедыцыі ў Амерыку" у падручніку с.64 Вучань чытае ўголас

Слова настаўніка Работа ў рабочых лістах

Слайд №15

Ужо пасля смерці прынца Энрыкі партугальцы здолелі дабрацца па моры да Індыі. У 1488 годзе мараплавец Барталамеу Дыяш адкрыў паўднёвы край афрыканскага мацерыка- мыс, названы ім мысам Добрай Надзеі. Слайд №16

Работа з атласам. Карту на с.2-3 знаходзім шлях Дыяша

Адкрыцці Калумба прымусілі партугальцаў спяшацца.

Летам 1497года з Лісабона выйшла ў мора флатылія з 5 караблёў пад кіраўніцтвам Васка да Гамы.

Паведамленне вучня "Васка да Гама"

Слайд №17, 18 Работа з атласам. Карта на с.2-3 знаходзім шлях Васка да Гамы

Слайд №19, 20 4

Слова настаўніка

Геаграфічныя адкрыцці зробленыя еўрапейцамі мелі мноства наступстваў.

Гэта:

Слайд №21

• 1. . Атрыманы новыя дадзеныя аб Зямлі - яна па форме шар

• 2 Новыя ўяўленні аб землях, кантынентах, народах

• 3. . Атрымалі развіцце навукі: геаграфія, астраномія, гісторыя

• 4. Складваецца адзіны сусветны рынак

• 5. Галоўныя марскія шляхі зрушыліся з мораў у акіяны

• 6. З'явіліся новыя парты: Лісабон, Лондан, Амстэрдам

• 7. Новыя прадукты харчавання

А значыць можна смела сказаць, што гэта былі Вялікія геаграфічныя адкрыцці.

Работа ў сшытках. Вучні коратка выпісваюць наступствы ВГА

4.Замацаванне новага матэрыяла

Слайд №22

Назавіце падзею

1488 год Адкраццё мыса Добрай Надзеі

1492 год Адкрыццё Калумбам Амерыкі

1498 год Васка да Гама адкрыў марскі шлях у Індыю

Слайд № 23,24

Суаднясіце правільна

• Каравела - Прыбор для арыенціравання

• Астралябія - Першапраходец

• Піянер - Марское судна

5.Падвядзенне вынікаў

Вучні здаюць рабочыя лісты (адзнакі будуць аб'яўлены на наступным уроку, пасля праверкі настаўнікам)

6.Дамашняе заданне § 12, с.60-66 саставіць тэст па матэрыялу параграфа

7.Рэфлексія

Прадоўжыце сказ "Сення на ўроку я даведаўся, што …"

5