'Кестелерді пішімдеу' тақырыбында өткізілген ашық сабақ жоспары. (6 Сынып)

Cабақтың тақырыбы: Кестелерді пішімдеу

Сабақтың мақсаты:

Білімділік: Оқушыларды кесте жасауға, ұяшықтарды қосуға, алып тастауға және біріктіруге үйрету. Оқушыларға кестелерді қоршауды жиектеуді көрсету.

Дамытушылық: Оқушылардың есте сақтау және зейіндік қабілеттерін дамыту пәнге деген қызығушылығын арттыру.

Тәрбиелілік: Уақытты тиімді пайдалануға, жүйелі ойлауға, ұқыптылыққа, шапшаңдыққа, компьютерлік сауаттылыққа тәрбиелеу.

Сабақтың типі: жаңа оқу материалын игерту.

Сабақтың түрі: Аралас сабақ.

Әдіс-тәсілдер: Практикум элементтері бар түсіндірмелі-көрнекілікті. Зертханалық жұмыс.

Сабақта қолданылатын

көрнекі құралдар: ДК, Microsoft Office Word 2003бағдарламасы, интерактивті тақтада дайындалған слайдтар, Activpen қаламы, телеграфтық лента, аналогтық сағат, деңгейлік тапсырмалар, оқулық, жұмыс дәптері, оқушылардың бағалау және эмоционалдық жағдайын анықтау парағы.

Сабақтың жоспары:

І. Ұйымдастыру кезеңі:

а) оқушылармен сәлемдесу, түгендеу.

ә) сабақтың мақсаты мен шартын жариялау.

ІІ. Техника қауіпсіздігі ережесін қайталау.

ІІІ. Үй тапсырмасын тексеру (тест).

Қорытындылау

ІҮ. Жаңа тақырып.

Ү. Практикалық жұмыс.

ҮІ. Сабақты бекіту

ҮІІ. Үйге тапсырма

ҮІІ. Бағалау.

Сабақтың өту барысы:

І. Ұйымдастыру кезеңі:

Сәлеметсіңдер ме, балалар! Отырыңдар!

Бүгін біз MS Word мәтіндік процессорында жұмысымызды жалғастырамыз.

Сабақтың жоспары бойынша келесі тақырыпқа өтейік.

ІІІ. Үйге берілген тапсырманы тексеру.

Әркімнің партасында көк және қызыл түсті қағаз жатады. Ашық тест сұрақтары тақтада орналасқан. Егер оқушылар жауаппен келіссе онда көк түсті қағазды көтереді, ал келіспесе қызық түсті қағазды көтереді. Алдырында сондай-ақ тест жауаптарын белгілеу қағазы болады. Ұпай санын жазып отырады. Сонымен, тест орындауға кірісеміз.

(оқушылар алдыңғы сабақта өтілген тақырып бойынша тест жұмысын орындайды).

Ашық тест сұрақтары

1. Microsoft Office Word мәтіндік процессорды іске қосқанда Жіберу - Программалар - Microsoft Office Word командасы орындалады. (дұрыс).

2. MS Word стандарт тақтасы аспаптар панелінде орналасқан (дұрыс)

3. MS Word программасының терезесінің құрылымы мыналар: Файл, Түзету, Қою, Формат, Сервис, Кесте, Терезе, Анықтама. (дұрыс емес)

4. Символдарды пішімдеу дегеніміз рәсімдеу бойынша жүргізілетін әр түрлі әрекеттер. (дұрыс)

5. Мәтінді туралаудың түрлері мыналар: шегініс және аралық (дұрыс емес)

6. Жол аралық интервалдың қызметі: мәтін жоғарылап, символ өлшемі кішірейеді. (дұрыс емес)

7. MS Word-та мәтінді әсерлеп жазу командасы Формат - Қаріп - Әсерлеу командасын орындау керек. (дұрыс)

8. MS Word программасында беттің параметрін қалай орнату Файл - Беттің параметрлері - Бағдарлау - кітаптық, альбомдық командасының көмегімен іске асады. (дұрыс)

9. MS Word программасында бетті нөмерлеу үшін Қою - Беттің нөмірлері - Орналасу - ОК командасын орындаймыз. (дұрыс)

10. Абзацтық шегініс түрлері мыналар: нөлдік, оң, теріс (дұрыс)

ІҮ. Жаңа сабақ

Ал енді жұмыс дәптерін ашамыз.

Бүгінгі күнді және сабақтың тақырыбын жазамыз. «Кестені пішімдеу». Бұл сабақта сіздер кесте құру әдістерін, сондай - ақ кесте безендіруді үйренулеріңіз керек.

