Сабақ жоспары Компьютердің құрылымы

Қысқа мерзімдік жоспар.

№6 сабақ Тексерген:

Пән : Информатика

Сынып: 5 а,б,в

Күні:

</<br>

Сабақ тақырыбы:

Компьютердің құрылымы

Жалпы мақсат:

Білімділік: компьютердің құрылымдары туралы алғашқы түсінік қалыптастыру үшін жағдай жасау, оның құрамдас бөліктерін атау.

Дамытушылық: Өз бетінше ізденіспен шығармашылық тұрғыда жұмыс істеуге дағдыландыру. Өз ойларын еркін де сауатты, нақты жеткізу қабілеттерін арттыру.

Тәрбиелік: сыныптағы ынтымақтастық ықпалдастық орта қалыптастыру,өзін- өзі реттеуге үйрету.Топта жұмыс істеуге, бір-бірін бағалауға, сыйлауға үйрету

Оқу нәтижесі:

Компьютердің сыртқы құрылғыларының түрін. Олардың қызметіне сипаттама береді, пернетақтаны пайдалануды біледі

Негізгі

идеялар:

Оқыту туралы сындарлы түсінік оқушыға нақты білім беруді мақсат тұтқан мұғалімнен өз сабақтарын оқушының идеясын, білім-біліктілігін дамытуға ықпал ететін міндеттерге сай етіп ұйымдастыру

Оқыту

әдістері:

Жаңа әдістер

Сұрақ- жауап, диалог,СТО, жұптық жұмыс, топтық жұмыс, жеке жұмыс.

Сабақтың

көрнекілігі:

слайд, компьютер

Тапсырмалар:

Сұрақтар құрастыру мен терминдерге жауап іздеу, тақырыпқа байланысты постер жасау,сөйлемдер құрастыру.

І. Оқушыларға психологиялық ахуал туғызу

(3 мин)

Мұғалімнің іс-әрекеті

Оқушының іс-әрекеті

Сынып оқушыларымен амандасу.

Оқушыларды түгендеу

Ынтымақтастық атмосферасын құру.Оқушыларды топтарға бөлу.

Оқушылар тыңдайды

Топтарға бөлінеді,бір-біріне жақсы тілектер айтып,

Үй тапсырмасын сұрау ( 7 мин )

1. СТО-ды дамыту үшін миға шабуыл стратегиясы бойынша пайымдау сұрақтар стратегиясы: Тест сұрақтарын орындату:

1. Компьютердің қазіргі уақыттағы негізгі функциясы қандай?

А) есептеу В) басқару С) ақпаратты іздеу Д) құжат құру

2. жұмыс қабілеті мен басқаруды қамтамасыз ететін программа:

А) Интернет В) Операциялық жүйе С) Операциялық қабыршық Д) Windows

3.Артығын көрсет:

А) Суперкомпьютер В) Үлкен компьютер С) Дербес компьютер Д) Кіші компьютер

4. Супер компьютерлер қайда қолданылады? А) Үйде В) Оффисте С) Өндірісте Д) ірі ұйымдарда нақты есептер шығару үшін

5. Үлкен дерек қорларын өңдеу және сақтау үшін қолданылатын компьютер

А) Суперкомпьютер В) Үлкен компьютер С) Дербес компьютер Д) Сервер

6. Ноутбук компьютердің қай түріне жатады?

А) Суперкомпьютер В) Үлкен компьютер С) Дербес компьютер Д) Сервер

7. Нетбук деген не?

А) Шағын мөлшерлі нотбук В) алақан компьютері С) Интернетке қосылған дербес компьютер Д) Оқыту мақсатындағы компьютерлердің арнайы түрі

8. Сервер ол - ?

А) компьютерлік желілердің орталық торабы болып табылатын компьютер В) Супер компьютер С) Үлкен компьютер Д) Ақпаратты сақтауға арналған компьютер

1. Дербес компьютер деген не?

2. ДК қандай түрлері бар?

3. Сервер деген не?

