урок по информатике на тему 'Программалық қамтамасыз етудің жалпы сипаттамасы және жіктелуі. Операциялық жүйе ұғымы. ' 5- класс

№267 орта мектеп

Ашық сабақ - информатика

Тақырыбы: Программалық қамтамасыз етудің жалпы сипаттамасы және жіктелуі. Операциялық жүйе ұғымы.

5«а» сынып

Информатика пән мұғалімі: Арғынбаева Жұлдызай Балғабайқызы

21.10.2013ж.

Сабақтың тақырыбы: Программалық қамтамасыз етудің жалпы сипаттамасы және жіктелуі. Операциялық жүйе ұғымы.

Сабақтың мақсаты:

1. Білімділік: өткен сабақтарды қайталау арқылы оқушылардың алған білімдерін, икемділіктерін тексеру, оқуға қызығушылығын, ынтасын арттыру;

2. Дамытушылық: оқушылардың ой-өрісін кеңейту, шығармашылық қабілеттерін дамыту;

3. Тәрбиелік: танымдық қызығушылыққа, жолдастық сезімге, ұқыптылыққа, мақсатқа жете білуге тәрбиелеу.

Сабақтың түрі: білімді қорытындылау.

Сабақ көрнекілігі: презентация, тест.

Сабақтың барысы:

1. Ұйымдастыру кезеңі.

2. Кім білімпаз?

3. Жаңа сабақ.

4. Ғажайып алаң.

5. Демалыс сәті.

6. Ойлан тап.

7. Сабақты бекіту.

8. Үйге тапсырма.

9. Рефлексия.

1. Ұйымдастыру кезеңі. Оқушылардың сабаққа қатынасын түгендеп, назарын сабаққа аудару. Сабақ ойын түрінде өтеді. Оқушылар алдын ала үш топқа бөлінді. Қазір мен әр топ басшыларына бағалау парағын беремін, ол әр кезеңде алған ұпайларын жазып отырады.

2. Алғашқы кезеңіміз «Кім білімпаз?» деп аталады. Мұнда мен әр топқа 3 сұрақ қоямын. Әр сұраққа кемінде 1 минут беріледі. Әр дұрыс жауапқа 10 ұпай беріледі.

1-топ сұрақтары:

1. Баспаға шығару құрылғысы (принтер)

2. Бос орын қалдыру пернесі (пробел)

3. Функционалды пернелер нешеу? (12)

2-топ сұрақтары:

4. Ақпараттың ең кіші өлшем бірлігі (бит)

5. Информатика пәні нені зерттейді? (ақпараттық процесстер)

6. Жаңа жолға түсу пернесі (Enter)

3-топ сұрақтары:

7. 1 байтта неше бит бар (8)

8. Дыбыстық ақпаратты не арқылы жеткіземіз? (радио)

9. Енгізу құрылғысы не? (пернетақта)

3. Жаңа сабақты түсіндіру. Программалық қамтамасыз етудің жалпы сипаттамасы және жіктелуі. Операциялық жүйе ұғымы.

Компьютерде сақталатын барлық программалар оның программалық жабдықтамасын құрайды. Программалаық жабдықтамалар өздерінің қызметі бойынша түрлі топтарға бөлінеді.

Жүйелік программалық жабдықтама. Компьютер іске қосылғаннан соң, ол жүктелгенге дейін біраз күту керек екендігін білесіңдер. Бұл компьютерге жүйелік программалық жабдықтаманы жүктеу үшін уақыт керек екендігін білдіреді.

Жүйелік ПЖ-ға мына программалыр жатады.

1. Операциялық жүйе. Ол компьютердің қондырғыларымен программалық жабдықтамаларының жұмысын басқарады.

2. Драйверлер-компьютерге қосылған түрлі құрылғылардың жұмыс істеуі үшін қажетті программалар.

3. Утилиталар-Компьютерге мұрағаттау, дискілердегі ақпараттың бұзылмауын тексеру, қажетті файлдарды іздеу сияқты қызметтер көрсеттін шағын программалар.

Қолданбалы программалық жабдықтама.

