Баяндама «Информатика пәнінде тест әдісін қолданудың тиімділігі»

«Информатика пәнінде тест әдісін қолданудың тиімділігі»

Бүгінгі күнде қоғамның дамуының жетекші бағыттарының бірі - білім беру үрдісін информатизациялау болып табылады. Ол - оқу тәрбиелік үрдісінің барлық деңгейлерін интенсификациялау үшін педагогикалық жаңа технологияларды, информатиканың тәсілдері мен құралдарын қолдануын болжайды. Қазіргі информацияланудың өзіне тән ерекшелігі - білім беру өрісіне белсенді түрде кіру, арнайы оқытатын ортаны құруға бағытталған оқытудың жаңа технологияларының пайда болуы мен дамуы, информациялық өнімді пайдаланатын жаңа тәсілдермен құралдарды оқу үрдісінің заңдылықтарына сәйкес қолдану болып табылады. Оқытуды информатизациялау деген ұғым оқытуда компьютердің пайда болып, кеңінен қолдануымен тікелей байланысты.

Егер біз қазір әлемдік деңгейде дамыған елдердің өсу-өркендеу жолына зерделей қарайтын болсақ, олардың қай кезеңдерде де, қандай жағдайда да жастар тәрбиесін алдыңғы қатарға қойып, әсіресе білім беру жүйесін жыл өткен сайын жетілдіріп отырғандығына айқын көз жеткіземіз.

Қазір білім беру жүйесін дамытып, оның мақсаты мен мазмұнын да, әдістері мен технологияларын да түпкі нәтижелерге қарай бағалайтын уақыт жеткендігі баршаға аян.

Қазір мектеппен, мұғалімдермен оқушыларға білім беріп қана қоймай, олардың бойында бағдарламаның дағыдалр мен икемділіктерін қамтамасыз етуге үйрету талап етілуде.

Өткен ұрпақ үшін оқулықтың маңызы қандай болса, компьютерде оқушы үшін қоршаған әлемді танудың табиғи құралы болып табылады. Олай болса, барлық сабақтарды соның ішінде информатика сабақтарында, компьютердің қуаттауымен жүргізуді үйрену бүгінгі күннің кезек күттірмейтін өзекті мәселелерінің бірі екені күмәнсіз. Информатиканы оқыту құралы ретінде компьютерді қолдану - оқу үрдісін белсендіруге, оқытуды жекешелендіруге, оқушының өзін-өзі бақылауына мүмкіндік туғызады (монитордан тапсырманы орындар кезінде жіберілген қателер мен қол жеткен нәтижелері туралы хабарды көріп дер кезіндегі нұсқауды, көмекті және еске түсіруші сілтемелерді және т.б көруге болады). Сонымен қатар, бұл кезде оқытудың мынадай психологиялық аспектісінің маңызы зор екендігін ескеру қажет:

• Оқушылар бірден өзінің әрекеттерінің нәтижелерін сәйкес талдауларымен ұсыныстарымен бірге көреді.

• Компьютермен жұмыс істеу - оқушының шығармашылық қабілеттерін дамытып, оның абстактілік ойлауын, жалпы мәдениетінің деңгейі мен ықыласын дамытады.

Бұл жерде информатика пәнінен бағдарламалық қамсыздандыру қазақ тілінде жеткіліксіз болғандықтан оқытатын бағдарламаларды өз күшімізбен жасау қажеттігін ұсынып отырмын. Осындай оқыту бағдарламаларын құру кезін оқу бағдарламасын құрастырудағы дәстүрлі технологияларға сүйендім. Соның бірі тест бойынша оқушылардың білімін тексеру. Өзім сабақ беретін информатика пәні бойынша барлық өзіндік және бақылау жұмыстарын тестік жүйемен алып келемін. Қазіргі уақытта тесті қолдану негізгі проблемалардың бірі болып отыр. Өйткені соңғы жылдары жоғарғы орындарына түсуіне дайындық түрінде әр сабақта да тесті қолдану керек.

Информатикадан жетістікке жету тесттерін қолдану, оқушыларды пән бойынша даярлауда әртүрлі оқыту әдістемесін, оқулықтарды және қолданбалы программалар пакетін салыстыру сияқты әдістемелік мәселереді шешуге елеулі әсер етеді. Информатикадан оқыту нәтижелерін бағалау үшін тест тапсырмаларын жасау және қорытынды тесттерді құру мәселелері туындайды.

Тест- оқушының білімін, біліктілігі мен дағдысын бақылаудың немесе оқушы білімінің бір сапалық қасиеті бар - жоғын тексерудің ерекше түрі болып табылады. Көп жұмыстарда - «тест» ұғымы анықталады. «Тест» (ағылшынша - байқау, зерттеу, сынау) психология мен педагогикада сыналушының білімін, біліктілігін және дағдысын сонымен қатар стандартталған тапсырмалдардың орындалу қорытындысы бойынша өлшеу дегенді білдіреді.

Оқыту барысында бақылау тестілерін тақырыптық, қорытынды, күнделікті сабаққа пайдалануға болады. Тестік бақылау арқылы оқушының өткен материалды қалай меңгергенін, алған білімін есеп шығаруда қалай пайдаланатынына көз жеткізуге болады.

Тесттік бақылауды сабақта пайдаланудағы мақсат:

• Оқушылардың теориялық білімдерін арттыру,

• Компьютерде жұмыс істеу үшін тәжірибелерін дағдыландыру,

• программалау тілдерін меңгеріп, біліктерін арттыру болып табылады

Тесттік жүйенің артықшылығы:

1. Қайталау кезінде оқу материалын жан-жақты игеруді қамтамасыз ету үшін белгілі математикалық ұғымдарды еске түсіреді;

2. Формулалар мен теоремаларды қатесіз жазуға үйренеді;

3. Программалау тілін меңгеріп, дұрыс жазуға бейімделеді.

Сондықтан мұндай тест бақылау жұмыстарын әр сабақ барысында қолданудың пайдасы мол деп есептеймін.

Тест- оқушының білім дәрежесінің қандай екендігін анықтайтын және ол білімді түрлі жағдайларда қолдана білуін тексеруге мүмкіндік беретін тиімді жолдардың бірі.

Тест компьютерде жүктеліп жіберілгенде экран бетінде тест тақырыбы шығады. Одан кейін сыналушы оқушы өзінің аты-жөнін енгізіп, тест сұрақтарына жауап берген соң, қорытынды баға анықталады. Оның ең бірінші тіимді жағы уақытты үнемдеп, оқушының білімін компьютердің өзі бағалап отыруы, ал екінші жағынан олардың қызығушылығын арттыру болып табылады.

Кездейсоқ алынған тапсырмалар жиынтығын тест деп қарастыруға болмайды, тест оқушы білімін нақты өлшеу құралы ретінде қолданып, қатал және нақты әдістемелік талаптарды анықтау мәселелердің бірі екені даусыз. Информатика курсы бойынша оқушылардың білімін бақылау барысында тесттің жабық түрімен қатар басқа да түрлерін араластыра қолдану оқушылардың білім сапасын жан-жақты және толық тексеруге мүмкіндік береді, сонымен оқушылардың пәнге деген қызығушылығын арттыра түседі.

Тест оқушылардың білім деңгейін анықтауға, мұғалім әдістемесінде жіберілген олқылықтарды ашып көрсетуге, білім беру жүйесінде оқушылармен жеке жұмыс жүргізуге, әр түрлі салыстыруға мүмкіндік туғызады.