Хеопс пирамидасы

ХЕОПС ПИРАМИДАСЫ - дүние жүзіндегі аса ірі пирамидалардың бірі. Бұл пирамиданы перғауын Хеопс (Хуфу) көзі тірісінде өзіне арнап б.з.б. 3-мыңжылдықтың 1-жартысында Гиза қаласы маңындағы Ливия шөлінде салғызған. Кезінде ежелгі мысырлықтар осынау алып кесене-пирамиданы "Хуфу көкжиегі" деп атаған. Хеопс пирамидасының табаны төрт бұрышты болып басталады да, жоғары қарай басқыш тәрізді көтеріліп, көп сатылы құрылыс түрінде тұрғызылған. Ұшар басы сүйірленіп бітетін Хеопс пирамидасының архитектуралық құрылысына сәулетші Хемиун басшылық жасаған. Әйгілі Хеопс пирамидасы құрылысында 120 мың адам 30 жыл бойы жұмыс істеген. Пирамиданың биіктігі 137 м (алғашқы биіктігі 146,6 м болған), әрбір қабырғасының ұзындығы 230,38 метр, ал оның алып жатқан алаңы 55 мың м2. Алып құрылысқа пайдаланған тас "асуаннан" (арабша "әс-суан", яғни "қатты тас" деген ұғымды білдіреді) 2,5 т текше тас түрінде дайындалған. Хеопя пирамидасына осындай текше тастың 2 млн. 2300-і жұмсалған.

Хеопс пирамидасы

Хеопс пирамидасы

Мысырлық атауы

Achet-Chufu
3ḫt ḫwfw
«Горизонт Хуфу»

Ақпарат

Орналасқан жері

Тапсырыс беруші

Хеопс (Χέωψ немесе Σοῦφις)

Тұрғызылған кезі

(б.з.д. ~2560-дан ~2540 дейін)

Типі

Пирамида

Табанының өлшемі

230 м

Биіктігі (алғашқы)

146,60 м

Биіктігі (қазір)

138,75 м

Көлбеу

51° 50'

Діни пирамида

Патшайымдар пирамидалары

3