Біздің өмірімізде мәтінді безендіру немесе құжатты кесте түрінде даярлау жиі кездеседі. Оларға: мектеп журналдары, үлгерім табелі және сіздердің күнделік парақтарың т.б. MS Word мәтіндік процессоры кесте құруды жеңілдетеді, ол өзіне бағандардың енін есептеу мәселелерін жүктейді.

Сонымен, Кесте - бұл жолдар мен бағандарда реттеліп берілген ақпарат. Жолдар мен бағандар қиылысып, ұяшық құрайды.

Кесте құрудың үш әдісі бар: (мұғалім интерактивті тақтадан көрсетеді)

1. Аспаптар панелінен «Добавить таблицу» батырмасын басу арқылы.

2. Меню жолынан «Таблица» командаларын пайдалану.

3. Вид - Панели инструментов - Таблицы и границы командаларын орындау арқылы.

Аспаптар панелінен шекаралар белгісін пайдалана отырып, өзгертуге болады.

Осы үш әдістің айырмашылығы мынада: 1 әдіс бойынша компьютер 5 бағаннан артық емес кесте құрады. Егер үлкен санды бағандар кестесін құру керек болса, онда екінші әдісті қолданамыз. 3-ші әдісі қолмен салуды көрсетеді. Біз көбінесе екінші әдісті қолданамыз.

Сонымен, дәптерге «Меню жолы» арқылы кесте құру, безендіру және жиектеу алгоритмдерін жазып алайық.

Кесте құрудың алгоритмі

1. Меню жолынан «Таблица» командасын таңдау.

2. «Добавить таблицу» батырмасын шерту.

3. «Вставка таблицы» диалогтық терезесінде бағанның және жолдың тиісті сандарын енгізу керек.

4. «ОК» батырмасын шерту.

Кесте безендіру алгоритмі

1. Кестені бөліп алу.

2. «Таблица» - «Автоформат» командаларын орындау.

3. Формат пішімін таңдау.

4. ОК батырмасын шерту.

Кесте жиектеу алгоритмі

1. Кесте торын алып тастағыларың келетін ұяшықты немесе ұяшықты толық белгілеу.

2. Формат> Границы и заливка

3. Границы и заливка диалогтық терезеде Граница қосымшасы қосылады

4. Жақтаудың Нет типін таңдаңдар да, ОК шерту.

Сонымен, біз сіздермен кесте құру, безендіру мен жиектеудің алгоритмін жаздық. Енді практика жүзінде қарастырып шығайық.

• Мен қазір сіздерге бірнеше мысал көрсетемін, сендерде қандай кесте құрылуы мүмкін.

• Экранға мұқият қараймыз. Мұнда әрине, кесте бағандарының ені бірдей болып

келеді. Маустың немесе абзацтық шегіністер көмегімен бағанның ені мен жолдың биіктігін өзгертуге болады. Tab пернесімен кестеге жаңа жол қосуға болады, ал алдыңғы ұяшыққа қайтып келу үшін Shift+Tab пернесін басса жеткілікті.

Кестеге Добавить столбцы, Добавить строки, Добавить ячейки, Разбить ячейки, Разбить таблицу, Объединить ячейки, Удалить ячейки, Удалить столбцы, Удалить строки (бағандар мен жолдар қосуға, ұяшықтарды бөлу, біріктіру, жою) командаларын орындай отырып, кестені құруға және жоюға болады.

Әрқайсыңның партаңда деңгейлік тапсырмалардың жоспары жатыр. Жоспар бойынша MS Word мәтіндік процессорын жібереміз.

Ү. Практикалық жұмыс

Деңгейлік тапсырмалар

І. Міндетті деңгей (5 ұпай)

1. Меню көмегімен Кесте > Кесте қосу /Таблица > Вставить таблица/ командасын орындау арқылы кесте құрыңыз.

2. «Менің сабақ кестем» тақырыбын туралау.

3. 6 баған, 7 жолдан тұратын кесте құр.

4. Кестенің басынан тағы 1 баған қосыңыз. Оған Р/с деп жазыңыз.

5. Автоформат пішімін пайдаланып, кестені безендір.

«Менің сабақ кестем»

Кім өзінің сабақ кестесін жатқа білмейді, күнделігінен қарап жазуға болады.

ІІ. Лайықты деңгей (10 ұпай)

1. Стандартты саймандар қатарындағы Кесте қосу (Вставить таблицу) батырмасын шерту арқылы кесте құрыңыз.

2. 3 оқушы туралы мәліметпен кестені толықтыру.

