Металдардың адам өміріндегі маңызы. Металдардың периодтық жүйедегі орыны. Атом құрылысы (9 класс)

Сынып: 9А

Күні:

Сабақтың тақырыбы:

Металдардың адам өміріндегі маңызы. Металдардың периодтық жүйедегі орны. Атом құрылысы.

Сілтеме

Күнтізбелік-тақырыптық жоспар; Н.Нұрахметов «Химия» 9-сынып

Жалпы мақсаты

Металдардың адамзат қоғамындағы орны туралы мағлұмат беру.Металдардың периодтық жүйедегі орны мен атом құрылысы жөнінде түсінік беру.

Оқу нәтижелері

Металл қосылыстары литосфера мен биосфераның негізін құрайды. Металдар әмбебап конструкциялық материалдар ретінде қолданылады.

Сабақта туындаған негізгі идеялар

Металл атомдары бірігіп, жай заттың кристалдарын түзеді: жай зат түріндегі металдардың кристалдары металдық байланыспен байланысқан бір ғана элементтің атомдарынан, иондарынан, электрондарынан құралады.

Көрнекіліктер

Периодтық жүйе,металл үлгілері

Тапсырмалар

1.Сынып оқушыларын алтын, темір,мыс элементтерін таңдау арқылы үш топқа бөлу.

2. Тақырыпты үш топқа бөліну арқылы өз беттерінше меңгеріп, әр топтан бір оқушы мазмұндап айтады.

3. №5. Мына минералдардың құрамындағы химиялық элементтердің массалық үлестерін есептеңдер:

I топ: әктасындағы кальцийдің;

II топ: пириттегі темірдің;

III топ: куприттегі мыстың.

4. №8-есепті тақтада түсіндіре отырып шығарып көрсетемін.

5. 3-лабораториялық тәжірибе: Металдар үлгілерімен танысу.

Тапсырма: Өздеріңе беріген металл үлгілерінің физикалық қасиеттерін зерттеңдер.

Тәжірибенің орындалуы: Металдардың магнитке тартылуын, салыстырмалы қаттылығын тексеріңдер. Зерттеу нәтижелерін берілген кестеге толтырыңдар.

6. Бағалау.

7. Үйге тапсырма: 4 шағын топтан құрылған оқушыларға мына металдар жөнінде шағын әңгіме дайындау: а) алтын; ә) темір; б) күміс; в) мыс.

№1-7 есептер;

Параграф 28; 29