Открытый урок на тему 'ТМД елдеріне жалпы шолу' 10 сынып

Сабақтың тақырыбы: ТМД елдеріне жалпы шолу.

Сабақтың мақсаты:

1. ТМД елдерінің құрамын, пайда болуының қысқаша тарихын, ішкі және сыртқы экономикалық байланыстарымен, Қазақстан экономикасындағы ТМД елдерінің ролімен таныстыру.

2. Қызығушылықтарын арттыру, дүниетанымдарын кеңейту.

3. Патриоттық тәрбие беру.

Сабақтың түрі: аралас сабақ

Әдіс-тәсілдері:

1. түсіндіру

2. сұрақ-жауап

3. презентация

4. үлестірмелі материалмен жұмыс

5. кескін картамен жұмыс

Көрнекілік: презентация, үлестірмелі материалдар

Барысы:

І. Ұйымдастыру кезеңі.

1) сәлемдесу

2) ай-күнін, тақырыпты жазу

ІІ. Үй жұмысын тексеру.

• Халықаралық туризм жайлы не білесіңдер? Ол қай мемлекеттерде жоғары дамыған?

• Халықаралық туризмнің салаларының бірі тау шаңғысы туризмі жайлы не білесіңдер?

• Теңіз жағалауындағы курорттар қай аудандарда жақсы дамыған?

• Туристік нысандардың бірі болып саналатын қалалар жайлы не білесіңдер?

• Діни орталықтарға құлшылық ету халықаралақ туризмнің айрықша түрі. Мұндай орталықтар қай жерлерде бар?

• Рефераттар тексеру, қысқаша мағлұмат беру.

ІІІ. Жаңа сабақ.

А) - Балалар, бүгінгі біздің өтетін тақырыбымыз «ТМД елдеріне жалпы шолу»

- Осыған дейін ТМД елдері жайлы не естідіңдер?

Ол қашан құрылды? Қандай жағдайда?

(Слайдтар бойынша жаңа сабақты түсіндіру)

- ТМД елдерінің құрылу тарихы қысқаша:

• 1991 жылы 12 желтоқсанда Ашхабад қаласында Орта Азия мемлекеттері мен Қазақстан басшыларының кездесуі болып өтті.

• 1991 жылы 8 желтоқсанда Беларусь, РСФСР және Украина республикалары Минск қаласында кездесті

• 1991 жылы 21 желтоқсанда Алматыда 11 мемлекет өкілдері қатысқан кездесуде тең құқықтық жағдайда ТМД құрылғандығы жөнінде шартқа қол қойылды.

• 1993 жылы ең соңғы болып Грузия қосылды

- ТМД құрамына қандай мемлекеттер мүше?

• Бұл одақтың құрамында 11 мемлекет бар: Ресей, Қазақстан, Беларусь, Украина, Молдова, Армения, Әзірбайжан, Түрікменстан, Өзбекстан, Қырғызстан және Тәжікстан.

• Түрікменстан Республикасы Тәуелсіз Мемлекеттер Достатастығының құрамына бақылаушы ретінде енеді.

• 2009 жылдың 18 тамызынан бастап Грузия ресми түрде ТМД құрамынан шықты.

• Штаб-пәтері - Минск қаласында (Беларусь)

• Тәуелсіз Мемлекеттер Достастығының құрылу мақсаты:

• Барлық мүше мемлекеттердің ортақ экономикалық кеңістікте тұрақты дамуын қамтамасыз ету

• Саяси, экономикалық, экологиялық, әлеуметтік және мәдени қарым - қатынас жасау

• Адам құқығының сақталуы мен қорғалуын қамтамасыз ету

• Халықаралақ және әлемдік қауіпсіздікті қамтамасыз ету

• Мемлекеттер арасындағы қақтығыстар мен келіспеушіліктерді бейбіт жолмен шешу

• ТМД құрамындағы мемлекеттердің атауы, астанасы, Президенті, Елтаңбасы, Туы слайдтарда көрсетіледі.

1)Ресей - Мәскеу

2)Қазақстан - астана

3) Беларусь - минск

4) Украина - Киев

5) Молдова - Кишинев

6)Армения - Ереван

7) Әзірбайжан - Баку

8) Түрікменстан - Ашхабад

9) Өзбекстан - Ташкент

10)Қырғызстан - Бішкек

11) Тәжікстан - Душанбе

Ә) дәптермен жұмыс

- ТМД құрамына енетін мемлекеттердің тізімін, астанасын жазу

- ТМД құрылу уақытын, штаб- пәтерін, председателін жазу.

Б) кескін картамен жұмыс

Кескін картаға ТМД елдерінің шекарасын қызыл түспен белгілеп, астаналарын жазу (жинап алып бағалау, 1-2 оқушыны ортаға шығарып айтқызу)

ІV. Қорытындылау

А) сұрақ-жауап

- Сонымен, ТМД құрамына қанша мемлекет кіреді?

- Ол қашан құрылды?

- Одақтың мақсаты не?

- Штаб - пәтері қай қалада?

Ә) тест тапсырмаларын орындау (ауыстырып бірін - бірі тексеру, бағалау)

Жауаптары:

1. В

2. А

3. С

4. А

5. С

6. В

7. Д

8. В

9. В

10. А

V. Үйге тапсырма.

А) § 44 оқу

Ә) ТМД мен Қазақстанның арасындағы экспорт көлеміне дөңгелек диаграмма құрастыру.

VІ. Бағалау

Қазақстан Республикасының Білім және ғылым министрлігі

Донской орта мектебі

Ашық сабақтың тақырыбы:

Өткізген: Рахимжанова Б.Т.