Қос сөздер. ҚАйталама қос сөздер 6-сынып

6 сынып Қазақ тілі

18.08.2014ж

Сабақтың тақырыбы: «Қосарлама қос сөздер»

Сабақтың мақсаты:

Білімділік: оқушыларға қос сөздер, оның ішіндегі қайталама қос сөздердің жасалу жолдары мен ерекшеліктерін жетік меңгерту.

Дамытушылық: оқушылардың күрделі сөздер туралы алған білімдерін , есте сақтау, көру жадыларын және шығармашылық қабілеттерін дамыту, ізденушілік, шапшаң ойлаушылық қабілеттерін арттыру.

Тәрбиелік: оқушыларды сыйластыққа, ұлттық құндылықтарды құрметтеуге тәрбие беру

Сабақтың көрнекіліктері: слайд,

Сабақтың түрі: жаңа сабақты меңгерту

Сабақтың әдістері: топпен жұмыс, оқулықпен жұмыс, шығармашылықпен айналысу.

Сабақтың барысы:

1. Ұйымдастыру: оқушыларды түгендеу, сабақтың өту барысымен таныстыру.

2. Үй тапсырмасы

1.Дара сөз, күрделі сөз деген не?

2.Сөздер құрамы жағынан нешеге бөлінеді?

3.Күрделі сөздерді ата.

4.Біріккен сөздер деген не?

5.Кіріккен сөз дегеніміз не?

6.Аң - құс, жәндік, өсімдік атауларына мысалдар келтір:

Жаңа сабақ

Сөздердің қосарланып немесе қайталанып

айтылуынан жасалған сөздер қос сөздер деп аталады.

Қос сөздің түрлерін түсіндірту:

Қос сөз

Қайталама қос сөз

Қосалама қос сөз

Жасалу жолдары:

Көре - көре көсем боласың,

Сөйлей - сөйлей шешен боласың

1.Түбірдің түгелдей қайталануы арқылы жасалады.

Анасы мен баласы жүзбе-жүз көрісті

2.Бір сыңары қосымшалы, бір сыңары

қосымшасыз бір түбірдің қайталануы

Барар -бармасымды Құртқа біледі.

3.Бір түбірдің әр түрлі қосымша жалғанып

қайталануы арқылы жасалады.

Апасы үйге ет-мет, шай-пай сияқты азықтарды ала келіпті.

4.Екінші сыңары бірінші сыңарына еліктеу

мәнінде жұмсалуы арқылы жасалады.

Түнге қарай ауа райы бұзыла бастады, артынша найзағай жарқ-жұрқ етіп

Үрейді ұшырды.

5.Еліктеуіш сөздің екінші сыңары кейбір дыбыстық

өзгерістерге ұшырап жасалуы.

Алма бағында қып-қызыл алмалар үлбіреп пісіп тұр.

6.Түбір сөздің алдынан күшейткіш буын қосылып айтылуы

Жаттығу жұмыстарын орындау

88-жаттығу

Берілген сөздерден сөйлем құрап, қос сөздердің қалай жасалғанын айт.

Дүркін-дүркін, қолма-қол, көзбе-көз, жалт-жұлт, өзінен-өзі, қараптан-қарап, жымың-жымың, қараң-қараң, мөлт-мөлт, тарс-тарс.

89-жаттығу

Суретке қарап, әңгіме құра

Жаңа сабақты қорытындылау:

Қос сөз дегеніміз не?

Қос сөздер нешеге бөлінеді

Қайталама қос сөз деген не?

«Тау-тау» қалай жасалған?

«жүзбе-жүз» қалай жасалған?

«Орынды -орынсыз» қалай жасалған?

«Ет-мет» қалай жасалған?

«Жалт-жұлт» қалай жасалған?

«Қып-қызыл» қалай жасалған?

Біріккен сөз дегеніміз не?

Үй тапсырмасы: жасалу жолдарын жаттау,90 - 91 жаттығулар

Бағалау:

Бөрлі негізгі жалпы білім беретін қазақ мектебі

Бекітемін_______

Директордың оқу-ісі жөніндегі

орынбасары Бергалиева Ш.М.

«11» қазан 2013ж

Ашық сабақ

Пәні:Қазақ тілі

Тақырыбы: «Қос сөздер. Қайталама қос сөздер»

Өткізген: Асенеев А.М.

2013-2014 оқу жылы