Ашық сабақ Менің ойыншықтарым

Сабақтың тақырыбы: Менің ойыншықтарым.

Сабақтың мақсаты:

Білімділік:Өткен сөздерді қайталай отырып,

«Ойыншықтар» тақырыбына байланысты

алған білімдерін тереңдету,кеңейту.

Дамытушылық:Оқушыларды өз бетімен сөйлем құрауға,

сұрақтарға жауап беруге үйрету және

ауызекі сөйлеу тілін дамыту.

Тәрбиелік:Оқушылардың қазақ тіліне деген сүйіспеншілігін арттыру.

Сабақтың көрнекілігі:ойыншықтардың суреттері,сөздер жазылған

кеспе қағаздар және ойыншықтар.

Сабақта қолданылатын әдіс:сұрақ-жауап,ойын,әңгімелеу.

Сабақтың барысы: Ұйымдастыру.

Кезекшімен әңгімелесу.

1.Бүгін нешесі?

2.Аптаның қай күні?

3.Қазір қай жыл мезгілі?

4.Ауа-райы қандай?

Үй тапсырмасын тексеру.

1.Өткен сөздерді оқушылардан сұрау.Сол сөздермен мысалдар айтқызу.

Мысалы:Менде қуыршақ бар.

Менің мәшинем бар. 2.Қазақ тіліне тән дыбыстарды есте бекіту үшін оқушыларды екі топқа бөліп «Жоғалған әріп» ойының ойнаймыз.

1-топқа:к...тап,к...з,с...т,г...л,сыз...ғыш,с...біз.

2-топқа:т...рт,өш...ргіш,са...ат,ж..зім,алм...рт,қ...с.

III.Жаңа сабақ.

а) Сөздік жұмысы.Тақырыппен таныстырамын.

Жаңа сөздерді тақтаға жазып қоямын.

Секірді-прыгал

Ойнады-играл

Не керек?-что нужно

Асық-асык

а) хормен қайталау

ә)жеке-жеке айтқызу

б) дәптерлеріне жазғызу

в)сөз тіркестерін, сөйлемдер құрастыру

Мысалы:Мен секіртпемен секірдім.Ол қоянмен ойнады.

Содан соң Қандай? Неше? Деген сұрақтарды еске түсіріп,сурет бойынша жұмыс жүргіземін.

Қандай қоян?Қандай аю?Қандай шар?

Неше доп?Неше мәшине?Неше текше?

Екі оқушыны тақтаға шығарып,бір-біріне «Саған не керек?» деген сұрақ қойғызып,оған жауап береді.

ә)Сергіту сәті:Оң қолымды көтерем,

Сол қолымды көтерем.

Оңға қараймын,

Солға қараймын.

Оң қолымды түсірем,

Сол қолымды түсірем.

Аяқты топ-топ басамын,

Біраз сергіп аламын.

б) Оқулықпен жұмыс. 134бет.1-тапсырма.Мәтінді оқы,аудар.

135бет.4-тапсырма. Сөйлемдерді оқы,жаз.

5-тапсырма. Сөйлесуді оқы.

Сабақты бекіту: Рөлдік ойын. «Ойыншықтар дүкенінде»

Тақтаға екі оқушы шығады да, бірі сатушы,екіншісі сатып

алушы болып ойнайды.Үстел үстіне ойыншықтарды

орналастырамын.Оқушы дүкенге келеді.

Бала: - Сәлеметсіз бе!

Сатушы:-Сәлеметсіз бе!

Бала:-Сізде машина бар ма?

Сатушы:-Бар.

Бала:-Қанша тұрады?

Сатушы:-100 теңге.

Бала:-Бір мәшине беріңізші.

Сатушы:-Мінеки, алыңыз.

Бала:-Рақмет, сау болыңыз.

Сатушы:-Сау болыңыз!

Қорытынды:-Сонымен балалар,бүгін біз қандай тақырып өттік?

-«Менің ойыншықтарым»

-Қандай сөздермен таныстық?

Балалар жауап береді.

Бағалау.

Үйге тапсырма:Сөздерді жаттау.