Мәтінді пішімдеудің негізгі тәсілдері

Мәтінді пішімдеудің негізгі тәсілдері

Г.Т.Токушева

Қарақамыс негізгі мектебінің

информатика пәнінің мұғалімі

Сабақтың тақырыбы: Мәтінді пішімдеудің негізгі тәсілдері

Жалпы мақсаты: Оқушылардың мәтінді теру, редакторлау және пішімдеу туралы білімдерін қайталау, жалпылау, бекіту. Мәтінге символдарды қоюдың, мәтінді рәсімдеудің жаңа мүмкіндіктерімен таныстыру.

Күтілетін нәтиже:

А. Оқушылар пернетақтада жоқ символдарды мәтінге қоюдың тәсілдерін, регистрды өзгерту мүмкіндігін пайдаланып, мәтінді қаріппен рәсімдеуді біледі.

В. Оқушылар пернетақтада жоқ символдарды пайдаланып, мәтін теруді, процессордың барлық мүмкіндіктерін қолданып мәтінді рәсімдеуді меңгереді.

Әдіс-тәсілдер: Жеке, жұптық, топтық жұмыс. Диалогтық оқыту, АКТ. Сын тұрғысынан ойлау технологиясының көзбен көретін айғақтар стратегиясы.

Тапсырмалар:

1. Тренинг, топқа бөлу.

2. Үй тапсырмасын қайталау.

3. Жаңа сабақты түсіндіру.

4. Топпен кластер құру, қорғау.

5. Практикалық жұмыс.

6. Қорытынды. Бағалау.

7. Рефлексия.

Керекті жабдықтар: Информатика оқулығы (6-сынып), интерактивті тақта, компьютер, слайдтар, ресурстар, жүрекше, үлестірме парақтары, кластер, маркер, стикер.

Сабақтың барысы

Кіріспе:

І. Ұйымдастыру кезеңі:

1. Тренинг «Жүректен-жүрекке»

Бірлескен ынтымақтастық құру.

2. Топқа бөлу.

Кеспе қағаздар арқылы 2 топқа бөлу.

3. Екі топқа бағалау парағы беріледі, топ басшысын сайлайды.

ІІ. Үй тапсырмасын қайталау:

«Домино» ойыны.

Тұсаукесер

Ой қозғау. Оқушылар төмендегі сұрақтар бойынша топпен бірлесіп жауап береді.

1. Мәтіндік редактордың мәтіндік процессордан айырмашылығы неде?

2. Microsoft Word мәтіндік процессорының негізгі мүмкіндіктерін атап шығыңыздар.

3. Жанама (контекстік) мәзір деген не?

4. Microsoft Word мәтіндік процессоры терезесінің негізгі элементтерін атаңыздар?

5. Қалып-күй жолы не үшін керек?

6. Құжаттағы беттердің санын қалай анықтауға болады?

7. Құжатты қарап шығу масштабын қалай өзгертуге болады?

8. Құжаттың масштабын өзгертетін бұйрықты анықтаңыздар. Ол жолақтың қай бөлімінде орналасқан?

Негізгі бөлім

Білімді өзектендіру

Пернетақта батырмасының қызметін көрсету. Жарыс ұйымдастыру: бір оқушы батырманы атайды, екіншісі оның қызметін түсіндіреді. Оқушылар рөлдерімен ауысады. Келесі оқушылар жұбы тағы екі батырманың қызметін еске түсіруге көмектеседі. Осылайша барлық батырманың қызметтері еске түсіріледі.

Оқушылар тәжірибелік тапсырма орындайды: өздеріңізге ұнайтын төрт жол өлеңді әр жолының қарпі бір-бірінен өлшемімен, жазылуымен ерекшеленетіндей етіп жазып шығыңыздар. Тапсырманы орындау барысында оқушылардың мәтінді пішімдеу және редакторлау дағдысын игергендігі туралы қорытынды жасалады. Сабақтың тақырыбы жарияланады.

Мағынаны тану.

Жаңа тақырыппен жұмыс.

Әр топқа ресурстар тарату. Ресурстан мәтінді оқу.

Топтық жұмыс.

І топ: Символды кірістіру. «Қаріп» тіркеме парағы.

ІІ топ: Қаріпті өзгерту. «Интервал» тіркеме парағы.

Оқушылар:

1. Ресурстан мәтінді оқып, өз түсінгендерін топта талқылайды.

2. Кластер жазып, оны қорғайды.

3. Топ бір-бірлерін «Екі жұлдыз, бір ұсыныс» арқылы бағалайды.

Сергіту сәті. Бейнежаттығу.

Қорытынды. Оқушы қызығушылығын арттыру. Практикалық жұмыс.

«Тау шыңына шығу» ойыны.

Тау шыңына шығу үшін оқушыларға оқулықтың 99-100-ші беттеріндегі деңгейлік тапсырмаларды компьютерде орындату.

Рефлексия. Кері байланысқа стикер тарату. Оқушылар өз көңіл-күйлерін стикерге жазады.

1. Бүгінгі сабақтан алған әсерім?

2. Маған не ұнады/ұнамады?

Бағалау. Топтың белсенділігін бағалау:

1. Топтағы белсенділігі 1-3 балл

2. Диалогтық сұрақ-жауап 1-3 балл

3. Өзіндік жұмыс істеуі 1-3 балл

Сумативті бағалау. Сабаққа қатысқан, өз ойларын айтып дәлелдеген оқушылар бағаланады.

Үйге тапсырма. Оқулықтың §17-ын оқып-үйрену, тест және бақылау сұрақтарына жауап беру.

Солтүстік Қазақстан облысы,

Айыртау ауданы,

Қарақамыс ауылы.