Сабақ жоспары физика пәнінен

Жарық толқындары мен кванттық физика тарауын қайталау

А.Темирова

Облыстық дарынды балалар мектеп - интернаты

Атырау қаласы

Сабақтың мақсаты :

Білімділік . Оқушының тарау бойынша алған білімдерін қайталау, теориялық және практикалық білімдерін пысықтау.

Дамытушылық : Оқушыларды өз бетімен ізденуге, білімін шығармашылық тұрғыдан дамытуға, пікір таластырып, ой - өрісін дамытуға, өз бетімен қорытынды жасауға үйрету.

Тәрбиелік : Ұқыптылцыққа, іскерлікке, ынтымақтастыққа, топпен жұмысқа баулу.

Сабақтың типі: Білімді жинақтау, жүйелеу.

Пәнаралық байланыс : математика, химия, биология, т.б.

Сабақтың барысы :

І . Ұйымдастыру кезеңі

2. Сабақтың мақсатын түсіндіру. 2 топтың оқушыларын бөлу, жетекшілерін, сарапшыларын белгілеу.

3. Әр топ жарықтың таралу қасиеттері

4. Жарықтың әсерлері

5. Қорытынды бағалау

Сабақтың жүрісі : Іскерлік ойынның шартымен таныстырылады. «Жарықтың таралуы» туралы 2 түрлі көзқарасты ұстанған 2 топ құрылады.

1. «Толқын» тобы

2. «Квант» тобы

«Галерея шарлау» стратегиясы бойынша барлық оқушылар жарықтың модулін сызады да сарапшыларға өткізеді.

І кезең: Жарықтың таралу қасиеттерін дәлеледеу.

(Онда теория жүзінде түсіндіретін заңдылықтарды тұжырымдайды)

«Толқын» тобы

• Механикалық толқындардың қасиеттерін қысқаша айтады.

• Жарық табиғатының таралуы туралы ғалымдардың еңбегіне тоқталады.

• Жарықтың интерференциясы

• Жарықтың дифракциясы

• Жарықтың поляризациясы

«Квант» тобы

• Максвеллдің электромагнетизм заңдарының жылулық сәуле шығару спектрінде энергияның үлестірілу заңдарын түсіндіре алмауы

• Планк гипотезасы

• А.Г.Столетов тәжірибесі арқылы фотоэффект құбылысының ашылуы туралы

• А.Эйнштейннің сыртқы фотоэффект құбылысына арналған формуласын шығару. Планк гипотезасының дұрыстығын дәлеледеу

Осы тақырыптардың мазмұнын аша түсу үшін есеп шығарады. (Жарықтың сыну, шағылу заңына, фотоэффект құбылысына) әр топтан жетекшілері тақтаға шығарады. Тақырыпты тереңірек ашу үшін әр топ бір-біріне сұрақ қойып жауап алады.

2 - кезең . Жарықтың әсерлері.

«Толқын» тобы: Жарықтың биологиялық әсерін қарастырады.

• Фотосинтез процесін.

• Мутация туралы.

«Квант» тобы: Химиялық әсері.

• Фотосуретке түсіру туралы.

• Терапевттік, бактериоциттік.

3 - кезең . Жарық сәулесін қолдану.

«Толқын» тобы:

• Шамдардың түрлері мен олардың қолданылуы туралы айтады.

• Фотоэлементті қолдануды тәжірибе жүзінде көрсетеді.

«Квант» тобы

• Оптикалық құралдар (микроскоп, лупа, телескоп, перископтың құрылысы мен қолданылуын көрсетеді).

• ТКОВЛАҚНЫТН сөзге алдымен қызыл сәуле, содан кейін жасыл сәуле түсіру арқылы «толқын», «квант» сөздерін оқытады.

(Әр топтың оқушылары жарықтың таралу қасиеттерін, әсерлерін, қолданылуын айтқан кезде бір оқушы плакатқа кеспе қағаздарды жапсырып тұрады).

Мұғалім кеспе қағаздар жапсырылған плакатқа көңіл аудартады. Алдарыңыздағы суретте жарықтың модулі шықты. Неге ұқсайды? ( Киіз үйге ) өзіміз тіршілік етіп отырған ортада жарықтың барлық қасиеті мен әсерлерін қолдануымыз Жарықтың кванттық теориясы бұл күнге дйін аяқталған жоқ. (Плакатқа есіктің суретін жапсырады). Сендерге ХХІ ғасыр есігін ашып тұр. Жарықтың ендігі ашылмаған қасиеттерін сендер ашуларың керек деп мұғалім сөзін қорытындылайды.

Бағалау кезеңі : Әр топтағы жетекші баға қою критерийлерімен таныстырады,

( теориялық, практикалық, эксперименттік) бағалайды.

Әр оқушы өзінің білімінің сапа мониторингін сызады.

Үйге тапсырма: «Еркін жазу» стратегиясы бойынша алған білімдерін, әсерлерін, түсінгендерін әлі де болса нені білгілері келетінін қағаз бетіне түсіріп жазу.