поурочный план по казахскому языку в 3 классе на тему 'Ас үйде'

Раисова Ж. Ж.

Қостанай қ.

№1 мектеп - лицейі

қазақ тілі пәнінің мұғалімі

3 сынып Қазақ тілі

Сабақтың тақырыбы: Ас үйде.

Сабақтың мақсаты:

Білімділік: Сабақтарды бір - бірімен ұштастыра отырып, жаңа сөздерді игерту.Сол сөздерді тілдік қатынаста қолдануды үйрену.

Дамытушылық: тіл дамыту, ойлау, сөйлеу қабілеттерін арттыру, сөздік қорын молайту.

Тәрбиелік: « Ас - адамның арқау» тақырыбына әңгіме жүргізу.

Сабақтың түрі: жаңа сабақ.

Сабақтың әдісі: түсіндіру, сұрақ - жауап, сөйлесу, көрнекілік, тіл дамыту. Интерактивті тақта.

Жабдықтау: мазмұнды суреттер, карточкалар, тірек сызба.

Сабақтың барысы.

І. Ұйымдастыру кезеңі: - Амандасу.

- Сыныпты түгендеу.

Сабақтың ұраны: «Кел, бала, сабақ баста.

Жаз, оқы, сөйле, тыңда!

Айт, зертте, сұра!

Шаршама да, дем алма!

Қазақ тілін үйренсең,

Көп ұтасың сен ертең!»

ІІ. Тіл дамыту. Сұрақ - жауап.

1. Қазір жылдың қай мезгілі?

2. Қыс айлары қандай?

3. Қазір қандай ай?

4. Бүгін нешесі?

5. Бүгін ауа райы қандай?

6. Ауаның температурасы қандай?

ІІІ. Үй жұмысын қайталау. (Интерактивті тақтаға назар аударту.)

Сұрақ - жауап арқылы үй жұмысын тексеру.

1. Сендердің үйлерінде қонақ бөлмесі бар ма?

2. Қонақ бөлме қандай болады?

3. Қонақ бөлмесінде нелер тұрады?

ІУ. Жаңа сабақты жариялау, мақсатымен таныстыру.

Қазіргі үйлер туралы әңгімелеу.

-Ал қазіргі кезде адамдар (біз) қандай үйлерде тұрамыз?

-Үйлер неше бөлмелі болады?

-Біз бөлмелерді қалай атаймыз?


Интерактивтік тақтаға назар аударту. (суреттер )

1. Қонақ бөлмесі 2. Жатын бөлмесі

4. Балалар бөлмесі

4.Ас бөлмесі

Жаңа сөздермен танысу.

Ас үй - кухня

Тоңазытқыш - холодильник

Ыдыс - посуда

Жудым - помыл

Қасық - ложка

Шанышқы - вилка

Сүрттім - вытер

а/ Мұғалім сөздердің мағыналарын түсіндіреді.

ә/ Мұғалім оқиды, оқушылар қайталайды.

б/ Мұғалім оқиды, оқушылар тізбекпен қайталайды.

в/ Оқушылар сөз тіркестерді құрайды.

1.Тірек сызбамен жұмыс. Ас бөлмесі қандай болады? Интерактивтік тақтаға назар аударту.

2. Мәтінмен жұмыс. Мәтінді түсініп оқу, аудару.

Мынау - біздің ас үй. Ас үй кішкентай. Біз ас үйде тамақ

ішеміз. Ас үйде үстел, шкаф, тоңазытқыш бар.

3.Сурет бойынша жұмыс. (шығармашылық жұмыс) .

3. Сергіту сәті.

Орнымыздан тұрайық,

Алақанды ұрайық.

Бір отырып, бір тұрып,

Біз демалып алайық.

4. Дәптермен жұмыс (сөздік жұмыс).

5. Ойын ойнау. « Дастархан мәзірін жасау » Интерактивтік тақтаға назар аударту.

6. Сызықша арқылы керекті сөздерді тауып, белгілеу. Интерактивтік тақтамен жұмыс.
   
   Қонақ бөлмесінде ұйықтайды
   
   Жатын бөлмесінде тамақ пісіреді
   
   Балалар бөлмесінде қонақ қабылдайды
   
   Ас бөлмесінде сабаққа дайындалады
   
   

7. «Ас бөлмесі» тақырыбына сөйлем жазу.

У. Сабақтың қорытындысы.

• Нені білдік?

• Нені үйрендік?

УІ. Бағалау.

УІІ. Үй жұмысын беру.