Вирусқа қарсы бағдарламалар сабақ жоспары 6-сыныпқа арналған

Ашық сабақ

Пәні: Информатика

Күні:

Сабақтың тақырыбы: Ақпаратты қорғау. Вирусқа қарсы программалар

Сабақтың мақсаты:

1. Білімділік: Оқушыларға тақырыпты өз бетінше түсінуге қолайлы жағдай тудыру, жаңа тақырыпты ұғындыру негізінде информацияны қорғау, компьютерлік вирус, антивирустік программалар ұғымдарына түсінік беру. Антивирустік программаларды қолдану, компьютерді комплекстік профилактикалық қорғау шараларын үйрету.

2. Тәрбиелік: Оқушыларды осы тақырып бойынша информатикалық

терминдерді дұрыс айта білуге үйрету.

3. Дамытушылық: Оқушылардың есте сақтау және логикалық ойлау қабілеттерін дамыту пәнге деген қызығушылығын арттыру.

Сабақ түрі: Жаңа сабақ.

Көрнекілігі: Оқулық, слайд, үлестірмелі карточкалар.

Сабақтың барысы:

І. Ұйымдастыру кезеңі.

ІІ. Мақсат қою кезеңі.

ІІІ. Материалды түсіндіру кезеңі

ІV. Жаңа сабақты түсінгенін тексеру кезеңі.

V. Бекіту кезеңі.

VI. Қорытындылау.

VII. Үйге тапсырма беру, бағалау

І. а) Оқушылармен амандасу

ә) Түгендеу

б) Назарларын сабаққа аудару.

ІІ. а) Вирусқа қарсы программалар

ә) Компьютерлік вирустан емдеу жолдары таныстыру.

ІІІ. Жаңа сабақ. Оқушыларға сұрақтар қою арқылы жаңа тақырыптың мақсатын анықтау.

• Балалар, адамдар ауырған сияқты компьютерлер де ауырады, олар көбінесе жұқпалы аурулар сияқты. Бұл ауруларды компьютерлік вирустар деп атайды.

Қазіргі заманда ел аузынан «Компьютеріме вирус түсті», «компьютерім вирустан ұшып кетті» т.с.с сөздерді естуге болады. Бұл не деген сөз? Компьютерге вирус қайдан түседі? Вирус түссе не істеміз? /проблемалық ситуация/

Компьютерлік вирус - арнайы жазылған «көбейуге» және басқа программаларға «жұғуға» қабілетті, шағын көлемді (200 ден 5000 байтқа дейін) зақымдаушы программа. Ол өздігінен басқа программалар соңына немесе алдына қосымша жазылады да, оларды "бүлдіруге" кіріседі, сондай-ақ компьютерде тағы басқа келеңсіз әрекеттерді істеуі мүмкін. Ішінен осындай вирус табылған программа "ауру жұққан" немесе "бүлінген" деп аталады. Адамдарға жұқпалы аурулар бөгде ауырған адамдардан жұғады. Ал компьютерге «зақымдалған» дискета немесе «зақымдалған» файл арқылы түседі. Өзінің жабысқанын жасыру мақсатында вирустың басқа программаларды бүлдіруі және оларға зиян ету әрекеттері көбінесе сырт көзге біліне бермейді. Оның кері әсері белгілі бір шарттарды орындағанда ғана іске асады. Вирус өзіне қажетті бүлдіру әрекеттерін орындаған соң, жұмысты басқаруды негізгі программаға береді, ал ол программа алғашында әдеттегідей жұмыс істей береді. Сөйтіп, ол программа бұрынғы қалпынша жұмысын жалғастырып, сырт көзге "вирус жұққандығы" білінбейді.

Вирустың зиянды іс-әрекеттері алғашқы кезде жұмыс істеп отырған адамға байқалмайды, өйткені ол өте тез орындалып әсері онша білінбеуі мүмкін, сондықтан көбінесе адамдардың компъютерде әдеттегіден өзгеше жағдайлардың болып жатқанын сезуі өте қиынға соғады.

Ең қауіпті вирустарға резиденттік түрде жедел жадта сақталып, орындалатын әрбір программаны зақымдап отыратындары жатады.

Әдетте әрбір вирус түрі файлдың бір немесе екі типіне (түріне) ғана "жүғады". Көбінесе бірден орындалатын файлдарға "жүғатын" вирустар жиі кездеседі. Файлдарды зақымдайтын мұндай вирустарды файлдық деп атайды.

