Оңтүстік Америка материгінің халқы мен елдері

«Ескелді ауданы әкімдігінің

Қаблиса жырау атындағы орта мектебі

мектепке дейінгі шағын-орталығымен»

коммуналдық мемлекеттік мекемесінің

география пәнінің мұғалімі

Алпарова Маржан Султанбековна

Сынып : 7

Сабақ тақырыбы : Оңтүстік Америка материгінің халқы мен елдері

Сабақтың мақсаты: Оңтүстік Америка материгінің елдерінің географиялық орны, халқының ұлттық құрамы туралы нақты білім бере отырып, географиялық байланысты аша білуге дағдыландыру.
Сабақтың міндеттері: 1. Оңтүстік Америка материгінің елдерінің географиялық орны жайлы түсінік қалыптастыру .

2. Оңтүстік Америка маптеригінің халқының ұлттық құрамы жөнінде мағлұмат алу

3. Оңтүстік Американың дамыған мемлекеті Бразилия мемлекеті жайлы ұғым қалыптастыру.

Оқыту нәтижелері: Картамен жұмыс жасай отырып, Оңтүстік Америка материгінің халқы және елдерімен танысқан тұлға.

Сабақтың түрі: жаңа сабақ

Түйінді идеялары: оқушы іздене біледі, жан-жақты болады.

Пайдаланған құралдар:

Д.ж. саяси картасы,оқулық атласы, Оңтүстік Америка материгінің халқының суреттері және қалалардың, мемлекеттердің cуреттерінен слайд

Сабақтың барысы :

І. Ұйымдастыру кезеңі оқушылармен амандасу, түгендеу, (1 минут)

ІІ. Жаңа сабаққа дайындық кезеңі (3 минут)

Мұғалім оқушыларға бүгінгі сабаққа көтеріңкі көңіл-күй және сәттілік тілейді. Оқушылар жылулық шеңберін құрады, шеңберде тұрған сәтте мұғалім бірнеше сұрақтар қояды. Сол сұрақтарға жауап беру арқылы оқушылардың назарын сабаққа аудару. Оқушылар орындарына отырады. Оқушылар орындарына отырғанда мұғалім оқушылардың барлығының назарын интербелсенді тақтаға аударуларын сұрайды.

Балалардың барлығы тақтаға қарайды. Тақтада батыс жарты шар материктерінің картасының суреті, батыс жартышардағы Оңтүстік Америка материгінің картасы және Оңтүстік Америка материгінің Бразилия мемлекетінің картасының суреттері беріледі. Батыс жартышар материктері, Оңтүстік Америка материгі және Бразилия мемлекетінің картасының суреттерінен мозайка құру арқылы топқа бөлінеді. Мұғалім «Батыс жартышар материктерінің» суретінен мозайка құраған оқушыларға бірінші қатарға, «Оңтүстік Америка материгенің» суретінен мозайка құрастырған оқушылар екінші қатарға және «Бразилияның» суретінен мозайка құрастырған оқушыларға үшінші қатарға орналасуын тапсырады. Топқа бөлініп отырған соң оқушыларға жаңа сабақ тақырыбын ашу мақсатында сұрақтар қойылады.

1. Қалай ойлайсыңдар неліктен мен әр түрлі карталардың қиындыларын алдарыңа бердім?

2. Оңтүстік Америка материгінің картасын қарай отырып нені байқадыңдар?

3. Неліктен Бразилияның картасын ұсынып отырмын?

Осы сұрақтардың жауабы арқылы жаңа сабақтың «Оңтүстік Америка материгінің халқы мен елдері» екендігі анықталады. Тақырыпқа сәйкес шағын мәліметтер ұсынылады.

ІІІ . Жаңа сабақты меңгеру (15-17 минут)

Өзімнің сөзімді қалай ойлайсыңдар материк халқының ұлттық құрамы қандай? - деген сияқты сұрақ қоюдан бастаймын. Оқушылар жауабын тыңдап блғаннан кейін тақырыпқа қысқаша сипаттама беремін.

Халқы.Адамдар осы материкке бұдан 15-17 мың жылдай бұрын солтүстігіндегі Солтүстік Америка материгінен Панама мойнағы арқылы қоныстанған деген болжамдар бар.Қазіргі кезде материкте 320-млн-нан астам халық тұрады. Халықтың ұлттық және нәсілдік құрамы алуан түрлі болып келеді.

Мәтінді топтар Джигсо әдісі бойынша өзара оқып, талдап, талқылаған соң топтарын алмастырып, келесі топқа өздерінің түсінгендерін жеткізеді.

Батыс жарты шар тобы: Халқының ұлттық және нәсілдік құрамы

Оңтүстік Америка тобы: Материктегі елдер

Бразилия тобы: Бразилия мемлекетіне сипаттама

ІV. Сабақты бекіту (13 минут)

Сабақты бекіту кезінде кластер (топтастыру) әдісі қолданылады.

Бразилия

Елдері

Халқы

V. Сабақты қорыту (5 минут)

1. Сабақты қорытындылау мақсатында «Ақылдың алты қалпағы» қолданылады. Қосымша мұғалім тарапынан сұрақтар қойылады.

- Біздің Қазақстан жерінде қандай нәсілдің өкілдері бар?

- Өзіміздің өлкемізде қандай ұлт немесе нәсіл өкілдері тұрады?

- Біздің Отанымызда нәсілшілдікке бөліну барма?

VІ. Бағалау (4 мин)

Топтар бірін-бірі бағалайды

VІІ. Үйге тапсырма (2мин)

Оңтүстік Америка халқы мен елдері тақырыбын оқу, кескін картаға түсіру