Компьютер. Компьютердің негізгі құрылғыларының міндеттері және мүмкіндіктері. 8 сынып.

Сабақ №5

Білімділік: оқушыларды «компьютер» түсінігімен таныстыру, компьютердің құрылымы, қызметі туралы алғашқы түсінік қалыптастыру.

Дамытушылық: теориялық, шығармашылық, аналитикалық ойлау қабілеттерін дамыту.

Тәрбиелік: сабақтың құрал-жабдықтарының көмегімен тілдік қорын дамытуға тәрбиелеу.

Көрнекілігі:

Дәптер, оқулық, компьютер, оның негізгі және құрлғылары.

Түрі:

Практикалық элементтері бар, көрсете-түсіндіру.

ІІ

Ұйымдастыру:

(3 мин)

1. Оқушыларды түгелдеу, журнал толтыру, оқушылардың дәптерлерін, оқулықтарын қарап шығу.

2. Сынып, тақта, парта тазалығын қарап шығу, қажет болса ескертулер жасау.

3. Оқушылардың назарын сабаққа аудару.

ІІІ

Үй тапсырмасын тексеру

Тест жауабын мұғалім оқиды, балалар + және - белгілерін қойып, дұрыс жауаптар саны саналады.

IV

Жаңа сабақ

(20 мин)

Балалар, компьютер - күрделі құрылғылардың жиыны. Ол жұмыс жасау үшін программалық жабдықтамалар қажет. Компьютердің жұмыс істеуі үшін оның жұмысын басқаратын операциялық жүйе қажет, ол - операциялық жүйе деп аталады. ОЖ жайлы келесі сабақтар барысында талқыланады. Ал бүгін біз компьютер атты машина, оның негізгі құрылғыларының міндеттерімен танысамыз.

Компьютердің түрлері:

1. Суперкомпьютерлер.

2. Үлкен компьютерлер.

3. Сервер.

4. Дербес компьютер.

Дербес компьютер 3 бөліктен тұрады:

• жүйелік блокта орналасқан ақпаратты өңдеу және сақтау құрылғыларынан;

• ақпаратты шығару құрылғысы - монитордан;

• ақпаратты енгізу құрылғысы - пернетақтадан.

Компьютерді қарастыру.

ЖҮЙЕЛІК БЛОК

Жүйелік блок ішінде ең маңызды құрауыштар орналасқан негізгі торап болып табылады. Жүйелік блоктың ішінде орналасқан құрылғыларды ішкі, ал сыртында орналасқан құрылғыларды сыртқы деп атайды.

Компьютердің ішкі құрылғылары:

• аналық тақша - компьютердің басқа құрылғылары жалғанған негізгі бөлік;

• процессор - жүйелік блоктың миы;

• жедел жады - деректерді уақытша сақтау жады. Мысалы, сыныптағы тақта;

• қатты дискі - деректерді ұзақ уақыт сақтауға арналған құрылғы;

• видеокарта - компьютердің жүйелік блогындағы бейнені мониторға шығаруға дайындайды;

• дыбыс картасы - компьютерде дыбыспен жұмыс жасауға арналған құрылғы;

• желілік карта - интернет желісіне қосылуға арналған құрылғы.

МОНИТОР

Монитор - мәтіндік және графикалық ақпаратты компьютер экранына шығару құрылғысы. Мониторды екі белгілері бойынша жіктеу керек:

Құрылу типіне байланысты монитор электронды-сәулелі және сұйықкристаллды болады. Мониторларды мінездемелері:

1. диагональ бойынша экранның өлшемі

2. экрандағы нүктелердің арақашықтығы

3. рұқсат етілу қабілеті

4. желілік

5. түстер саны

V

Физминутка

СанЕжәнеН-ның міндетін орындау мақстында компьютермен жұмыс істеу барысында физминутка ұйымдастыру.

VI

Практикалық бөлім

1. Тапсырма. Процессор үшін ДҰРЫС тұжырымдарды боя.