Модель - нақты нысанның маңызды қасиеттерін көрсету 6 сынып

Күні:22.12.15

Пәні

информатика

Джалмаганбетова Р

6 «а, ә, б, в, г» сыныптар

Оқу-ісінің меңгерушісі

____________Сарғожаева А

Тақырыбы

Модель - нақты нысанның маңызды қасиеттерін көрсету.

Жалпы мақсаттар

Оқушыларға модель және модельдеу ұғымдары туралы түсініктеме беру.

Оқушыларды модель құруға дағдыландыру,пәнге деген қызығушылығын дамыту.

Түйінді идеялар

Модель және модельдеу ұғымдарын таниды

Әдіс-тәсілдер

Топпен, АКТ, кері байланыс.

Күтілетін нәтиже

Ақпараттық модельдердің түрлерін айырып таниды. Берілген сызбанұсқадағы терминдердің байланысын анықтайды.

Сабақтың типі

Жаңа білімді меңгерту сабағы

Сабақтың көрнекілігі

Интерактивті тақта, оқулық, слайд

Сабақтың жоспары

Мұғалімнің іс-әрекеті

Оқушының

іс-әрекеті

Топқа бөлу

Бойымен тұрғызып топқа бөлу

Топ ережесін құру

Бойы бойынша топқа бөлініп отырады

Үй тапсырмасын тексеру

1. Алгоритм дегеніміз не?

2. Алгоритм түрлері?

3. Алгоритм жазу түрлері?

4. Сызықтық алгоритм дегеніміз не?

5. Тармақталған алгоритм дегеніміз не?

6. Циклдік алгоритм дегеніміз не?

7. Блок -схема деген не?а деген не?

8. Шарт дегеніміз не?

топ болып өздерінің ойларын айтады.

Жаңа сабақ

Адамдар күнделікті өмірде модельді жиі қолданады. Ол үшін адам модельді ой елегінен өткізіп, бейнесін, көрінісін, үдерісін көз алдында елестетеді.

Модель - зерттеліп жатқан нысанның, құбылыс немесе процесстің маңызды ерекшеліктерін қамтып көрсететін әлдебір жаңа нысан.

Моделдеу - модельдерді құру мен зерттеуге бағытталған таным әдісі, яғни нысандарды құру және тану арқылы зерттеу.

Модельді құрастырудың бірнеше себептері бар.

1. Шынайы өмірде модельдің түпнұсқасы болмауы мүмкін немесе мүлдем болмаған. Мысалы: динозаврдың жойылу теориясы, «ядролық қыстың» моделі.

2. Түпнұсқа бірнеше қасиетке ие болуы мүмкін. Мысалы, жергілікті жердің картасы, тірі ағзалардың моделі.

3. Түпнұсқасы өте кішкентай немесе өте үлкен болуы мүмкін. Мысалы, атомның, глобустың, Күн жүйесінің модельдері.

4. Үдеріс өте тез немесе өте баяу өтуде. Мысалы, іштен жану қозғалтқышының моделі, геологиялық модельдер.

Модель- шынайы нысанды, үдерісті немесе құбылысты айрықша көрсететін, жаңаша ықшамдалған нысан.

Мысалы, қуыршақ- адамның моделі. Қыз бала қуыршақты ұйықтатады, киім кигізеді, оған қамқор болады. Бұл жерде қуыршақ моделі адамның рөлін орындайды.

Бір заттың бірнеше моделі болуы мүмкін. Мысалы, балық моделі- балық түріндегі жылтыр қармақ, арнайы қағаздан жасалған балық.

Модельдеу- бұл нысандарды, үдерістер мен құбылыстарды зерттеу мен жобалауға негізделген модельдерді құру.

Нысандарды, үдерістер мен құбылыстарды модельдеуге болады.

1. Нысандар: архитектуралық құрылымдардың көшірмесі, глобус, балалар ойыншықтары, көрнекі құралдар және т.б.

2. Құбылыстар: су тасқынының, жер сілкінісінің, көшкіннің модельдері және т.б.

3. Үдерістер: әлемнің даму моделі, экономикалық үдерістер моделі, экологиялық үдерістер моделі және т.б.

Сергіту сәті.

Қол саусақтарына арналған жаттығулар

• Алақанды уқалау.

• Қолды қысу

• Білезіктен айналдыру

Көзге арналған жаттығулар.

• Көзді бірнеше рет жыпылықтату.

• Көзіңмен ақырын оң жаққа, жоғары, солға, төмен қарай

3-4 рет айналым жаса

Жаттығуды

орындарында отырып орындау.

Сабақты бекіту

1. Модель деген не?

2. Моельді құрастырудың қандай себептері бар?

3. Модельге мысал келтір.

4. Модельдеу дегеніміз не?

5. Нені модельдеуге болады?

Топтық жұмыс, орындалған тапсырмалар тақтада бейнеленеді

Бағалау кезеңі

Оқушылардың пікірімен санаса отырып бағалайды

Бір-бірін бағалайды.

Үйге тапсырма

Мұғалім үй тапсырмасын жариялайды.

Күнделіктеріне үйге берілген тапсырманы жазып алады.