«Excel электрондық кестеде диаграмма құру» тақырыбын пысықтау (8-сынып)

Информатика 8-сынып

Сабақтың тақырыбы: «Excel электрондық кестеде диаграмма құру»

тақырыбын пысықтау

Сабақтың мақсаты:

Білімділік:

1. Әр түрлі типті диаграммалар және графиктер құрып үйрену;

2. Диаграммаларды өңдеу және безендірудің негізгі әдістерін және баспаға шығаруды меңгерту ;

3. Excel электрондық кесте тақырыбына байланысты оқушылардың алған білімдерін нығайту, тиянақты бір жүйеге келтіріп, тексере отырып қорытындылау;

Тәрбиелік: Оқушыларды ұқыптылыққа, жинақылыққа, уақытты тиімді пайдалануға дағдыландыру;

Дамытушылық: Excel электрондық кестеде диагарммалар құру қабілетін дамыту, логикалық ойлау қабілетін қалыптастыру;

Көрнекіліктер: Оқу құралдары, интерактивті тақта, компьютер, слайдтар, тест материалдары.

Оқыту формалары: Жеке және топтық.

Сабақ барысы:

1. Ұйымдастыру кезеңі: (3 мин)

Сәлемдесу, жоқ оқушыларды белгілеу, оқушылардың назарын сабаққа аудару.

Келе жатқан Ұлыстың ұлы күні «Наурыз» мерекесімен құттықтау. Техника қауіпсіздігі ережелерін еске түсіріп алу.

2. Өтілген сабақтарды қайталау: (8 мин)

Өтілген сабақты қайталау мақсатында оқушыларға бірнеше сұрақтар қойып, сабақты қайталау:

1) Excel бағдарламасындағы функция дегеніміз не?

2) Excel электрондық кестенің атқаратын қызметі қандай?

3) Excel электрондық кестесін қалай іске қосуға болады

4) Excel электрондық кестесінде бағаналар және қатарлар саны нешеу?