'Аппараттық және программалық қамтамасыз етудің диалектикасы' 10 класс

Сыныбы: 10 сынып күні________ ___________

Тақырыбы: Аппараттық және программалық қамтамасыз етудің диалектикасы

Сабақтың мақсаты:

а)аппараттық және программалқы қамтамасыз етуді, программалық жүйелермен таныстыру.

Б) логикалық ойлау қабілетін дамыту

В) пәнге деген қызығушылықтарын арттыру. Ақпараттық мәдениеттілікке тәрбиелеу

Сабақ көрнекілігі: мәтіналғы (сканер), принтер, web-камера, модем, тұсаукесерлайд шоу

Сабақ түрі: аралас сабақ

Сабақ әдісі: Түсіндірмелі баяндау, сұрақ-жауап.

Сабақ типі: Тәжірибелік элементтері бар жаңа тақырыпты түсіндіру сабағы.

Сабақ барысы:

I. Ұйымдастыру кезеңі

Оқушыларды ұйымдастырып, түгендеу

II. Үй тапсырмасын тексеру кезеңі

Үйге берілген тапсырманың орындалуын тексеру

III. Жаңа сабаққа кіріспе кезеңі

Аппараттық қамтамасыз етудің дамуы

Аппараттық қамтамасыз ету перифериялық құралдарға қажетті компьютердің электрондық толтырылымын құрайды. Процессор, электрондық платалар, монитор, пернетақта-бұлардың барлығы аппараттық қамтамасыз етуге жатады. Компьютердің заманауи аппараттық қамтамасыз етілуі көлемінің барынша кішіреюіне және өнімділігінің үлкеюіне әкеледі. Мысалы, қазіргі ұялы телефондарда компьютердің процессорлары орнатылған.

Программалық қамтамасыз етудің дамуы

Компьютердің ұзақ мерзімді жадында сақталған барлық программалар жиынтығы оның программалық қамтамасыз етуін құрайды. Программалық қамтамасыз ету жанжақты даму үстінде.

Сонымен қатар бекітілген бойынша жіктеуге қиындық тудыратын дәстүрлі емес программалар пайда болды. Жүйелі программалық қамтамасыз ету дегеніміз-компьютер желілері мен компьютер жұмысын қамтамасыз ететін программалар жиынтығы.

Базалық программалық қамтамасыз етудің кеңейтілуіне қосымша орнатылған программалар жатады, оларды функционалдық белгілері бойынша төмендегідей топтауға болады:

1. Компьютердің жұмыс істеу қабілеттілігін анықтайтын программалар

2. Компьютерді вирустардан қорғайтын вирусқа қарсы программалар

3.Дискілерге арналған программалар

4. Мұрағаттарды қамтамасыз ететін программалар

5. Желілірдің қызметіне арналған программалар

6.Қолданбалы программалар

Программалық жүйелер дегеніміз-программалық өнімдерді дайындау және енгізу технологиясын қамтамасыз ететін программалар жиынтығы. Программалық жүйелерге трансляторлар, программа дайындайтын орта, анықтамалық программалар кітапханасы, байланыс редакторлары ж.т.б жатады.

Жүйелік программалық жасақтама-дербес компьютерді пайдалану мен техникалық қызмет етуге, есептеу жұмыстарын ұйымдастыру мен қолданбалы программалар әзірлеуді автоматтандыруға арналған программалық жасақтама.

Амалдық жүйе-құжаттар мен амалдар орындауға арналған, сыртқы құрылғыларды және программаларды басқаруды жүзеге асыратын программалар жиынтығы.

Қызметші(сервистік) программалар-әрбір адамның амалдық жүйемен жұмыс істеуін жеңілдететін программалар тобы.

IV. Бекіту кезеңі

1.Жүйелі программалық қамтамасыз ету дегеніміз не?

2.Программалық жүйе дегеніміз не?

3. Программалық жасақтама қандай деңгейден тұрады?

4.Программалық қамтамасыз етудің жіктелуін ата

V. Қорытынды кезең

1. Бүгін сабақта не білдік?

2. Не үйрендік?

VI.Бағалау кезеңі

Сабақта тапсырманы орындағанына, меңгерген деңгейіне байланысты бағалаймыз.

VII. Үйге тапсырма

Тақырыпты оқу.

Тақырып бойынша 4 сұрақ ойластырып келу.