Сабақ жоспары 'Алмасу буфері' 5 сынып

Күні: ____________

Сыныбы:_________

Сабақтың тақырыбы: Алмасу буфері

Сабақтың мақсаты: Оқушыларға нысандардың алмасу буферін үйрету.

1. Білімділік: Алмасу буферінің атқаратын қызметтерін түсіндіре отырып үйрету

2. Дамытушылық: Оқушыларға әрекеттерді орындау кезеңдерімен таныстыру.

3. Тәрбиелік: Оқушылар информатика кабинетінде техникалық қауіпсіздік ережесін сақтау және еңбекке баулу.

Сабақ түрі: Аралас сабақ

Сабақта қолданылатын көрнекті құралдар: Компьютерлер, информатика мен есептеуіш техника негіздері әдістемелік нұсқау бағдарламалары.

Сабақтың өту барысы:

1. Оқушыларды ұйымдастыру

2. Жаңа тақырыпты түсіндіру

3. Сабақты бекіту

4. Үйге тапсырма

Үй жұмысын сұрау

1. Терезедегі барлық нысандарды жылжыту тәсілдерін атаңыз.

2. Шектес нысандар дегеніміз қандай нысандар?

3. Нысандарды тінтуірмен жылжыту жолдары қандай?

4. Терезедегі барлық нысандарды ерекшелеу тәсілін атаңыз.

Жаңа сабақ

Нысандарды жылжыту мен көшірудің басқа тәсілдері алмасу буферін пайдаланады.

Алмасу буфері дегеніміз - компьютер жедел жадының Windows нысандарын уақытша сақтауға болатын арнайы аймағы.

Алмасу буферінің көмегімен көшіру үшін екі бұйрық орындалады: Көшіру (копировать) және Кірістіру (вставить). Алмасу буфері көмегімен нысандарды жылжыту және көшіру тәсілдері.

1. Мәзірдің Реттеу (упорядочить) пункті

2. Констекстік мәзір

3. Пернетақта

Түйін:

• Компьютерде жұмыс істеу барысында нысандарға көбіне мына амалдар қолданылады: көшіру, орын алмастыру, жою, атын ауыстыру.

• Кез келген амалды орындау үшін Windows жүйесінде әртүрлі бірнеше тәсіл қарастырылған.

• Windows - тегі нысандарды жою үшін жасалған арнайы «қауіпсіз» құралы - қоржын. Нысандар қоржынға жойылғанда қатты дискіден алынылып тасталмайды, олар тек «жойылған» деп белгіленеді.

• Windows - тегі нысанмен жұмыс тінтуір мен пернетақтаны , контекстік мәзірдің бұйрықтарын, терезе мәзірінің бұйрықтары арқылы орындалады.

• Қоржындағы жойылған нысанды қайта қалпына келтіруге болады.

Бекіту: Тапсырма: а деңгейі

1. D: дискісінде Оқыту пәндері атты бума құрыңдар.

2. Оқыту пәндері бумасының ішінде Информатика, Әдебиет, Математика бумаларын құрыңдар.

3. Оқыту пәндері бумасының мөлшерін анықтаңдар.

4. Өздеріңнің бумаларыңның ішіндегі бірнеше файлдың аттарын өзгертіңдер.

В деңгейі

1. Менің құжаттарым бумасында Оқушы бумасын құрыңдар.

2. Оқушы бумасында 1-мысал және 2- мысал бумаларын құрыңдар.

3. 1-мысал және 2-мысал бумаларының көшірмесін жасаңдар.

4. 1-мысал және 2-мысал бумалары көшірмелерінің атауларын сабақ1 және сабақ2 деп өзгертіңдер.

5. 1-мысал бумасын 2-мысал бумасына жылжытыңдар.

6. Өз бумаларыңның мөлшерін анықтаңдар.

7. Кез келген екі файл үшін жарлық құрыңдар және оларды Жұмыс үстеліне орналастырыңдар.

8. Жарлықтың көмегімен файлдардың бірін іске қосыңдар.

9. Жұмысты көрсету.

10. Өз бумаларың мен файлдарыңның жарлықтарын жойыңдар.

11. Қоржынды тазалаңдар.

Жаңа сабаққа байланысты сұрақ жауап беру арқылы жаңа сабақты қорытындылау.

Сабақты қорытындылау: Алмасу буфері. Алмасу буфері көмегімен нысандарды жылжыту және көшіру.

Үй тапсырмасын беру: Бүгінгі өтілген тақырыпты мазмұндап келу.

Бағалау: Оқушылардың біліміне сәйкес бағалау.