Физика пәнінен ашық сабақ жоспары

ӨҚӘ «Қ.Нұрғалиев атындағы №43 мектеп - гимназиясы» КММ

ФИЗИКА ПӘНІНЕН САБАҚ ЖОСПАРЫ

Пән мұғалімі: Шакенова Салтанат Сагатовна

Мерзімі: 13.04.2015 жыл

Сынып: 8 «Г»

Сабақтың тақырыбы: №9 зертханалық жұмыс: «Электромагнитті жинау және оның әрекетін тексеру». Электромагниттік құбылыстар бөлімін қайталау.

Сабақтың мақсаты:

Электромагниттік құбылыстар бөлімі бойынша алған білімдерін тиянақтау арқылы оқушылардың алған білімдерін практикада, есеп шығаруда қолдануға және өз бетімен, жұппен жұмыс жасай білуге үйрете отырып, ұқыптылыққа, жинақылыққа, сыйластыққа, адамгершілікке тәрбиелеу

Негізгі идеялар: Интербелсенді әдіс - тәсілдерді қолдану арқылы оқушыны өз бетімен ізденуге бағыттау. Сыни тұрғыдан ойлау қабілеттерін арттыру.

Оқушылар үшін оқу нәтижелері: Жұппен жұмыс жасай біледі. Өз бетімен жұмыс жасауға машықтанады. Өз пікірін еркін жеткізуге дағдыланады..

Сабақтың түрі: зертханалық жұмыс, қайталау

Сабақта қолданылатын әдіс - тәсілдер: сыни тұрғыдан ойлау, жекелей, жұптық, топтық жұмыс, интербелсенді әдіс- тәсілдер, зертханалық жұмыс.

Сабақта қолданылатын көрнекіліктер: презентация, үлестірме қағаздар, Activ Ote құралы, интерактивті тақта, компас, магниттер, зертханалық жұмысқа қажетті құрал - жабдықтар.

р/с

Сабақтың кезеңдері

Ойлау деңгейі

Мұғалімнің іс - әрекеті

Оқушының іс - әрекеті

Күтілетін нәтиже

1

Ұйымдастыру

Сәлемдесу;

Оқушыларды түгендеу;

Оқушылардың сабаққа дайындығын тексеру (жұмыс орны, отырыстары, сыртқы түрлері);

Оқушылардың назарын сабаққа аудару.

Сабақтың тақырыбы мен мақсатымен таныстыру

Сәлемдесу

Кезекші сыныпта жоқ оқушыны айтады

Сабаққа дайындалады

2

Үй тапсырмасын тексеру

Білу

«Біле бер, қанша білсең, - тағы тіле,

Жетерсің мұратыңа біле, біле» -

Жүсіп Баласағұн

Электромагниттік құбылыстар бөліміне арналған PISA есептерін таратып беру.

Берілген есептерді өз бетімен шығарып,дұрыс жауабымен салыстырып тексереді. Бағалау парағын сабақтың әр кезеңіндегі тапсырмаларды орындау барысында толтырып отырады.

Есептерді шығарту арқылы бөлім бойынша мәліметтер оқушылардың есінде қаншалықты сақталғаны анықталады.

3

Өткен тақырыпты қайталау

Түсіну

Оқу материалын түсінгендігінің көрсеткіші ретінде оқушыларға интерактивті тақтадан

Венн диаграммасын көрсету

Магнит

өрісі

Электр

өрісі

Оқушыларға қара магнит пен жолақ және таға тәріздес магниттер таратып беру

Сұрақ: Қай магнит бізге таныс? Қайсысын тұрмыста жиі қолданамыз?

Оқушылар кезекпен тақтаға шығып Венн диаграммасын толтырады

Оқушылар қара магнитті өмірде қайда қолданатыны туралы өз ойларын айтып береді.

Оқушылар магнит өрісі мен электр өрісінің арасындағы айырмашылық пен ұқсастықты көрсете алатын болады.

Тақырыптың өмірмен байланысы көрінеді.

4

Зертханалық жұмысты орындау

Қолдану

Талдау

Оқулықтағы №9 зертханалық жұмыстың тақырыбы мен мақсатымен оқушыларды таныстырып, қауіпсіздік ережесін сақтай отырып жұмысты орындауға қажетті құрал - жабдықтарды береді.

Тақырыбы: Электромагнитті жинау және оның әрекетін тексеру.

Мақсаты: Электромагниттің негізгі бөлшектерімен танысу, оның әрекетін зерттеу.

Ойлан, жұптас, талқыла әдісі- зертханалық жұмысты қорытындылау

Бейнематериалды көрсету.

Сұрақ: Адасқан адамға қалай көмектесе аламыз?

Оқушылар зертханалық жұмысты жұптарымен бірге орындайды

Зертханалық жұмыстың қорытындысын жазып, жұбымен пікірлесіп, шағын топта талқылап ортақ бір ойды айтады.

Тақырыппен байланысты көрсету үшін оқушылар адасқан адамға компас арқылы көмектесуге болатынын айтады. Компас туралы мәлімет береді.

Оқушылар алған білімдерін практикада қолданып, тәжірибе нәтижесін талдап, топпен, жұппен жұмыс жасау дағдылары қалыптасады, өз бетімен жұмыс жасап үйренеді.

Тақырыптың өмірмен байланысы көрінеді.

5

Сабақты бекіту

Жинақтау

Тест жұмысын алу. (Activ Ote құралымен)

Басқару пульттерін пайдаланып тест жұмысын орындайды. Нәтижесін тақтадан көріп, бағалау парағына толтырады. Бағалау парағында қорытынды баллдарын есептейді.

Ақпараттық құралдармен жұмыс жасау дағдылары қалыптасады, шапшаң ойлауға үйренеді.

6

Сабақты қорытындылау (рефлексия)

Бағалау

Сұрақтары бар қорап әдісі:

Оқушыларға сұрақтар жазылған үлестірме қағаздар таратылады

1. Мен таңғалдым...

2. Мен ойланып қалдым...

3. Менде сұрақ бар...

Сұрақтарға жауап жазып қағаздарын қобдишаға салады. Оқушылар қалдырған сұрақтар келесі сабақтың басында ашылып талқыланатын болады.

Оқушыларда бөлім бойынша толық білім қалыптасады, өзін- өзі бағалайды. Сабақтан алған әсерін білдіреді.