Конспект урока по казахскому языку для 7 класса 'Қазақ тілінен деңгейлік тапсырмалар'

8 - сынып.

Төменгі деңгей

1. Мына сөздерді сөз құрамына талдаңдар:

Мектептен, барғанды, жазушылықтан, шығады, кітабымда.

2. Көп нүктенің орнына тәуелдік жалғауларын қойып, көшіріңдер:

Менің дәптер…, оның күшіг…, сенің әке…, сіздің бала…, мектептің есіг…, біздің қала…, сендердің кітап…, сіздердің пәтер…, олардың туыс… .

3. Көп нүктенің орнына тиісті жалғауларды жалғаңдар.

Мен Абзал... . Біз егіз... . Мен мұғалім... . Біз дәрігер... . Мен қазақ... . Мен жалқау... . Біз орыс... . Мен жалғыз... . Мен биолог... . Біз осында... . Мен елуде... . Біз үлкен... . Біз жас... . Біз бай... . Мен жұлдыз... . Біз оқытушы... .

4. Берілген сөздерге көптік жалғауын жалғаңдар.

Өшіргіш, кітап, қағаз, дәптер, қалам, қарындаш, сөмке, сурет дәптер.

5. Сөйлемдерге синтаксистік талдау жасаңдар.

Мен кеше кеш тұрдым. Жаңа тақырыпты оқушылар жақсы түсінді. Асқарбиылуниверситетте оқып жүр. Мен бүгін сабақтан соң концертке бармақпын. Сәуле таңертең қалаға барады.

Орта деңгей.

1. Мына сөздердің антонимін табыңдар:

Аласа, ұзын, жақын, суық, салқын, түзу, ащы, батыр, кең, жарық,кіру,жақсы көру.

2. Мына сөздерді септеңдер:

Дәрігер, ұстаз, күнделік.

3. Мына сөздерді тәуелдеңдер:

Оқытушы, кітап, дос.

4. Мына сөздерге көптік жалғауларын жалғаңдар.

Құс, балық, егін, жапырақ, бұлт, күн, түн, мереке, ағаш, гүл, қарағай, шырша, бала, оқушы, адам, жер, алма, жидек, көкөніс.

5. Мына сөйлемге синтаксистік талдау жасаңдар:

Мен ертең жиналыста сөйлеймін. Ертең кешке әжеме барамыз. Ауылда бес-алты бөлмелі үлкен үйлер көп.Біз кітапханадан келе жатырмыз. Олар 1991 жылы ғарышқа ұшты.

Жоғарғы деңгей

1. Мына мақалдарды аяқтаңдар:

Ел болам десең, ... .... . Еңбек етсең ... . Туған жердей жер болмас, ... ... ... ... .

Өнер алды - ... .... . Туған жерге ... ... . Отан - оттан ... ... . Соңғы түйенің ... ... .

2. Мына сөздерге синоним жазыңдар:

Отан, әдемі, оқушы, мықты, бай,алыс,ел, дидар, еңбек ақы,жұмыс.

3. Мына сөздердің омоним түрлеріне сөйлемдер құрастырыңдар:

Түс, қорық, жаз, ат, сен, шаш, қара.

4. Мына сөздерді септеңдер.

Мұғалім, доп, сабақ.

5. Сөйлемдерді дұрыс құрастырып, синтаксистік талдау жасаңдар.

1. Тұрамын, ауылда, бұл, бұрыннан, мен.

2. Қаладан, түсте, келеді, апам, ертең.

3. Бүгін, болады, М.Әуезовтың, арналған, шығармашылығына, кеш.

4. Бақылау жұмысы, болды, күні, алдыңғы.

5. Сыныптан, мұғалім, шығып кетті, жаңа ғана

8 сынып

1-деңгей.

1. Жаңылтпашты жаңылмай айт. Оның ішіндегі зат есімдерді тап.

