Урок 'Қазақстан аудандастыру тарауын қайталау'

География пәні бойынша сабақ жоспары

I.Тақырыбы: Саяхат - сабақ. (Қазақстан аумағын физикалық - географиялық аудандастыру тарауын қайталау)

II.Сабақтың түрі және типі: Білімді, іскерлікті және дағдыны бекіту сабағы.

Мақсаттары:

Білімділік:

Оқушылардың физикалық-географиялық білімдерін кеңейту. Қазақстаның әсем жерлерімен таныстыра отырып, білімдерін ұштау.Оқушылардың пәнге деген қызығушылықтарын арттыру.

Дамытушылық:

Оқушының белсенділігі мен іскерлігін арттыру.Топпен жұмыс істеу қабілеттерін кеңейту.Оқушылардың ойлау,бақылау, есте сақтау, сөйлеу қабілеттерін дамыту. Географиялық мәдениет қалыптастыру.

Тәрбиелік:

Өзін - өзі бағалауға үйрету.Оқушыларға табиғатты сүюге тәрбиелеу. Оқушыларға патриоттық тәрбие беру. Елін, жерін сүюге тәрбиелеу.

III.Сабақты жабдықтау:

1.Нөмірлері және атқаратын рөлі жазылған жетондар.

2.Тапсырмаларға арнап төрт бөлікке бөлінген шаңберлер.

3.Сандар жазылған төрт бұрыштар (ойыншыға арналған).

4.Сары («3» бағасы), жасыл («4» бағасы), қызыл («5» бағасы) түсті фишкалар.

5.Шеңберге арналған сілтеме.

6.Үш деңгейдегі тапсырмалар жазылған карточкалар.

7.Компьютер,проектор, экран.

3

2

1

Сабақтың дидактикалық кезеңдері:

1.Ұйымдастыру кезеңі, оқушыларға сабақтың мақсаттарын түсіндіру.Оларды сабаққа әзірлеу.

2. Өтілген оқу материалын қайталап, пысықтау.

3.Жоспар бойынша саяхат - сабақ.

4.Деңгейлік тапсырма орындау. Брейн-Ринг ойыны.

5.Бағалау.

6.Қорытындылау. Үйге тапсырма беру, оны түсіндіру.

Сабақтың жүру барысы:

1. Ұйымдастыру кезеңі.

2. Өтілген тарау бойынша оқу материалын қайталап, пысықтау бекіту.

3. Саяхат - сабақ. Слайд көрсету:

1-слайд.Қарақия ойпаты

2-слайд.Тұран жазығы

3-слайд. Баянауыл тауы

4-слайд.Көкшетау тауы.

5-слайд. Алтай тауындағы қатпарлы жартас.

6-слайд. Іле Алатауы.

7-слайд.Тянь-Шань тауындағы Хан- тәңірі шыңы.

4.Деңгейлік тапсырма орындау. Брейн-Ринг ойыны.

I үстел

I деңгейлік тапсырма cұрақтары:

1).Арал теңізінің экологиялық проблемалары:

Жауабы:Соңғы 40жылда суармалы жерлер кеңейді.Су қоймалардың пайда болуы аралдың аумағын, суын азайтты, оның 2 бөлінуіне әкелді.Бұл

2 көлдің арасын бөліп тұрған құрғақ жердің ауданы жылдан - жылға

ұлғаюда.

2).Каспий теңізінің экологиялық проблемалары:

Жауабы: Мұнай мен газдың өндірілуіне байланысты тіршілік дүниесінің өзгеруі, балықтардың қырылуы,Азғыр полигонының ұзақ уақыт бойы жұмыс істеуіне байланысты тұрғын халықтардың денсаулығының күрт нашарлауы

3).Қазақстан топырақтарының үш зонасына сипаттама беріңдер.

Жауабы: 1. Қара топырақ- 9,5%. 2.Қара қоңыр топырақ-34%. 3. Қоңыр,

сұр қоңыр топырақ-44%.

II деңгейлік тапсырма cұрақтары:

1.Сарыарқаның тау жыныстарын атаңдар.

Жауабы:Гранит, порфирит, тақтатас, кварцит, құмтас.

2.Палеозой эрасында қандай таулар түзілген? Жауабы: Герцендік және Мезозойлық.

III деңгейлік тапсырма cұрақтары:

1.Қазақстандағы ең терең жер қалай аталады?

Жауабы: Қарақия ойысы.

II үстел

I деңгейлік тапсырма cұрақтары:

1.Шығыс Еуропа жазығының геологиясы мен жер бедеріне сипаттама беріңдер.

Жауабы:Платформа - архей, протеразойда қалыптасқан. Жер бедерінің ерекшеліктері:1) Жалпы Сырт. 2) Жем Орал алды үстірті. 3). Каспий маңы ойпаты деп бөлінеді.

2.Тұран жазығының жер бедер ерекшеліктерін атаңдар.

Жауабы: Маңғыстау таулы өлкесі,Торғай үстірті, Арал маңы Қарақұмы, Қызылқұм, Мойынқұм, Бетбақдала.

3.Сарыарқаның пайдалы қазбалар кендерін атаңдар.

Жауабы: Көмір - Қарағанды, Екібастұз. Мыс-Жезқазған,Балқаш.Марганец-Атасу, Темір-Қаражал.

II деңгейлік тапсырма cұрақтары:

1.Шығыс Еуропа жазығының географиялық орнына сипаттама беріңдер.

Жауабы:Жазықтың оңтүстік - шығыс бөлігі,ҚР-ның солтүстік батысында орналасқан.Мұғалжар,Үстірт, Маңғыстаумен шектеседі.

2.Сарыарқаның геологиясы.

Жауабы: Палеозойдың магмалық, шөгінді жыныстарынан құралған аласа таулы аймақ.

III деңгейлік тапсырма cұрақтары:

1.Орал тауының жалғасы Қазақстанда қалай аталады?

Жауабы: Мұғалжар.

III үстел

I деңгейлік тапсырма cұрақтары:

1.Қазақстандағы жазықтар абсолюттік биіктіктеріне қарай неше түрге бөлінеді және оларды атаңдар.

Жауабы: 3 түрге бөлінеді,олар ойысты, ойпатты,қыратты.

2.Ш.Уалихановтың зерттеген жерлерін атаңдар.

Жауабы: Жоңғар Алатауы мен Іле өңірін зерттеген.Балқаш пен Алакөлдің ұқсастығын дәлелдеген.

3.Мемлекеттің табиғи қорық қорының қызметі қандай?

Жауабы: Экологиялық, ғылыми және мәдени жағынан ерекше құнды, мемлекеттік қорғауға алынған аумақтарының жиынтығы.

II деңгейлік тапсырма cұрақтары:

1.Сарыарқаның өзендерін атаңдар.Жауабы:Есіл, Нұра,Сарысу.

2.Шығыс Еуропа жазығының шөл, шөлейт табиғат зоналарының топырағына сипаттама беріңдер.Жауабы:Топырағы ашық қара, қоңыр саздақты, сор, сортаң.

III деңгейлік тапсырма cұрақтары:

1.Батыс Сібір жазығын басып өтетін 3 ірі өзен. Жауабы:Ертіс,Есіл, Тобыл.

5.Сайысты қорыту. Оқушыларды бағалау.

6.Қорытынды.

7.Үйге тапсырма беру, оны түсіндіру.Үйге тапсырма: Қазақстанның жазықтары мен ойпаттарындағы қорғауға алынған жануарлар мен өсімдіктер туралы деректер жинақтау.

8. Сабақтың аяқталуы.