Сұраулы сөйлем 8 класс

Сабақтың тақырыбы: Сұраулы сөйлем

Сабақтың мақсаты:

Білімділігі: сөйлемнің айтылу мақсатына қарай хабарлы, сұраулы,лепті сөйлемдер болып бөлінетінін айтып,сұраулы сөйлем туралы алған білімдерін бекіту; Сұраулы сөйлем жасайтын сұраулық шылаулардың бөлек жазылатынын меңгерту:

Дамытушылық: шығармашылық қабілеттерін дамыту, жаңа технологияны пайдалана отырып,білім сапасын арттыру. Сөздер арқылы сөз байлығын, сөйлеу дағдыларын жетілдіру.

Тәрбиелік: оқушыларды білімділікке, ұйымшылдыққа, еңбекқорлыққа, бірін-бірі сыйлауға елін сүюге, Елбасын құрметтеуге тәрбиелеу.

Сабақтың типі: ашық сабақ

Сабақтың түрі: пысықтау сабағы

Қолданылатын әдістер: түсіндіру, миға шабуыл, анализ жасау, сұрақ-жауап, рефлексия.

Көрнекі құралдар: тақта,суреттер, үнтаспа, үлестірмелі парақшалар.

Сабақтың барысы:

І. Ұйымдастыру кезеңі.

Психологиялық дайындық.

-Балалар, алдымен барлығымыз орнымыздан тұрып амандасайық.

Жарқырап күн ашылды,

Айналаға нұр шашылды.

Қайырлы күн! Біз көңілді баламыз,

Қайырлы күн! Сәлемдесіп аламыз.

Мұғалімнің сұрағы: Оқушылар жауабы:

Әрбір адам? Досым, сыныптасым

Әрбір сабақ? Үйрену ,оқу,іздену

Әрбір ісің? Тірлік, тірек ,адамдық

Әрбір сөзің? Шындық, бірлік, адалдық.

- Ендеше балалар бүгінгі сабағымызға сәттілік тілейміз..

ІІ.Ой ашар.

Үй тарпсырмасы тексеріледі. 4-5 оқушыдан үйге берілген жаттығу сұралады.

- Миға шабуыл. Өткенді қайталау.

Ерте-ерте ертеде, бір-бірінен өткен ағайынды үш жалқау болыпты. Бар бітіретіндері бас көтермей ұйықтау екен. Бір күні оларға сонау алыстан сәлемдеме келеді. Сәлемдемені олар «Сен ал, сен ал» деп біріне-бірі сілтейді. Сендердің жалқауларға келген сәлемдемені алғыларың келе ме?

- Иә, алғымыз келеді.

- Ендеше бұл сәлемдемені алу үшін алдымен қазір мен оқитын сұрақтарға жауап берулерің қажет.

- Дайынсыңдар ма?

- Дайынбыз.

- Қазақстан Республикасының Конституциясы қай жылы қабылданды?

-Қазақстан Республикасы қандай мемлекет?

-Қазақстан Тәуелсіздікке қай жылы қол жеткізді?

-Қазақстан Республикасының Тәуелсіздігіне неше жыл толды?

ІІІ. Үй тапсырмасын бекіту.

"Мен бастаймын, сен жалғастыр" ойыны

1. Сөйлем аяқталған …………… (ойды білдіреді).

2. Сөйлем сөзден ………… (құралады).

3. Сөйлемдегі сөздер ……… (бөлек жазылады).

4. Сөйлемнің бірінші ……… (сөзі бас әріппен басталып жазылады).

5. Сөйлемнің соңына ………(нүкте қойылады).

6. Хабарлы сөйлемнен кейін ……… (нүкте қойылады).

7. Сұраулы сөйлемнен кейін ……… (сұрақ белгісі қойылады).

ІV. Жаңа оқу материалын пысықтау. (Оқулықпен жұмыс. Дәптермен жұмыс)

- Балалар біз өткен сабағымызда сұраулы сөйлеммен таныстық. Ал бүгін ,біздер сол алған білімімізді тиянақтау мақсатында жұмыс жасаймыз.

- Балалар алдымызда қандай мейрам келе жатыр?

- Тұңғыш президент күні, 16 желтоқсан.

- Міне,балар 16 желтоқсан тәуелсіздік күні екенін бәріміз білеміз.

- Бүгінгі сабағымызда сұраулы сөйлемге байланысты жаттығулар жүргіземіз.

- Ендеше сұраулы сөйлемге байланысты таза әдемі етіп жазамыз

Көркем жазу минуты.

Ереже. Сұраулы сөйлем жасайтын ма, ме, ба,бе, па,пе бөлек жазылады.

