Урок на тему 'Қысым'

Класс: 7 «а»

Сабақтың тақырыбы: «Қысым» тарауы бойынша қайталау.

Сабақтың мақсаты:

• білімділік: Физикалық ұғымдардың мазмұны мен маңызын еске түсіре отырып, теориялық сұрақтарға жауап беруде, эксперименттік тапсырмаларды орындауда, есеп шығаруда қолдана алуға баулу.

• тәрбиелік: Оқушыларды физиканың практикалық маңызын, күнделікті өмірде кездесетін қарапайым физикалық құбылыстарды түсіндіре алуға баулу, физикадан есеп шығару қабілеттерін арттыру.

• дамытушылық: Оқушының логикалық ойлау қабілетін, физикалық ұғымдарды есте сақтау қабілетін арттыруына ықпал ету.

Сабақтың типі: Білімді тиянақтау.

Көрнекілігі: эксперименттік тапсырма материалдары, тест карточкалары, флипчарт, әр түрлі физикалық әдебиеттерден, журналдардан, интернет желісінен алынған суреттер мен иллюстрациялар, тапсырмалар жауабы жазылатын А4 форматында ақ парақтар.

Сабақ барысы:

І. Ұйымдастыру кезеңі.

Сәлемдесу, түгендеу. Оқушылардың құрал - жабдықтарын түгендеу.

Оқушылардың назарын сабаққа аудару. Сабаққа дайындығын тексеру.

ІІ. а) Өткен тақырыпқа қысқаша шолу

Тест сұрақтарына жауап беру

2 тапсырма. Массалары бірдей екі паралелепипед алып, екі түрлі жағдайда орналастырып, олардың қысымын анықтай отырып, қысымның ауданға тәуелділігін дәлелдеу.

3 тапсырма. «Сиқырлы ұяшық». Оқушылар текшені таңдап, берілген суреттерді түсіндіру қажет.

1. Екі стақанның қайсысы жылдам толады? Сұйықтың ағу жылдамдығы сұйық қысымына байланысты, ал қысым тереңдеген сайын ұлғая түседі, өйткені сұйықтың жоғарғы қабаттары төменгі қабатқа қысым түсіреді

2. Видеосұрақ. Ауырлық күші әрекетінен сұйық қысымын түсіндіретін сұрақ.

3. Ұзындығы небәрі 25-30 см пиранья атты балықтан Амазонка суларында мекен ететін барлық тірі организмдер қорқады екен. Ол тіпті адам саусағын жұлып ала алады екен. Не себепті қорқады және қалайша кішкентай балық адам саусағын жұлып алады?

4. Мыңдаған тонналар таситын БелАЗ машиналарының дөңгелектері үлкен етіп жасалған. Не себепті?

5. Суретте екі бөшке берілген. Сұйықтың бөшке түбіне түсіретін қысымы екеуін де бірдей ме?сұйықтың бөшке түбіне түсіретін қысымы түтікше диаметріне тәуелді емес, ол түтікшедегі сұйық бағанының биіктігіне байланысты. Суретте көрініп тұрғандай, биіктігі бірдей болғандықтан, сұйықтың бөшке түбіне түсіретін қсымы бірдей болады.

6. Видеосұрақ. Газ қысымы.

4 тапсырма «Физикалық лото» деп аталады. Оқушылар дұрыс жауабын орнына қою керек.

5 тапсырма. Есептер шығару

1. Күш 200 Н, ал ауданы 2, 5 м² дененің түсіретін қысымын анықта. Жауабы: 80Па

2. Бізді қоршап тұрған ауа барлық денеге 100кПа қысым түсіретін болса, өлшемдері 60см х 80см болатын үстел бетіне қандай күш түсірер еді. Жауабы: 48000Н

3. 200см² ауданға түсірілген күш 100Н болса, қысым қандай болар еді?Жауабы 5000Па

4. Ыдыстағы су бағанының биіктігі 8 см. Су ыдыс түбіне қандай қысым түсіреді. Жауабы 800Па

5. Бетке 3кН күш түсіріп 2к Па қысым алсақ, ауданы қандай болған? Жауабы 1,5м²

Тест.

1. Оқушы өзінің креслоға отырғандағы қысымын анықтамақ болып, барлық уақытын ауданға өзінің күшін бөлумен кетіреді. Сенің ақылың

А) Әрі қарай жалғастыр.

Б) Күшті ауданға бөл.

В) Креслоны мазалағанды қой

2. Сыныптас оқушыңа қысымның қандай бірлікпен өлшенетініне ақыл бер.

А) Ньютонмен

Б) Паскальмен

В) килограмммен

3. Білмеске үйрет: Қысымды қалай өзгертуге болады?

А) Дененің ауданының беті мен күшін ауыстыр.

Б) Бетін әр түрлі маймен майла.

В) Дененің түсін өзгерт.

4. Екінші сынып оқушысы мектеп табалдырығына үлкен қысыммен әсер еткісі келеді. Қандай ақыл бересің?

А) Биік өкше туфли кию.

Б) Шаңғы кию.

В) босқа уақытыңды кетірме...

5. Суға батқан адамды құтқарушыға қандай ақыл бересің?

А) Жұқа мұздың үстімен жалаң аяқ жүгір.

Б) Жұқа мұздың үстімен ақырын жүр.

М) Мұзға ішіңмен жатып жылжы

Есептер

1. Судың, керосиннің, сынаптың 0,6 м тереңдіктегі қысымын анықта

2. Көлемі 6 м³ гранит бағанасының табан ауданы 1,5м² болса, ол Жер бетіне қандай қысым түсіреді?

3. Қар үстінде тұрған шаңғышының салмағы 780Н. Оның әр шаңғысының ұзындығы 1,95м, ал ені 6см. Шаңғышының қар бетіне түсіретін қысымын табыңдар.

Қорытынды

Бағалау