Соңгы кезде вирустің жаңа түрлері - дискідегі файлдық жүйені өзгертетін вирустар көбейіп таралуда.

Кез келген программаны іске қосқанда дискіден бірінші вирус оқылады да, ол түрақты ЭЕМ жедел жадында сақталып файлдарды өңдейтін ВОЗ программаларына жабысады.

Қазіргі кезде 50-мыңнан астам вирус бар. Олар үш бөлікке бөлінеді:

1. Мекендеу ортасы бойынша: Желілік, файлдық, жүктейтін.

2. Зақымдау әдісі бойынша: Резиденттік, резиденттік емес.

3. Зиянсыз, қауіпсіз, қауіпті, өте қауіпті болып бөлінеді

Вирустың пайда болуынан компьютерде мынандай өзгерістер болады:

Біраз уақыт өткен соң, компьютерде әдеттегіден тыс, келеңсіз құбылыстар басталғаны білінеді, олар, мысалы, мынадай іс-әрекеттер істеуі мүмкін:

• кейбір программалар жұмыс істемей қалады немесе дұрыс жұмыс істемейді;

• экранға әдеттегіден тыс бөтен мәліметтер, символдар;

1. компьютердің баяу жұмыс істеуі.

2. жұмыстың тоқталуы

3. файлдар мен қапшықтардың жоғалуы.

4. файлдардың өлшемдерінің өзгеруі.

5. дискіде файлдардың санының кенеттен өзгеруі.

6. ОЖ бос орынының өлшемінің кішіреюі

7. компьютер жұмысының жаңылысуы.

• Вирусты кім жасайды, олар қайдан пайда болады?

1 жолы: Оларды білікті бағдарламашылар қызғаныш, кектену, мансапқұмарлық мақсатында, басқа бәсекелес фирмаларына зиян келтіру үшін;

2 жолы: Антивирустық бағдарламаларды сатудан ақша табу мақсатынан жазады.

• Адамдардың жұқпалы аурулары әр түрлі болады. Сондықтан әсер ету дәрежесіне байланысты компьютерлік вирустар әр түрлі болады.

• қауіпсіз

• қауіпті

• өте қауіпті

"Ауырған" дискілерді дұрыс қалпына келтіру үшін тек арнайы

антивирустік программалар қажет

Компьютерлік вирустан емдеу жолдары.

Олармен күресу үшін вирусқа қарсы программалар жазатын мамандар бар, Д.Лозинский, Д.Мостовой, А.Данилов және т.б.

Вирустарды табуға және жоюға мүмкіндік беретін программалар антивирустық программалар деп аталады. Бұл программалар вируспен зақымдалған файлдарды тауып қана қоймай, оларды емдейді де оны зақымдалған уақытына дейінгі қалпына келтіреді. Ең көп тараған Aids test, Skan6 Norton AntiVirus, Doctor Wep және Касперски программалары.

/Вирус жұққан флэшка немесе дискетті антивируспен «емдеп» көрсету/

ІV. Сынып жұмысы.

1. Вирустардан қорғайтын программа.

2. Вирустарды тауып қана қоймай, оның кодасын жұқпалы программадан

жоятын программа?

3. Программаларды зақымдайтын шағын программа.

4. Программалық құралдар кешеніндегі қателіктерді пайдаланатын вирустар?

5. Ең кеңінен тараған вирусқа қарсы программа?

^в

^и

^р

^у

^с

V. Сабақты бекіту

Дебат өткізу. " Компьютерлік вирустар"

Сыныпты екі топқа бөлеміз. І топ (жақтаушы),

2 топ (даттаушы)

Төмендегі сұрақтарға оқушылар өз ойларын айтады.

1. Компьютерлік вирустар керек пе, жоқ па?

2. Компьютерлік вирустардың пайдасы, зияны?

VІ. Қорытынды.

Адам мен компьютердің жұқпалы ауруларын салыстыр.VІI. Үйге тапсырма, бағалау

Үйден вирусттың таралу жолдары мен шығу тарихы жайлы

Реферат жазып қорғау.

Ең қызықты ақпаратты жаттап келу.

Үш тілде оқытатын мамандандырылған дарынды

балаларға арналған сыныптары бар

"Мұрагер" мектебі

«Математика, физика және информатика»

әдістемелік бірлестігі

Тақырыбы: Ақпаратты қорғау. Вирусқа қарсы программа.

Сыныбы: 6 «ә»

Мұғалім: Сапар А.К.

2015 жыл