ҮЙкеліс күші. Ауырлық күші. Заттың тығыздығы» тақырыптары бойынша бақылау жұмысы

Пән: Физика.

Сынып: 7

Сабақтың тақырыбы: «Үйкеліс күші. Ауырлық күші. Заттың тығыздығы» тақырыптары бойынша бақылау жұмысы

Сабақтың мақсаты: Оқушылардың пәнге қызығушылығын арттыру, пән бойынша алған білімдерін қорытындылау, тәлім-тәрбиесін, танымдық қабілетін, белсенділігін арттыру. Білімді, дарынды, озық оқушы болуға тәрбиелеу.
Сабақтың міндеттері:

1. Оқушылардың шығармашылық қабілеттерін, ізденістерін дамыту.

2. Өз беттерінше, жеке жұмыс жасауға дағдыландыру.

3. Дәстүрлі емес сұрақтарға нақты жауап беруге үйрету.

I нұсқа

1. Шананы қардың бетімен тарту үшін горизонталь бағытта 25 Н күш түсіреді. Егер шана қар бетімен үйкелгенде үйкеліс коэффициенті 0,05 болса, шананың массасын табыңыз.

2.Қабырғасының ұзындығы 7 см және қабырғасының қалыңдығы 1 см болатын іші қуыс мыс текшеге қандай ауырлық күші әрекет етеді ?

3. Шоколадтың тығыздығын анықтаңыз. Құрал - жабдықтар: текше тәрізді шоколад, таразы, сызғыш немесе мензурка.

II нұсқа

1. Салмағы 4 кН шананы мұздың бетімен тарту үшін горизонталь бағытта қандай күш түсіру керек? Шана мұз бетімен үйкелгендегі үйкеліс коэффициенті 0,03.

2. Салмағы 50 Н болатын іші қуыс шойын текшенің қабырғасының ұзындығы 12 см. Текшенің қабырғаларының қалыңдығын табыңыз.

3. Алманың тығыздығын анықтаңыз. Құрал - жабдықтар: алма, таразы, мензурка, суға толып тұрған ыдыс.