Конспект урока по крымскотатарскому языку (с УУД) на тему 'Меним къорантам' ('Моя семья') в 3 классе.

Мевзу: Меним къорантам

Дерснинъ макъсады:

Регулятив УУД (регулятивные): талебе оджа ярдымынен дерстеки арекетлернинъ макъсадыны тайинлей; оджа ве талебенинъ бирликте чалышалар.

Мерифет УУД (познавательные): джумлелер тизюв, текстни девам этюв.

Коммуникатив УУД: озь фикирлерини агъзавий шекильде ифаде этмек; динълемеге ве башкъаларнынъ айткъанларыны анъламакъ; оджа ве талебелернен яхшы мунасебетте олмакъ.

Дерснинъ кетишаты:

1. Тешкилий дакъкъа.

   1. Невбетчининъ рапорты.

   2. Оджа: Балалар, шимди табиатта насыл денъишмелер олып кече?

Балалар: Авалар сувуй, къушлар учып кетелер, тереклер сап-сары олдылар, япракълар тюшелер.

Оджа: Кузь мевсими пек гузельдир.

2. Янъы мевзу:

1. 1. 1. Дерснинъ мевзу ве макъсадыны тайинлев.

Оджа: Балалар, ким сизге бугунь сабадан: «Саба хайырлы олсун!» - деп айтты? Ким сизге сабадан аш берди, мектепке озгъарды? Ким сизге гузель, незетли ашлар пишире?

Ана ве бабам,

Къартана, къартбабам,

Агъа ве татам,

Огълан къардашым

Ве къыз къардашым

- бу меним ….. (къорантам)

Бугунь дерснинъ мевзусы насыл оладжакъ? (къоранта ).

Балалар, сизлер ичюн энъ якъын адамлар ким ола?

Къоранта - бу сёзни насыл анълатмакъ мумкюн?

Балалар: Къоранта - бу энъ якъын, энъ муим адамлардыр. Бу ана, баба, къартбаба, бита, тата, агъа.

1. 1. 2. Раатлыкъ дакъкъасы.

Балалар шиирини айтып чешит арекетлер япалар.

Ишлемеге мен севем,

Анама ярдым этем:

Савут ювам, сипирем,

Болдурмайым бир дерем!

1. 3. Къоранта акъкъында икяе тизюв:

Меним адым_______________сойадым___________________.

Мен _____яшындам. Бизим къорантамызда _____адам бар: анам, бабам, къартанам(битам), къартбабам, агъам, татам, къыз къардашым, огълан къардашым ве мен. Анамнынъ ады_____________, бабамнынъ ады_____________. Биз __________________коюнде яшаймыз. Къорантамыз пек муаббет.

2. Вазифе: Къоранта сёзюнен джумлелер тизюв.

3. Вазифе: Аталар сёзлерининъ манасыны анълатув.

Эр бир инсан озь ана - бабасыны севмек, урьмет этмек керек.

Ана - бабанъны урьмет этсенъ, озюнъде урьмет къазанырсынъ.

Ана - бабанъа сёз къайтарма.

Оджа: Бу аталар сёзлерини дефтерге язынъыз.

3. Нетидже.

1. 1. Балалар, биз бугунь насыл мевзуда субетлештик?

   2. Къоранта сезюне ассоциатив чалы тизинъиз.

КЪОРАНТААНА УРЬМЕТЛИ

СЕВИМЛИ

4. Эвге вазифе:

Озь къорантанынъ ресимини этинъиз.