Мысалы: Олар қаладан келді ме? Тапсырманы жаздың ба?

Сұраулы сөйлемнің жасалу жолдары

Дауыс кідірісі сұраулық шылау сұрау есімдігі

ма,ме,ба,бе,па,пе кім? не? қайда? қашан?

1-жаттығу. Екі бағандағы сөйлемдерді салыстырып оқы. Сөйлемнің соңындағы тыныс белгілердің қойылуын түсіндір. Қарамен жазылған сөздердің жазылуына назар аудар.

2 -жаттығу. Сөйлемдерді оқу. Сөйлем соңындағы ма,ме,па,пе,ба,бе бірге жазылама,әлде бөлек жазылама? Жақшаны ашып, дұрысын жазу.Тиісті жерге сұрау белгісін қою.

1. Түскі тамаққа кешікпе.2. Орталақққа кеткендер келіп пе?

3. Айтқанды түсіндің бе? Қараңғыға қалма. 4.Күн суытты ма?.

5. Әрқашан қастарыңнан қалма. 6.Қосымша сабаққа қалды ма?

Үнтаспадан ертегі тыңдау.

Сергіту сәті.

-Екі көзің не үшін керек?

-Жақсыларды көру үшін.

-Екі құлақ не үшін керек?

- Ақыл-кеңес тыңдау үшін.

-Екі қолың не үшін керек?

-Елге көмек беру үшін.

- Екі аяғың не үшін керек?

- Шетте жүрсең, туған жерге жету үшін.

- Туған жеріміз қай ел?

- Қазақстан Республикасы.

- Қазақстан қандай ел?

- Байтақ,тәуелсіз,кең, егемен ел.



3-жаттығу. Хабарлы сөйлемді сұраулы сөйлемге айналдырып жазу.

Барлығы тоғыз сөйлем берілген. Үш қатарға үш сөйлемнен жазуға бөліп беремін.

1-қатар 2-қатар 3-қатар

Таң атты ма? Мектепке барды ма? Сабақ басталды ма?

Күн шықты ма? Қоңырау соғылды ма? Сабақ қызықты өтті ме?

Қанат ерте тұрды ма? Мұғалім сыныпқа кірді ме? Балалар үйлеріне көңілді қайтты ма?

5- жаттығу. Шығармашылық тапсырма

Екі баланың арасындағы сұрақ-жауапқа құрылған диалогті жазу.

VІ. Шығармашылық тапсырма.

^{1-тапсырма:} Адасқан сөздер

Слайдта көрсетілген адасқан сөздердің орнын табу.

Қазақстан, медальға, қай, олимпиадасында, 25 жылдығы, Тәуелсіздіктің, рәміздері, жылы, Лондон, жеткіздік? қол, Республикасының, қанша мемлекеттік, тойланды? қабылданды? жылы, қай.

2 -тапсырма: Сөйлемдерді оқу. Сөйлем соңындағы ма, ме, па, пе, ба, бе бірге жазыла ма, әлде бөлек жазыла ма? Жақшаны ашып, дұрысын жазу. Тиісті жерге сұрау белгісін қою.

1. Түскі тамаққа кешік /пе/

2. Орталыққа кеткендер келіп /пе/

3. Айтқанды түсіндің /бе/

4.Қараңғыға қал /ма/

5.Күн суытты /ма/

6. Әрқашан қастарынан қал /ма/

7.Оқушылар қосымша сабаққа қалды /ма/

3-тапсырма:

«Адасқан сөйлемдер» ойыны.

Ойыннның шарты: берілген сөйлемдерді айтылу мақсатына қарай өз үйшігіне орналастыру.

Құстардың түрі өте көп Ақсары бүркітке ұқсайма Жасасын бейбітшілік Бүгін мектепке барасың ба Тәуелсіздік - дәуір мен уақыттың бізге берген үлкен сыйы Мәңгілік ел болуға талпынған халқымыздың мәңгілік құндылығы Тәуелсіздік - тәңірдің біздің ұрпаққа берген үлкен бақыты, ата-бабалар аманаты.

Оқушыларға әр түрлі тапсырма беру. Сәйкестендіру тесті, сұраулы сөйлемге айналдыр,графикалық диктант, және тест жұмысын беру.

VІІ. Рефлексия-бағалау кезеңі.

VІІІ. Қорытындылау.

- Сабағымызды қорытындылау үшін қазір мен сендерге, суреттер таратып беремін. Соған қарап қандай баға алғандарыңызды білесіздер.

Бағалау. Үйге тапсырма.4- жаттығу. Ереже жаттау.