Саны ең көп және алуан түрлі программалар тобы. Қолданбалы есептерді шешуге арналғандарының бәрі қолданбалы программаларға жатады. Ол мәтінмен орындалатын жұмыстар (мәтіндік редактор немесе процессор), Интернет желісіндегі жұмыс (шолушы программалар - браузерлер) болуы мүмкін. Қолданбалы программаларды қосымшалар деп те атайды.

Программалау жүйесі.

Жаңа программалар - олар операциялық жүйелер болсын немесе қосымшалар болсын, бәрібір- құру үшін, программалаушыға арнайы программа керек. Ондай программаларды программалау жүйесі деп атайды. Операциялық жүйе түсінігі.

Операциялық жүйе - компьютердің жұмысын басқаратын басты программа. Компьютер іске қосылғанда ОЖ жедел жадыға жазылады да, онда компьютер өшірілгенге дейін сақталып қалады. Бұл үдіріс операциялық жүйенің жүктелуі деп аталады.

3. «Ғажайып алаңы» кезеңі. Экранда 3 тақырып бойынша жасырын түрде 3 сұрақтар болады. Әр сұрақтың құны бар - 10, 20, 30. Әр топ кезекпен кезек ұяшықтарды таңдайды. Әр сұраққа 1 минут уақыт беріледі.

Дербес компьютер

10. Компьютердегі мәліметтерді уақытша сақтайтын негізгі құрылғы қалай аталады? (жедел жад)

20. Принтер дегеніміз не? (Принтер - ақпараттарды қағазға басып шығаратын құрылғы.

30. Компьютердің басты құрылғысы, оны кейде компьютердің миы деп атайды. Ол қандай құрылғы? (Процессор)

Windows ОЖ

10. Операциялық жүйе дегеніміз не? (Операциялық жүйе (Windows)- ол компьютердің жұмысын басқаратын программа)

20. Жүйелік программа неше түрге бөлінеді? (3 түрге Операциялық Драйвер Утилиталар)

30. Ақпаратты қалай таратамыз? (Газет, журнал ,интернет желісі, радио, телефон, теледидар т.б)

Жалпы

10. Адам көзі мен монитор арасындағы ара қашықтық қанша болуы керек? (60-70 см)

20. Ақпарат сөзі қай тілден шықты? (латын)

30. 1 Кбайтта неше байт бар? (1024 байт)

4. «Демалыс сәті». Ал енді кішкене демалайық. Яғни экранда берілген жаттығуларды орындайық.

Қол саусақтарына арналған жаттығулар

• Алақанды уқалау.

• Қолды қысу

• Білезіктен айналдыру

Көзге арналған жаттығулар

• Көзді бірнеше рет жыпылықтату.

• Көзіңмен ақырын оң жаққа қарай 3-4 рет айналым жаса. Соншалықты айналым солға қарай жаса.

5. «Ойлан тап» кезеңі. Бұл кезеңде әр топқа сөз беріледі, осы сөзден әрбір топ сөздер құрау керек. 5 минут уақыт беріледі. Әр сөзге - 1 ұпай.

1-топқа: информатика

2-топқа: бағдарлама

3-топқа: пернетақта

6. Үй тапсырмасы: § 8 тақырыпты оқу және 66 беттегі бақылау сұрақтары мен тест жұмыстарын орындау.

7. Рефлексия.

Төмендегі кестені толтыру

Не білдім

Не үйрендім

Сабақтан алған әсерім

Бағалау парағы

Топ тізімі

Кім білімпаз?

(1д.ж.-10 ұ)

Ғажайып алаң

Ойлан тап

(1сөз - 1 ұ)

Бағасы

Жалпы ұпай саны

Бағалау парағы

Топ тізімі

Кім білімпаз?

(1д.ж.-10 ұ)

Ғажайып алаң

Ойлан тап

(1сөз - 1 ұ)

Бағасы

Жалпы ұпай саны

Бағалау парағы

Топ тізімі

Кім білімпаз?

(1д.ж.-10 ұ)

Ғажайып алаң

Ойлан тап

(1сөз - 1 ұ)

Бағасы

Жалпы ұпай саны