Күлдіргі бүлдіргіні бүлдірді,

Бүлдіргі күлдіргіні бүлдірді.

Сонда, қайсысы бұрынырақ

Күліп үлгерді?

2. Көп нүктенің орнына керекті жалғауларды қойып, сөйлемдерді көшіріп жазыңдар.

Сәуір... көңілді көктем басталады. Өзендер... сең жүреді. Құстар көптеп келе бастайды. Су молайып, арнасы... көтерілді. Жеміс ағаштары жасыл жапырақтары... жаяды. Бұл ай... құстар да біздің жақ... көптеп келеді.

3. Жұмбақтардың шешуін табыңдар. Сол сөздерге дыбыстық талдау жасаңдар.

• Бауыздасаң қан орнына су ағар.

• Жылт-жылт еткен,

Жырадан өткен.

• Өзі кірді ашады,

Суға салсам қашады.

4. Сөйлемдерді көшіріп жазыңдар. Синтаксистік талдау жасаңдар.

Қысқы демалыс аяқталып келеді. Өзенге мұз қата бастады. Күн қақап тұр. Үйдің іргесінде күшік күн шуақтап жатыр. Қаланың үстінде бір тікұшақ айналып ұшып жүр. Екі әже пештің жанында әңгімелесіп отыр. Ақмарал кітапханаға бара жатыр. Ермек атасының ертегісін тыңдап отыр.

2-деңгей.

1. Төмендегі сөздердегі у,ү,ұ әріптерінің жуан, жіңішке екенін анықтаңдар.

Жүген, тауық, құндыз, құлыншақ, үзеңгі, жаулық, ұялшақ, бояу, жусан, сұйық.

2. Осы сөздердің алтауын қатыстырып сөйлем құраңдар.

3. Көп нүктенің орнына тиісті сөздерді қойып жазыңдар.

... кірлетпей кию керек. Сабақ кезінде ... болмайды. ... көк бояумен боядық. Тауға қарай ... жүрдік. Бесіктегі бала ұйықтамай ... жатыр.

4. Сөйлемдерді көшіріп жазыңдар. Синтаксистік талдау жасаңдар.

Біздің мектепте тоғыз жүз оқушы бар. Залға төрт жүз елу орындық қойылған. Көкем биыл отыз тоғыз жаста. Қалада жиырма жеті мың адам тұрады. Кітапханада он сегіз мың кітап бар. Жарысқа елу бес спортшы қатысты. Екі бала орманға бара жатыр. Болат ғаштан кеме жасап отыр. Балқия аулада Айгулмен ойнап жүр.

9 сынып

3-деңгей

1. Берілген сөздерге дыбыстық талдау жаса.

Ғұлама, зерттеуші.

2. Көп нүктенің орнына тиісті әріптерді қойып жаз.

Т...рбие, зерттеуш..., к...рнекті, ...кілі, м...дениет, о...улықтар, ....деби, б...лім, т...уелсіз, ж...лдыз, ша...ырақ, ән...ран.

3. Көп нүктенің орнына тиісті септік жалғауын қойып жаз.

Нұржан... бөлмесі, оқушы... қаламы, өлең... авторы, орындық... аяғы, кітап... авторы, дәптер... беті, үй... терезесі, ет... дәмі, қыз... шашы, жатахана.... бөлмесі, ағаң... досы, базар... бағасы, ауыл... адамы, Айдос... сөзі, Зейнеп... кілемі, Сәбит... сағаты.

4. Берілген сөздермен сөйлем құрастыр.

Қаламдар, жатыр, қарындаштар, партада, дәптерлер, және. Отыр, балалар, сыныпта, және, қыздар. Кел, осында, сен, жазда. Адам, егде, оқытушы, емес, жас. Отыр, орындықта, мына, оқытушы.

2-деңгей

1. Сөздерді жай және тәуелді түрде септе.

Дос, ұстаз.

2. Отбасы туралы мақал - мәтелдер жаз.