Оқушылар тестке жауап береді, жазып болған соң тақтада көрсетілген жауаппен бір бірін тексереді

Жаңа сабақ

(15 мин)

1. Әңгіме-диалог.

Жаңа сабақ әңгіме-диалог сұрақ-жауап арқылы басталады

1. Компьютердің құрылымына қандай құрылғылар кіреді?

Ақпаратпен жұмыс істеу үшін қажетті заманауи құрылғы ол - компьютер.

ДК 3 бөліктен тұрады:

1. Ақпаратты шығару құрылғысы - монитордан

2. Ақпаратты енгізу құрылғысы - пернетақтадан

3. Жүйелік блокта орналасқан ақпаратты өңдеу және сақтау құрылғылары.

Пернетақта - компьютерге ақпарат енгізу құрылғысы. Пернетақта мынандай негізгі бөліктерден тұрады. Төмендегі кестеде қай перненің қай топқа жататыны көрсетілген

Пернетақтада пернелерден басқа индикаторлар да бар. Индикаторлар - пернетақтаның қандай режимде жұмыс істеп тұрғанын көрсететін кішкене шамдар.

Қазақстанда қолданылатын компьютерлік пернетақталардың алфавиттік-цифрлық бөлігінде ағылшын, орыс және қазақ әліпбиінің әріптері бар. Бір тілден басқа тілге пернелердің әртүрлі тіркесімен бірге басу арқылы ауыстыруға болады. (Shift+Ctrl).

Кез келген мәтін кіші әріптерден және бас әріптерден тұрады. Бас әріппен жазу үшін тиісті әріпті Shift пернесімен бірге басу керек.

Егер бірнеше үлкен әріп басылып шығу керек болса, онда басқа тәсіл қолданылады. Пернетақтадағы CapsLock пернесі бас әріптер режимін іске қосады.

Қосымша цифрлық пернетақта цифрлардан да, сілтемелерден де тұрады. Жұмыс режимін NumLock пернесі көмегімен ауыстырады.

Enter пернесі - бұл енгізу пернесі. Ол пернетақтада терілген кез келген бұйрықтың орындалуын құптайды.

2. Топен жұмыс

1-топ: Компьютердің жүйелік блогы құрамына кіретін құрылғыларды атап беріңдер.

2-топ. Компьютердің негізгі құрылғыларын атаңдар.

3-топ. Мына құрылғылардың қайсысы компьютердің жүйелік блогы құрамына кіреді: тышқан, процессор, аналық тақша, сканер, принтер, жады, дискіжетектер, модем, сервер.

Үш топқа тапсырма:

1. Оқулықтағы 48-беттегі ребусты шешу.

2. Тақтада көрсетілген пернетақтаның бөліктерін көрсетіп қызметін айтып беру.

Сұрақтарға жауап беру арқылы сабақтың тақырыбын ашады.

Оқушылар берілген тапсырманы орындайды.

IV.Қорытындылау ( 10 мин)

Компьютерде орындалған тәжірибелік жұмыс бағаланады.

Жаңа сабақты бекіту. Сұрақ-жауап

• Пернетақта деген не?

• Пернетақта қандай функциялар орындайды?

• Пернетақта программасыз амалдар орындай ала ма?

• Пернетақта қайда және қалай қолданылады?

• Пернетақтаның CapsLock пернесі қандай қызмет атқарады?

• Enter пернесі қандай қызмет атқарады?

• Басқару пернелерін атаңдар.

Оқушылар сұрақтарға жауап береді

V. Үйге тапсырмасын беру (2 мин)

§6 оқу, тест сұрақтарына жауап беру.

VI. Бағалау

(5 мин)

Критерийалық бағалау , критерийлеріне сай болуын қадағалау формативті бағалау.

Бағалау барысында топтар жетекшісі берілген киртерий бойынша бағалайды

VII. Рефлексия(3 мин )

Соңында:

1. Сабақ туралы жалпы ойың?

2. Сіздің дамуға әсер еткен сабақтағы аспектініз?

Әр бала өздеріне сабақтың ұнаған, ұнамағанын білдіретін смаиликтерін тақтаға іледі.