Вне классное мероприятие по казахскому языку 'Ұлттық ойындар'

«Шығыс Қазақстан облысы Семей қаласының білім бөлімі» мемлекеттік мекемесінің

«№12 жалпы орта білім беретін мектеп» коммуналдық мемлекеттік мекемесі

Сайыстың тақырыбы: « Ұлттық ойындар.»

Мақсаттары: Оқушыларды ұлттық ойындармен таныстыру.

Бойындарына сіңіріп, оны жалғастырушы болып өсуге,

Бірлікке,достыққа тәрбиелеу.

Ұлттық ойындарды жан-жақты дамыту.

Өтетін орны: Спортзал.

Көрнекілігі : плакатқа жазылған нақыл сөздер,кеуде белгілері.

Керекті құралдар: орамал,арқан.

Музыкалық сүйемел: Күй «Саржайлау».Құрманғазының»Серпер»күйі ойнап тұрады.

Сайысқа қатысушыларды қарсалу.(Әуен ойнатылады.)

Сайыстың барысы:

I. Ұйымдастыру.

II.Жүргізушінің кіріспе сөзі: Құрметті балалар,ұстаздар!

Бүгін біз «Ұлттық ойындар» атты сайысты тамашалауға

және сайысуға келіп отырмыз.Бұл сайыстың ерекшелігі ұлдар ғана емес қыз балалар да қатысады.

Сайысушыларға спорттық көңіл күй мен шаттық тілейміз.

Шашу шашылады.------- Камбарова Ж.Х.

Жүргізуші: Ал, енді сайысымызды бастайық.

1-кезең---«Сәлемдесу» (әр топ өздерінің аттарын,кеуде белгісін атап сәлемдеседі).

2-кезең «Презентация көрсету»

3-кезең «Тартыс».Тұлпар командасы ойынды түсіндіреді

Ойын жасыл алаңда, спортзалда (маттарда немесе кілемде) өткізіледі. 4-тен бастап 30-ға дейін жететін ұлдар, жасөспірімдер мен бозбалалар ойнайды. Ойнаушылар тең күштері бойынша екі құрамаға бөлініп, жұптасып тұрады. Әрбір құраманың бірінші жұптарында "жоғарғысы" өз серіктесінің арқасына отырады. Сигнал бойынша жұптар бір-біріне жақындайды және "жоғарғылар" бір-бірін құлата бастайды. Ойнаушылардың біреуі денесінің әрбір бөлігімен жерге тигізсе, онда бұл жұпқа ұтылыс саналады. Бірінші жұптардан кейін екінші жұптар және т.б. күреседі.

Ең көп жеңіске жеткен құрама жеңімпаз аталады. Сосың ойнаушылар рөлдерімен ауыса алады.

Ережелер: 1) қарсыласты киімінен тартуға рұқсат етілмейді

2) егер екі минуттың ішінде "жоғарғылар" бір-бірін құлатпаса, онда тең ойын саналады және кілемге келесі жұптар шығады.

4-кезең Флешмоб, көрсету-8 «В»

5-кезең «Жаяу көкпар.Ойынның шартын Сұңқар командасы түсіндіреді

. Ойын өтетін жердің ұзындығы 50-60 метр, көлденеңі 25-30 метрден кем болмайды. Сол жазық алаңның бір шетіне шағын дөңгелек шеңбер сызылады да, ішіне құм түйілген ак, шүберек қойылады. Алаңның екінші шетінен де сондай сызық сызылып оны көмбе деп белгілейді. Ортадан сызық сызылады. Ойынға қатынасушылар екі топқа бөлінеді де сол ортадағы сызықта сан құрып тұрады. Ойынды жүргізу үшін екі топқа ортақ бір басқарушы тағайындалады. Орамал жатқан және көмбе етіп белгіленген жерде екі ойыншы бақылаушы болып тұрады. Басқарушының берген белгісі бойынша ойын басталады. Әр топтың ойыншысы құм түйілген шүберекке бұрын жетіп, оны көмбеге жеткізуге тырысады. Топтың қалған ойыншылары оған көмекке келеді. Ал қарсы топ, одан шүберекті алып, өздері апаруға тырысады. Қызу тартыс басталады. Ойынға қатысушылар айла-амал қолданып, алаңның ішінде бұлтарып қаша жүріп, өз тобының көмбеге бұрын әкелуін қарастырады. Бірақ белгіленген межелі жерден шығуға болмайды. Көмбеге белгіленген мерзімде жеткізген ойыншы ұпайды көбірек алады, Ойынға допты да пайдалануға болады.

Ойын жастардың дене күшін, жүгіру қабілетін жетілдіріп, денелерін шыңдап, денсаулықтарын жақсарта түседі.

6-кезең Флешмоб көрсету-8 «Б»

7-кезең Көген тартыс

Бұл ежелден келе жатқан көне ойындардың бірі. Ойынға ұзын арқан таңдап алынады. Ортасынан 1-1,5 метрдей ашық орын қалдырылып, арқан әрбір 40-50 см. сайын түйіледі. Ортадан екі топты бөліп тұратын көмбе сызығы сызылады. Әр ойыншы бір-бір түйіншектен ұстап, бір-біріне қарсы қарап тұрады. Ойын басқарушының белгісімен басталады.

Ж үргізуші: Біз ендігі сөзді қазылар алқасына береміз:

Жүргізуші: Міне бүгінгі «Ұлттық ойындар» атты сайысымыз аяқталды.

Сайысты қорытындай келіп,бұлай өткізілген сайыс түрлері

ұлтжандылыққа,жолдастыққа тәрбиелей отырып ұжымдық

бірлестікке баулиды деп сенеміз .

Сайысты ұйымдастырушылар: Рахимова Гульнар Советовна-қазақ тілі мен әдебиет мұғалімі, Ковтун Татьяна Николаевна-дене шынықтыру мұғалімі