3. Кестеге Формат > Шекаралар және құю /Формат > Границы и заливка/ командасы арқылы жиектеу орналастыр

Оқушы туралы мәлімет

Р/с

Оқушының аты-жөні

Туған жылы

Мекен-жайы

Телефоны

1

2

3

ІІІ. Жоғары деңгей (15 ұпай)

1. Кестені қолдан сызып шығу арқылы (Түр> Аспаптар тақтасы > Кестелер мен шекаралар (Вид > Панели инструментов > Таблицы и границы) командасын орындау арқылы сызықтың типі мен түсін таңдап кесте құрыңыз.

2. Кестенің ішін мәтіндермен толтырыңыз

3. Кестені белгілеу - Формат > Направление текста /Мәтін бағыты/ командасы арқылы 1-ші бағанды толтыр.

4. 1-ші жолдағы мәліметтерді ортаға туралап, қарайтылған (Ж), қисайтылған (К) түрде жаз.

5. Кестенің соңынан тағы 1 баған қос оң жағына, оған Қолы деген мәлімет енгіз.

6. Tab пернесін басып 1 жол қос, 4-ші ұяшықты біріктір.

7. Мұғалімге көрсетіңіз.

«Менің күнделігім»

Кімнің сұрағы бар, қолдарыңды көтеріңдер, мен сіздерге жақындаймын.

Сонымен, жұмысты аяқтаймыз. Практикалық жұмысты көрсетіп болғандар компьютерді дұрыс өшіріп, орындарыңды ретке келтіріңдер.

Жарайсыңдар, барлықтарың жұмысты дұрыс жасадыңдар.

Практикалық жұмысты бағалау.

ҮІ. Сабақты бекіту үшін «ақпараттық диктант» орындаймыз.

(оқушылар интерактивті тақтада тиісті командаларды қойып жазады)

1. Кестені даярлау үшін.... Кесте > Кесте қосу

2. Ұяшықтарды біріктіру үшін...... Кесте > Біріктіру

3. Кесте құру батырмасы қай қатарда орналасқан? Стандартты

4. Ұяшық дегеніміз не?....... Баған мен қатардың қиылысуы

5. Кестеге жақтау орналастыру үшін........ Формат> Шекара және Құю > Шекара

6. Жаңа жол қосу үшін қолданатын перне....... tab

7. Ұяшықтарды бөлу командасы........... Бөлу

8. Жолдарды кірістіру...............Кесте > Кірістіру > Жол қосу

Сабақтың қорытындысы.

Сабақ барысында әр оқушының орындаған жұмыстарының ұпай сандары бағалау парағында белгіленеді, сабақтың соңында нәтижесі есептелініп, өздерінің қаншалықты дәрежеде тақырыпты меңгергендігін анықтайды.

ҮІІ. Үйге тапсырма: Кестемен жұмыс.

(Әр түрлі әдістерді пайдаланып, кесте құру эл.түрде)

Осымен біздің сабағымыз аяқталды. Сабаққа қатысқандарыңа рахмет! Келесі аптада жолығамыз.

ҮІІІ. Бағалау.

Сабақта балалардың эмоционалдық жағдайын анықтау. (күншуақ)

Сіздердің столдарыңызда күннің суреті жатыр, оның бетіне қараңыз, сол және оң жақ беті әртүрлі: сол жақ қуаныштың белгісі, оң жақ көңілсіз. Егер сіздерде сабақтан кейін жақсы көңіл-күйлеріңіз қалса, онда сол жақ бетіне айшық суретін салыңыз. Егер жоқ болса, оң жағы.

Барлық жұмыстарыңызға рахмет!

Бағалау кестесі

Оқушының

аты - жөні

Тапсырмалар

тест

әр сұрақ

1 ұпай

Міндетті деңгей

5 ұпай

Лайықты деңгей

10 ұпай

Жоғ. деңгей

15 ұпай

Ақпараттық диктант

1 ұпай

Қорт.

Баға

40-бен 30 аралығы - 5 (өте жақсы)

30-бен 20 аралығы - 4 (жақсы)

20-мен 10 аралығы - 3 (қанағаттанарлық)

Ескерту:

1. Үй тапсырмасы экраннан общий счет көрсету арқылы дұрыс жауаптың санына қойылады. 1 ұпай (жалпы 10 ұпай)

2. Ақпараттық диктанттың әр сұрағына дұрыс жауапқа 1 ұпай қойылады.

3. Деңгейлік тапсырмалар орындағанына байланысты ұпай қойылады.

Сабақтағы эмоционалдық жағдайды анықтау. (күншуақ)

Сіздердің столдарыңызда күннің суреті жатыр, оның бетіне қараңыз, сол және оң жақ беті әртүрлі: сол жақ қуаныштың белгісі, оң жақ көңілсіз. Егер сіздерде сабақтан кейін жақсы көңіл-күйлеріңіз қалса, онда сол жақ бетіне айшық суретін салыңыз. Егер жоқ болса, оң жағы.

Барлық жұмыстарыңызға рахмет!