Ғабит Мүсірепов. Жаңа достар.Ашық сабақ

Сабақ жоспары

Пәні: Қазақ әдебиеті

Күні:19.02.2015ж.

Сыныбы:5 «б»

Тақырыбы: Ғабит Мүсірепов.Жаңа достар

Міндеттері:

1.Білімділік: Әңгіменің тақырыптық мазмұнын меңгертіп,сатылай кешенді талдау жасату.

2. Дамытушылық: Оқушылардың ойлау қабілеттерін дамытып,сөздік қорларын молайту,шығармашылық қабілеттерін дамыту.

3. Тәрбиелік: Ақын шығармасы арқылы оқушыларды адамгершілікке,бауырмалдыққа,досқа адал болуға тәрбиелеу.

Сабақтың түрі: Дәстүрлі сабақ.

Сабақтың типі: Жаңа сабақ

Көрнекіліктер: сәйкестендіру топтамалар.

Сабақтың әдісі: түсіндіру, сұрақ-жауап.

Сабақтың барысы:

I. Ұйымдастыру кезеңі:

-Сәлеметсіңдер ме, балалар?

-Отырыңдар.

-Көңіл-күйлерің қалай?

-Жақсы, олай болса, кітап-дәптерлеріңді ашып, үй тапсырмасына дайындалыңдар.

-Бүгін сыныпта кім кезекші?

-Бүгін сыныпта кім жоқ?

IV. Мақсат қою кезеңі:

Жаңа достар әңгімесінің мазмұнын сұрау.Оқушыларға жаңа білімді өздігінен игерту арқылы шығарманың мазмұнын, тақырыбы мен идеясын ашу.

V. Жаңа білімді меңгерту кезеңі

Оқушыларға ақынның өмірінен мағлұмат беру

VI. Жаңа білімді меңгергенін тексеру кезеңі:

Сатылай кешенді талдау

1.Авторы: Ғабит Мүсірепов

2.Шығарманың аты: Жаңа достар

3.Тақырыбы: Үш дос

4.Жанр түрі:әңгіме

5. Идеясы: Үш достың бір-біріне деген бауырмалдығы,ададықтары мен кіршіксіз сенімі.

Сюжеті мен композициясы:

1.Басталуы: Каспий жағасындағы жалғыз Қайырғали

2.Байланысуы: Жаңа достардың танысуы

3.Дамуы: Бораш пен Қайроштың әңгімесі

4.Шиеленісуі: Достардың үңгірге келуі

5.Шарықтау шегі: Шегеннің өсиеті

6.Шешімі:Достық талап пен уәде

6.Негізгі кейіпкерлер:

Қайырғали-бойы орташа,бір аяғынан жарақаттанған басты кейіпкер

Шеген-ашаң,сұңғақ денелі,үстінде шолақ шалбардан басқа еш нәрсе жоқ,күнге күйіп,күрең тартқан денесінің бұлшық еттері иіріліп-иіріліп қояды.Сұлу,сұңғақ денелі,бұлшық еттері болаттай иірілетін,күнге күйген тобылғы торы екен.

Бораш-Ақшыл денелі,арық,бір аяғын ақсай басқан,аққұба ғана,қағылез,қыз мінезді бала екен.Көздері де жаңа туған бұзаудың көзіндей,бар дүниеге таңдана қарайтын сияқты.

7.Әдеби теориялық ұғымдар:

а)эпитет: қаракөк,

ә)теңеу:қорғасындай,

б)кейіптеу: ауыр күрсінгендей,жалқау есінегендей

8.Түсіндірме сөздік:

Өрлеу-жоғары көтерілу

Төтелеу -тура жүріп кету

Қорғасындай басқан тұман-қалың тұман

Сұңғақ денелі-ұзын бойлы

Иегі кемсеңдеу-жылай бастау

Қағылез-жылдам,тез

9.Әңгіменің негізгі түйіні,тәрбиелік мәні:Оқушыларды бір-біріне бауырмал,адал,шыншыл болуға тәрбиелеу.

VII. Білімді бекіту кезеңі

Қорытынды сұрақтар: (Мақалды жалғастыр)

1.Жолдасы көптің-................. (олжасы көп)

2.Досыңды мақтағаның-..................(өзіңді жақтағаның)

3. ....................,(Ағаш тамырымен)

Адам досымен мықты

4. Екі жақсы қосылса,өлгенінше дос болады,

Екі жаман қосылса,................(өлгенінше қас болады)

5.Өз басыңды дауға берсеңде,

...........................(жолдасыңды дауға берме)

VIII. Үйге тапсырма:

«Менің достарым» тақырыбына шағын эссе жазып келу

Бағалау.