Ашық сабақ Графикалық ақпаратты өңдеу (бейнелерді өңдеу, трансформациялау). Баспаға дайындау, баспаға шығару.

7 сынып Информатика Жасуланова Г.Т.

</ Сабақтың тақырыбы: Графикалық ақпаратты өңдеу (бейнелерді өңдеу, трансформациялау). Баспаға дайындау, баспаға шығару.

Сабақтың мақсаты: Кескіндерді өңдеу тәсілдерін қолдану

Күтілетін нәтиже:

• Графикалық кескін типін ажырата алады;

• Кескін кірістіре алады;

• Кескіннің өлшемін өзгерте алады;

• Кескінді өңдеу түрлерін қолдана алады;

• Кескінді экспорттай алады;

• Кескіндер слайд-шоуын көрсете алады;

• Кескінді баспаға шығара алады.

Сабақтың түрі: түсіндірмелі, практикалық.

Аппараттық және программалық қамтамасыз ету: ДК, интерактивті тақта, Inkscape, Gimp программалары.

Жаңа сабақты бастау үшін түрткі сұрақтар қоюға болады:

• Графикалық кескіндердің қандай типтері бар екенін білесіңдер?

• Олардың айырмашылықтары неде деп ойлайсыңдар?

• Импорт, экспорт сөздерінің мағынасын түсіндіре аласыңдар ма?

Жаңа сабақ:

1. Миға шабуыл: Айырмашылығы неде?

2. Оқушылардың графикалық кескінмен жұмыс жасау программаларын таңдауға мүмкіндік беру (Inkscape, Gimp программалары).

3. Мұғалімнің шебер сыныбы: Көрсетілетін жұмыс түрлері:

• Кескінді импорттау; Өлшемін өзгерту; Өңдеу түрлерінің бірнешеуін көрсету; Өңделген кескіндерді экспорттау; Кескіндер слайд-шоуын қарау.

4. Өзіндік жұмыс: Кез-келген кескін алып, оған 10 түрлі өңдеу түрін қолдану. Экспорттау.

5. Көрме аралау: Оқушылар бір-бірінің жұмыстарын тамашалау.

6. Бағалау: Оқушыларға сыныптастарын бағалауға мүмкіндік беру.

7. Сыныпқа сұрақ қоюға болады: Осы дайындаған суреттерді қалай қағаз бетіне басып шығаруға болады? (оқушылар бұрынғы білімдеріне сүйеніп жауап бере алады)

8. Үйге тапсырма: Өткенді қайталау. Қорытынды тестке дайындалу